{idkey=353b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5228-jacky-van-putten-por-importancia-di-participacion-di-hende-muher-den-deporte%3FItemid%3D101][title=Jacky+van+Putten+%28POR%29%3A+Importancia+di+participacion+di+hende+muher+den+deporte][desc=Dia+8+di+maart+ta+dia+internacional+di+hende+muher+unda+%26amp%3Bnbsp%3Bmundo+completo+ta+celebra+y+reconoce+%26amp%3Bnbsp%3Bimportancia+di+ser+femenino+den+nos+comunidad+y+mi+kier+a+pone+atencion+riba+e+topico+%E2%80%9CParticipacion+di+hende+muher+den+deporte%E2%80%9D.%26amp%3Bnbsp%3BDen+mi+a%C3%B1anan+di+experiencia+den+mundo+di+deporte+mi+a+wak+cu+entre+participacion+di+nos+hende+muher+cu+homber+cu+den+diferente+etapa+di+bida+mas+hende+muher+pa+un+of+otro+motivo+ta+stop+di+pratica+deporte+of+haci+movecion.%26amp%3Bnbsp%3BCuanto+biaha+nos+a+tende+c]}
Dia 8 di maart ta dia internacional di hende muher unda  mundo completo ta celebra y reconoce  importancia di ser femenino den nos comunidad y mi kier a pone atencion riba e topico “Participacion di hende muher den deporte”. 
Den mi añanan di experiencia den mundo di deporte mi a wak cu entre participacion di nos hende muher cu homber cu den diferente etapa di bida mas hende muher pa un of otro motivo ta stop di pratica deporte of haci movecion. 
Cuanto biaha nos a tende comentario wordo duna “Mucha muher no mester pratica un deporte specifico” of ora di weganan di di team di mucha muher cu tribune mitar bashi,   medionan di prensa  no ta duna mesun atention  pa muher den deporte cu esnan di homber. 
Ki impacto esaki tin riba nos mucha muhernan cu ta desea di pratica deporte? Awendia 7 di cada 10 mucha muher ta sinti cu nan no ta forma parti di e deporte pa motivo cu nan no ta haya e debido atention. 
Esaki ta un di e puntonan cu un ser femenino ta stop di pratica deporte, pero tambe ora yega den etapa di adolecencia varios mucha door e cambio di nan curpa hopi biaha nan no sa con pa deal cu esaki, nan no ta siqur di nan mes cu e consecuencia cu nan ta stop di pratica deporte.
Pero netamente pa medio di pratica deporte ta  stimula confidencia den un persona. 
Otro punto cu tin un  influencia den un ser femenino pa  stop di pratica deporte ta den e etapa di 20- 49 aña unda ser femenino ta forma famia (ta bira mama) y tambe ta forma parti di comunidad laboral. 
Mas hende muher cu tin baby, peuter of tin yiu na cas compara cu hende muher sin yiu cu mesun edad ta stop di pratica deporte den e fase aki. 

Pratica deporte tin hopi beneficio importante pa hende muher:

Suavisa PMS y dolor di menstruacion: pratica deporte regularmente ta baha e dolor di menstruacion esaki ta sosede door cu e substancia endorfine ta wordo produci y esaki ta suavisa e dolor. Endorfine tin un efecto di calmante tambe den e ultimo fase di bo ciclo di menstruacion bo ta kima mas vet.
Suavisa bo fase transitorio di menopausa: varios estudio ta mustra cu  ta hopi importante pa hende muher sigui move of haci deporte den e fase  transitorio di menopausa pa suavisa kehonan manera e.o.soda anochi, problema cu drumi y irritacion.
Otro beneficionan físico ta: mehora flexibilidad y coordinacion, controla presion di sanger, controla bo peso, controla colesterol y mengua e riesgo di osteoporosis.
Tambe movecion ta trece beneficio psicologico: aumenta e siguransa den bo mes, sali for di aislamento social, reduci depresion, alivia stress y mehora e capacidad di concentracion.
Jacky candidato di Plataforma Nobo ta haya hopi importante pa diferente instancianan e.o departamento di Gobierno encarga cu deporte, Comitee Olimpico cu tin un comision di hende muher y Aruba Sport Unie traha hunto pa evita cu nos mucha muhernan hoben ta “drop out” di deporte cu tur e consecuencia cu esaki por trece pa nos comunidad  e.o. embraso hubenil, obesidad y  criminalidad.
E Plataforma Nobo, POR ta desea tur ser femenino un feliz dia internacional di hende muher y cu practica di deporte beneficia cada un di boso den boso bida priva y social.

Expresionnan haci den e articulo aki no necesariamente ta refleha opinion di ArenaPoliti.co