{idkey=1868b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F622-rene-herde-imf-ta-subraya-e-maneho-pa-pone-economia-crece-prome-despues-sanea-finansa-publico%3FItemid%3D101][title=Rene+Herd%C3%A9%3A+IMF+ta+subraya+e+maneho+pa+pone+economia+crece+prome.+Despues+sanea+finansa+publico.][desc=E+raport+di+IMF+riba+hopi+punto+ta+subraya+e+maneho+cu+gobierno+di+AVP+a+hiba+desde+fin+di+2009.+En+especial+e+escojencia+conciente+di+Gabinete+Mile+Eman+I+pa+pone+tur+atencion+riba+crecemento+economico+ta+haya+sosten+di+IMF.+Den+e+prome+frasenan+di+e+rapport+e+institucion+internacional+y+independiente+aki%2C+ta+se%C3%B1ala+cu+e+dobbel-crisis+cu+Aruba+a+pasa+aden%2C+no+solamente+a+aumenta+e+debe+substancialmente%2C+pero+tambe+a+elimina+tur+espacio+pa+gobierno+haya+mas+entrada.+%28IMF+ta+bisa+textualmente%3A+T]}
E raport di IMF riba hopi punto ta subraya e maneho cu gobierno di AVP a hiba desde fin di 2009. En especial e escojencia conciente di Gabinete Mile Eman I pa pone tur atencion riba crecemento economico ta haya sosten di IMF. Den e prome frasenan di e rapport e institucion internacional y independiente aki, ta señala cu e dobbel-crisis cu Aruba a pasa aden, no solamente a aumenta e debe substancialmente, pero tambe a elimina tur espacio pa gobierno haya mas entrada. (IMF ta bisa textualmente: The economy is recovering from a double-dip recession caused by the global financial crisis and the shutdown of the oil refinery. These shocks have substantially increased public debt—over 80 percent of GDP in 2014—and eroded fiscal space.) Na 2009 Gobierno di AVP a scohe pa stimula forsa di compra y inversti hopi placa di pueblo den nos economia y crea trabou, enbez di hisa belasting (BBO) y corta gasto na forma bruto manera MEP y expertonan tradicional tabata kier. Awe IMF ta duna Gabinete Mike Eman rason. IMF ta bisa loke nos a bisa tur e tempo aki: na 2009-2013 no tabata tin espacio pa saca placa for di pueblo y economia!


EERST GROEIEN, DAN SNOEIEN
E punto aki ta esencia di e discucion riba maneho economico, financiero y social cu a wordo hiba na Aruba den e ultimo añanan. Na un banda bo tin e grupo di MEP, PDR, CFT y peritonan conservado cu a bisa cu gobierno mester baha gasto na forma bruto, manda 2000 hende cas, corta den servicio, aumenta belasting, aumenta tur cos, pa por sali di e crisis cu MEP mes a laga Aruba aden. Na otro banda bo tin e grupo di AVP y esnan cu a wak cu na 2009-2011 no tabata tin espacio pa gobierno aumenta su entradanan door di hisa belasting (BBO) of pa baha gasto door di kita hende di trabou. No tabata tin espacio den comercio of den pueblo pa saca mas placa pa soluciona problema financiero di gobierno. No tabata posibel ni deseabel pa kita hende for di trabou, pasobra ya tabata tin mas cu 12% di trahadornan, mas cu 6000 hende sin trabou. Awe IMF ta duna AVP rason! E maneho bieuw di corta gasto na forma bruto, cu awe ainda CFT y MEP ta propaganda, a resulta di no ta traha. Den caso di Aruba e lo a causa un situacion financiero, economico y social pio cu tabata tin na 2009. AVP a scohe pa pone economia crece prome, pone mas hende bek na trabou prome, laga e economia crece prome, percura pa mas entrada pa gobierno prome. Anto ora nos pais tin forsa atrobe, por cuminsa sanea e situacion financiero di gobierno. E maneho cu AVP a scohe pe, a funciona. E maneho cu MEP, CFT y nan expertonan ta propaganda, a faya na tur pais cu ela wordo uza. Pero tog nan kier impone esaki na Aruba. Ta pesey MEP y PDR ta sostene CFT. Obviamente nan ta sera wowo pa realidad y pa pueblo. E unico cos cu nan ta wak ta con pa bruha tera pa purba yena na poder. Nos di AVP a wak kico e maneho di CFT ta haci cu pais y pueblonan rond di mundo. Pesey nos ta contra di un maneho bruto cu MEP, PDR y CFT ta propaganda.

Expresionnan haci den e articulo aki no necesariamente ta refleha opinion di ArenaPoliti.co