{idkey=9381b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5098-andin-bikker-por-partido-por-ta-evaluando-e-reconocimento-di-diploma-medico-pa-nos-hobennan-cu-a-gradua-den-nos-region%3FItemid%3D101][title=Andin+Bikker+%28POR%29%3A+Partido+POR+ta+evaluando+e+reconocimento+di+diploma+medico+pa+nos+hobennan+cu+a+gradua+den+nos+region][desc=Commishona+nan+di+Forsa+Noba+ta+reuniendo+cu+diferente+gremio+e+ultimo+dianan+aki+for+di+siman+pasa%2C+cu+ta+traha+den+tema+di+salubridad+pasobra+mr.+Bikker+tin+hopi+anja+treciendo+e+topico+aki+den+discusion+pasobra+e+ta+kere+den+y+ta+un+derecho.+Bikker+a+reitera+cu+ironia+di+bida+ta+cu+diariamente+AZV+ora+cu+no+por+resolve+un+problema+cu+ta+rekeri+di+specialismo+aki+na+Aruba%2C+ta+manda+e+pacientnan+na+Colombia%2C+un+tempo+atras+na+Venezuela%2C+kiermen+den+e+region%2C+den+man+di+profesionalnan+cu+no+ta+c]}
Commishona nan di Forsa Noba ta reuniendo cu diferente gremio e ultimo dianan aki for di siman pasa, cu ta traha den tema di salubridad pasobra mr. Bikker tin hopi anja treciendo e topico aki den discusion pasobra e ta kere den y ta un derecho.

Bikker a reitera cu ironia di bida ta cu diariamente AZV ora cu no por resolve un problema cu ta rekeri di specialismo aki na Aruba, ta manda e pacientnan na Colombia, un tempo atras na Venezuela, kiermen den e region, den man di profesionalnan cu no ta cay bao e ley di BIG y cu basicamente a studia den e region y nunca a practica na Aruba. Pero e ora ey si ta bon.

Esaki ta hopi stranjo y pa varios decada caba cu tur gobierno ta duna fianza pa e estudiante nan pa por bai studia afo y di Aruba pa nan por educa nan mes na Costa Rica y Colombia, pero ora nan caba y ta bolbe Aruba algun di nan ta haya un MB pa traha un par di anja y despues nan ta kita nan autoridad of nan no por cuminza traha. Pero e asunto aki tin un solucion pe. Bikker a introduci ja caba fe 2012 un ley di iniciativa basa riba articulo 41 di e ley BIG cu  ta esun cu Hulanda ta exigi pa eherce como docter.

E articulo 41 ta bisa cu door cu Hulanda ta parti di Union Europeo y mester reconoce e diploma di tur e otro paisnan di EU y di esnan cu a studia den otro caminda, nan a bin cu un aproach pa evalua si e persona ta capacita of no. E ta pasa un test caminda nan ta wak si e ta of no ta califica pa opera den e ambito di medicina na Hulanda, y ta pone como condicion seis luna pa e adapta su mes.

E parlamentario a corda riba dr. Franca cu a bay Hulanda den e set aki pasobra nan a nenge na Aruba traha como docter y den seis luna nan a dune na Hulanda e autoridad pa traha como docter den e sistema hulandes. 

Andin Bikker cu Aruba mester stop di balota docternan cu a studia den e region y mester cuminza habri nos wowo y na final di dia bin cu un capacitacion asina pa reconoce e capacidad mescos cu na Hulanda. Bikker a splica cu e minister di salubridad actual na 2014 a pasa den Parlamento un kaderwet cu ta un ley di marco caminda el a haya autoridad, pa via di decretonan, LBHAM pa yena e bashinan entre otro con pa reconoce diploma, pero te dia di awe esaki no a yega. Andin a pasa un amienda caminda e ta bisa cu e ley di  LBHAM aki mester bin den Parlamento pa ser studia. E no a wak e decreto aki yega parlamento y en todo caso no a drenta na vigor. Y si por a drenta mes e no a wak un solucion concreto pa e muchanan cu a studia den region cu ta varios persona. E pregunta cu ta wordo haci ta na cuanto docter mas por duna trabao, pero segun Andin su concepto  e persona cu a studia pa un profesion no mester depende si ta haya trabao of no pa reconoce su capacidad, pasobra na final di dia no mester lubida cu nos tin entre 1.7 cu 1.8 miyon turista ta bin akinan cu no ta cay bow AZV y cu ta wordo confronta cu retonan medico cu hopi biaha ta di indole di eerste hulp y segur por ta un mercado pa esnan cu si tin e permiso pa eherce nan profesion y tambe den sector priva tin mercado.

Expresionnan haci den e articulo aki no necesariamente ta refleha opinion di ArenaPoliti.co