{idkey=2116b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5325-otmar-oduber-por-retiro-miembronan-di-hunta-na-ata-ta-ilegal%3FItemid%3D101][title=Otmar+Oduber+%28POR%29%3A+Retiro+miembronan+di+hunta+na+ATA+ta+ilegal][desc=Ta+considera+esaki+un+atentado+contra+nos+pilar+economico.%26amp%3Bnbsp%3B%E2%80%9CTa+bayendo+un+luna+cu+a+retira+e+3+comisarionan+di+ATA+y+ainda+nan+no+a+wordo+reemplasa.+E+compania+no+tin+un+hende+na+cabes+pa+loke+ta+e+organo+di+supervision+cu+mester+tin+y+peor+ta+e+hecho+cu+ta+trata+nos+pilar+economico%2C+nos+turismo%2C+riba+cual+nos+ta+depende+riba+90%25+di+dje%E2%80%9D%2C+Otmar+Oduber+di+POR+ta+indica.+E+ta+bisa+cu+turismo+ta+practicamente+unico+entrada+di+Pais+Aruba+y+e+forma+con+gobierno+y+e+Minister+encarga+ta+actuan]}Ta considera esaki un atentado contra nos pilar economico. 

“Ta bayendo un luna cu a retira e 3 comisarionan di ATA y ainda nan no a wordo reemplasa. E compania no tin un hende na cabes pa loke ta e organo di supervision cu mester tin y peor ta e hecho cu ta trata nos pilar economico, nos turismo, riba cual nos ta depende riba 90% di dje”, Otmar Oduber di POR ta indica.

E ta bisa cu turismo ta practicamente unico entrada di Pais Aruba y e forma con gobierno y e Minister encarga ta actuando ta inaceptabel. E forma di un persecusion cu a tuma luga den e diferente empresanan aki a wordo haci na un forma ilegal pa loke ta trata specificamente ATA. Pero tambe ora cu gobierno ta acerca personanan responsabel, profesional, cu ta wordo pidi a base di nan conocemento y buena conducta den nos comunidad pa asumi e responsabilidad di un comisario di un empresa estatal di Pais Aruba, ta un señal robes. Ta papiando di hendenan cu cargonan sumamente halto den nos comunidad, personan respeta den nos comunidad cu lamentablemente a wordo trata na un forma inhumano y a wordo retira na un forma ilegal.Esaki ta e motibo cu te ainda gobierno no a nombra un board pa dirigi, supervisa y aproba e maneho di ATA, Otmar Oduber a indica.

Danki Dios a mira e prome dos lunanan sumamente positivo pa loke ta trata e industria hotelero, trabou di nos Arubianonan a aumenta tur dos luna, grado di ocupacion a aumenta cu casi 5% cada luna, RevPar a aumenta cu casi 10% durante e dos lunanan aki, mescos cu prijs pa camber. Mustrando cu e maneho cu tabata wordo hiba door di e profesionalnan den e instituto di ATA y otronan den Ahata y stakeholders, ta continua den e direccion positivo pa loke ta trata economia di Aruba. 

Den e ley cu ta goberna ATA ta poni na un forma hopi cla cu e presidente di e board como tambe e miembronan cu ta wordo nomina pa AHATA, no por wordo retira sin mas door di e Minister, si no ta prome cu scucha y haya un conseho di e propio board aki. Den e caso aki a retira tur hende na un forma iresponsabel/ilegal. Den e ley tambe ta poni cu gobierno mester splica y duna un motibo pa cual ta retira e miembronan.

Sr. Oduber ta splica pakico iresponsabel: Pasobra na e momentonan aki, decisionnan cu mester wordo tuma a base semanal door di e board ta keda para. Esaki ta base di e ley cu a wordo aproba den Parlamento mes cu por imposibilita y trece e industria principal di nos turismo na peliger, si no tuma decisionnan. Esaki lo tin efecto aki 5 pa 6 luna pa por ehempel pa proposicionnan cu mester wordo haci den exterior y convencionnan cu mester wordo organisa entre otro. Ta exihi pa e situacion aki wordo remedia mas lihe cu ta posibel, pasobra na final, aki 6 luna, bo tin un gobierno nobo y e gobierno lo no tey pa responsabilisa actonan cu ta tuma luga awe pero cu lo tin consecuencia despues di september.

Expresionnan haci den e articulo aki no necesariamente ta refleha opinion di ArenaPoliti.co