{idkey=7895b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5226-glenbert-croes-mep-mep-lo-presenta-plan-pa-construccion-di-cas-pa-tur-famianan-wardando-pa-tereno-na-dip-y-na-fcca-pa-cas%3FItemid%3D101][title=Glenbert+Croes+%28MEP%29%3A+MEP+lo+presenta+plan+pa+construccion+di+cas+pa+tur+famianan+wardando+pa+tereno+na+DIP+y+na+FCCA+pa+cas][desc=Durante+e+ultimo+a%C3%B1anan%2C+sr+Glenbert+Croes+di+Partido+MEP+a+bin+ta+scuchando+e+necesidadnan+y+preocupacionnan+cu+ta+biba+den+e+pueblo+di+Aruba.+Un+necesidad+grandi+cu+hopi+famia+ta+enfrenta+ta+e+falta+di+un+propio+cas+y+of+e+facilidad+di+haya+tereno+pa+asina+nan+por+cuminsa+traha+nan+cas.+Sr+Croes+ta+elabora+riba+esaki%3A%E2%80%9CE+siguiente+proyecto+den+cual+lo+mi+hinca+tur+mi+empe%C3%B1o+ta+pa+bin+cu+un+plan+pa+construccion+di+casnan+pa+tur+famianan+cu+ta+wardando+a%C3%B1anan+pa+terreno+na+Domeinbeheer%2FDIP+y]}
Durante e ultimo añanan, sr Glenbert Croes di Partido MEP a bin ta scuchando e necesidadnan y preocupacionnan cu ta biba den e pueblo di Aruba. Un necesidad grandi cu hopi famia ta enfrenta ta e falta di un propio cas y of e facilidad di haya tereno pa asina nan por cuminsa traha nan cas. Sr Croes ta elabora riba esaki:

“E siguiente proyecto den cual lo mi hinca tur mi empeño ta pa bin cu un plan pa construccion di casnan pa tur famianan cu ta wardando añanan pa terreno na Domeinbeheer/DIP y tur famianan wardando pa un cas di Pueblo na FCCA.

Ora cu nos di MEP ta critica e corupcion cu tereno di nos pueblo unda cu nos ta mira Gobierno di AVP privilegia y recompensa e grupito di corupcion rond di AVP cu ta haci negoshi y te awor ta sigui haci negoshi cu tereno di pueblo, mientras cu tin 3000 famia wardando pa cas di Pueblo na FCCA, mientras tin 10.000 famia wardando añanan caba pa tereno na DIP/Domeinbeheer, ta pasobra e ta haci nos dolor mira con Gobierno di AVP ta bira lomba pa e necesidad fundamental di nos pueblo pa tin su propio cas pa su famia.

Cu certeza nos kier confirma na henter nos digno pueblo, cu e Gobierno nobo di MEP lo bai revoca/elimina tur e terenonan mal duná cu proposito unicamente di wordo rebendi, pa asina nos re-destina e terenonan comercial pa traha cas pa pueblo, y pa asina nos percura pa tur famia cu ta wardando pa un tereno pa traha nan cas finalmente haya nan tereno y cas.

Nos plan lo ta encera tambe pa nos traha di serca cu famianan y personanan cu ta doño di terenonan eigendom pa hunto nos desaroya e terenonan aki cu e proyecto di construccion di cas pa pueblo.
Nos ta di opinion cu FCCA mester hunga un rol importante den esaki, pero pa impedi retrasonan innecesario, e proposicion di MEP ta pa bin bek cu e Banco di Desaroyo/ Banco di pueblo cu lo percura pa hypotheek na condicionnan sumamente faborable pa pueblo pa asina tur famia humilde por yega na ta doño di su propio cas.

AVP den 8 aña a haci negoshi so cu tereno di pueblo pa beneficio di e grupo di corupcion rond di AVP cu nos tur sa ken nan ta. Pero september proximo den e Gobierno nobo di MEP nos lo debolbe nos digno pueblo tur e terenonan aki di Pueblo bek na nos pueblo pa asina e necesidad-deseo y soño di tur famia pa ta doño di propio cas bira finalmente un realidad.

Nos lo ta trahando riba e plan di solucion pa cas pa henter pueblo di Aruba pa den e proximo lunanan presenta esaki na Lider di Partido y Conseho di Partido pa e wordo incorpora den programa di partido concretamente,” Parlamentario Croes ta termina.

Expresionnan haci den e articulo aki no necesariamente ta refleha opinion di ArenaPoliti.co