{idkey=6777b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5125-booshi-wever-upp-upp-cu-reto-na-mike-eman-paul-croes-y-mike-de-meza-show-us-the-list%3FItemid%3D101][title=Booshi+Wever+%28UPP%29%3A+UPP+cu+reto+na+Mike+Eman%2C+Paul+Croes+y+Mike+de+Meza%3A+%26quot%3BShow+us+the+list%26quot%3B][desc=+Cu+hopi+fanfaria+nos+por+a+tuma+nota+di+e+show+cu+Mike+Eman%2C+Mike+de+Meza+y+Paul+Croes+a+haci+cu+e+100+badge+cu+a+wordo+reparti+pa+trahadornan+di+contratista+PMEC+%28Mike+de+Meza+ta+do%C3%B1o+di+esaki%29+cu+lo+bai+cuminza+traha+riba+tereno+di+e+upgrader.+UPP+NO+kier+mira+BADGE%21%21%21%26amp%3Bnbsp%3BUPP+kier+mira+e+lista.+%26amp%3Bnbsp%3B%26quot%3BSHOW+US+THE+LIST%21%21%26quot%3B%26amp%3Bnbsp%3BUn+lista+di+e%26amp%3Bnbsp%3B600+Arubianonan+cu+nomber%2C+faam%2C+adres+y+paspoort+%26amp%3Bnbsp%3Bcu+DIRECTAMENTE+y+e+650+Arubianonan+cu+INDIRECTAMENTE+%26amp%3Bnbsp%3Blo+ta+trahando+cu+Citgo+de]}
Cu hopi fanfaria nos por a tuma nota di e show cu Mike Eman, Mike de Meza y Paul Croes a haci cu e 100 badge cu a wordo reparti pa trahadornan di contratista PMEC (Mike de Meza ta doño di esaki) cu lo bai cuminza traha riba tereno di e upgrader. UPP NO kier mira BADGE!!! UPP kier mira e lista.  "SHOW US THE LIST!!" 

Un lista di e 600 Arubianonan cu nomber, faam, adres y paspoort  cu DIRECTAMENTE y e 650 Arubianonan cu INDIRECTAMENTE  lo ta trahando cu Citgo desde januari 2017 y nan salarisslip cu un salario di Afl. 4223,33 pa luna!!!! No ta esey boso a bisa y CAFT a tuma esaki klakkeloos over???? 
Nos ta yega na Afls. 4223,33 pa cada trahador pa luna si nos tuma e salario averahe pa aña di AWG. 50.680,=  y dividi esaki dor di 12. E cifra aki Caft ta usa den su analisis, cifranan cu Mike Eman, Paul Croes y Mike de Mezas mes a duna Caft. 

Lesa pa bo mes kiko Caft ta bisa den su analyse riba pagina 4/7: 
"In de impactanalyse is gerekend met 600 arbeidsplaatsen aan directe werkgelegenheid van de raffinaderij, en 650 arbeidsplaatsen aan indirecte werkgelegenheid in 2017. In de berekeningen is aangenomen dat deze 1.250 arbeidsplaatsen vanaf JANUARI volledig bezet zullen zijn."

Y ya caba nos ta casi na fin di FEBRUARI!!! Caft den su analyse ta sigui bisa:  

"Het Caft acht het onwaarschijnlijk dat deze medewerkers, met een gemiddeld loon van AWG. 50.680,=, allemaal vanaf januari werkzaam zullen zijn. De belasting- en premieopbrengsten als gevolg van deze additionele werkgelegenheid van 20 miljoen in 2017 zullen derhalve naar verwachting lager uitkomen"

Y Caft mes ta sigui bisa cu nan NO ta kere cu esey lo bai ta e caso y cu mester adapta e loonbelasting y otro premienan "downwards"!!! No ta manera di manipula y hunga populista. Y ta di lamenta cu otro politiconan y instancianan tambe hunga e wega aki.

Awor ta con bin AIB ta duna presentacion y de Meza ta bisa cu tur e cifranan ta cuadra manera cu nan a proyecta??? Dicon AIB no ta publica su presentacion tambe y laga Citgo y Paul Croes bin cu e prueba!!! Alabes un suplica ta bai na AIB por medio di e gran bankero Frendsel Giel, defensor di Gabinete Eman, pa publica e contract di 2000 pagina cu siguramente e lo mester a lesa pa e por a duna un presentacion unda, un biaha mas, e ta pinta e potret masha bunita, dunando mas contenido na e EMANLANDIA cu e probechadornan aki ta yuda crea.

UPP ta spera cu AIB a traha riba diferente scenario y no e scenario cu Gabinete Eman kier bende pueblo. Pues un analisis responsabel lo mester inclusivo mustra un "Doom" scenario di e binimento di e blender aki pa Aruba. Tambe nos ta reta e e 20 parlamentarionan cu ta para tras di e contracto cu gobierno a firma cu cu tanto Citgo, PDVSA y gobierno Venezolano. Mester bay samina nan consenshi pa e sosten cu nan a duna a sabiendas cu e contratonan cu a yega cu e instancianan aki ta contra e pueblo y contra trahadornan local. No mester hunga wega awor di bay grita cu minister Venezolano mester garantisa trabou pa nos Arubianonan.

Den nomber di UPP mi ta reta Mike Eman, Paul Croes y Mike de Meza bin cu cifranan concreto y real.  Mi ta reta nan pa bin cu un lista di nomber, faam y paspoort di cada un di nan.  "SHOW US THE LIST"!!! Vooral na Paul Croes mi kier a usa un dicho cu su propio tata tabata usa: " BE A MAN NOT A CACROUCH"!!


Lider di UPP
C.A.S.D. Wever
19 februari 2017

Expresionnan haci den e articulo aki no necesariamente ta refleha opinion di ArenaPoliti.co