{idkey=8022b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F546-eddy-ras-pdr-reforsa-asuntonan-social-ta-evita-hopi-criminalidad-y-baha-gasto-pa-gobierno%3FItemid%3D101][title=Eddy+Ras+%28PDR%29%3A+Reforsa+Asuntonan+Social%2C+ta+evita+hopi+criminalidad+y+baha+gasto+pa+gobierno][desc=Problemanan+social+no+ta+nada+nobo+aki+na+Aruba.+No+mas+e+situacion+aki+durante+a%C3%B1anan+a+bin+ta+aumenta.+E+aumento+tin+di+haber+cu+gobiernonan+anterior+no+a+pone+suficiente+antencion+riba+e+consequencianan+cu+e+lo+trese+cu+ne.+Mayoria+di+e+problemanan+social+ta+comberti+den+criminalidad.+Como+cu+e+problemanan+social+a+bin+ta+crece%2C+criminalidad+tambe+a+bin+ta+lanta+cabes.+Si+nan+tawata+un+maneho+mes%2C+e+maneho+no+a+duna+suficiente+resultado+paso+e+problemanan+a+keda+crece.+Y+te+dia+di+awe+no+tin]}Problemanan social no ta nada nobo aki na Aruba. No mas e situacion aki durante añanan a bin ta aumenta. E aumento tin di haber cu gobiernonan anterior no a pone suficiente antencion riba e consequencianan cu e lo trese cu ne. Mayoria di e problemanan social ta comberti den criminalidad. Como cu e problemanan social a bin ta crece, criminalidad tambe a bin ta lanta cabes. Si nan tawata un maneho mes, e maneho no a duna suficiente resultado paso e problemanan a keda crece. Y te dia di awe no tin antencion pa evita problemanan social cu lo comberti den criminalidad. Hopi biaha hobennan ta wordo critica. Pero pa es motibo cu structuralmente nan no a bin ta haya miho ehempel na cas, e problemanan a bin ta aumenta. Esaki ta hasi cu un persona ta wordo forma sin structura. Un persona sin structura tin difilcultad pa anda cu regla, paso nunca no tabata tin structura na cas. Un mayor cu no tin structura, ta un persona cu ta bira defensief y ta defende y apoya su yui momento cu e comete un eror. Por ehempel: no tin respet pa polis, no ta sigui reglanan di scol of simplemente ta falta respet momento cu e wordo corigi door di un persona mayor (un miembro familiar, un bisiña, etc). E actitud defensief ta bin door di falta di ta insigur y no tin confiansa den su mes. E dos puntonan aki ta hasi cu nan no sa con pa anda cu situacionnan. Un persona cu no ta sigur di su mes y no tin confiansa den su mes, ta un persona cu no tin un caracter fuerte. Pa es motibo e ta bira un victima cu por wordo manipula fasilmente pa medio di “peer pressure”. E “peer pressure” ta guia un persona sin structura fasilmente pa comete actonan delinguente. Esaki tin como consequensia cu si husticia pone man riba un mayor, e oportunidad ta bira grandi cu husticia den futuro lo bay pone man riba e yuinan. Un hoben cu no a haya otro ehempel y no tin un personalidad fuerte, lo por tuma e caminda di delincuencia fasilmente. Por ehempel si un tata a duna como ehempel pa medio di acto delinguente e la bin ta sobrevivi, e oportunidad cu un yui ta tuma mes un pasonan ta grandi. Cada persona cu cay den man di husticia ta un peso financiero pa e pueblo. Un persona cu cay den man di husticia tin derecho di un luga pa drumi, come etc. Nan necesidadnan ta wordo cubri cu e placa di impuesto di pueblo. Y na otro banda e personanan humilde cu ta hasi nan esfuerso y traha pa ofrese lo mihor, ta esnan cu ta pasa trabou pa jega na nan pan di cada dia. Un persona cu problema social no ta analisa y wak ken a comete eror. Esey ta bin cu nan a custumbra di biba den un ambiente negativo. Ta masha normal cu pa nan resolve problema mester tin agresividad y violencia. E puntonan menciona ta indica cu no por warda pa e mayornan tuma nan responsabilidad riba nan mes, paso como nan no ta reacciona e no ta bay sosede din nan mes. Na final di dia esnan cu ta bay wordo influencia door di e problemanan social ta e pueblo. Momento cu criminalidad lanta cabes, niun cuidadano no ta bay ta emocionalmente trankil. Nan no ta bay ta emocionalmente trankil, paso nan sa cu un ora pa otro cu nan ta bay bira victima di actonan delinguente. E mesun criminalidad aki lo drenta nos turismo, cual ta nos unico pilar economico. Aunke cu educacion na cas ta responsabilidad di mayornan, gobierno mester atende cu e situacionnan. Gobierno no por tuma e rol di mayornan pero si mester asisti nan. Un mucha cu ta lanta den un ambiente di problema social, por wordo detecta di trempan. Un lugar cu lo capta e situacion di trempan ta na scol. Na prome instante ta na un kleuterschool. Un mucha ta inocente, y di su manera di anda y/of papia cu otro hende, ta bin door di manera con e ta wordo educa na cas. Esaki ta paso un mucha ta refleha comportacion di su mayornan. Pa medio di un mucha cu tin problema cu actitud por invulcra e mayornan conhuntamente cu nan den un programa pa coreginan den nan formacion. Cada situacion riba nan mes lo ta bay ta diferente, y esey ta hasi cu cada programa lo bay wordo atendi segun e situacion cu e personanan ta aden. Por ehempel un mayor cu ta biba cu otro, lo ta un situacion completamente diferente cu mayornan ta separa. Pero e punto cardinal ta cu apesar cu e mucha mester wordo coregi, e mayornan tambe ta wordo involucra den e programa. Y pa medio di nan yui tin e oportunidad pa involucra e mayornan den un programa. Na principio e inversion pa trata e problemanan social lo tin su gastonan, pero segun cu ta bay ta atende personanan e gastonan lo bira menos. Door di reforsa Asuntonan Social tanto preventivo y curativo, bo ta evita cu e problemanan social lo comberti den criminalidad. E motibo dicon nos ta pone un accent riba e problemanan social, ta paso bo cuidadanonan ta bo cumunidad. Si bo tin un comunidad bon forma, logicamente nan ta bay ofreci e pais lo mihor.

Expresionnan haci den e articulo aki no necesariamente ta refleha opinion di ArenaPoliti.co