{idkey=255b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F786-rene-herde-avp-un-sistema-di-belasting-mas-simpel-efectivo-y-cu-ta-stimula-creacion-di-cuponan-di-trabou%3FItemid%3D101][title=Rene+Herd%C3%A9+%28AVP%29%3A+Un+sistema+di+belasting+mas+simpel%2C+efectivo+y+cu+ta+stimula+creacion+di+cuponan+di+trabou][desc=Minister+y+expertonan+ta+presenta+proposicion+pa+sistema+noboAwe+mainta+minister+di+finansa+sr.+Angel+Bermudez+a+presenta+hunto+cu+expertonan+di+belasting%2C+Profesor+Willem+Vermeend+y+Hans+Ruiter%2C+e+proposicionnan+pa+renobacion+completo+di+nos+sistema+di+belasting.+E+proposicionnan+ta+cuadra+cu+e+encargo+cu+e+comision+a+haya+na+juni+2014.+Di+gobierno+di+Aruba+y+cu+ta+completamente+den+li%C3%B1a+di+e+maneho+financiero+y+economico+di+%26amp%3Bnbsp%3Bbierno.+E+encargo+a+ensera+entre+otro+1%29+%26amp%3Bnbsp%3Bmodernisacion+y+]}
Minister y expertonan ta presenta proposicion pa sistema nobo

Awe mainta minister di finansa sr. Angel Bermudez a presenta hunto cu expertonan di belasting, Profesor Willem Vermeend y Hans Ruiter, e proposicionnan pa renobacion completo di nos sistema di belasting. E proposicionnan ta cuadra cu e encargo cu e comision a haya na juni 2014. Di gobierno di Aruba y cu ta completamente den liña di e maneho financiero y economico di  bierno. E encargo a ensera entre otro 1)  modernisacion y simplificacion di e sistema di belasting; 2) stimulacion di inversion den 'economia berde' (= energia alternativa, medio ambiente) y den e ditres pilar economico di servicionan financiero; 3) elimina retraso den belasting; 4) mehora cumplimento cu belasting y cobramento di belasting; 5) basa loke tin cu paga na belasting riba loke ta declara. E comision a cumpli cu e encargo cu ela haya.

ELIMINA RETRASO
Awor aki Departamento di Belasting tin un retraso den cobra of haya belasting na un suma di 2.2 biyon florin. Mas cu mitar di e debe total di nos pais. E intencion ta pa elimina e retraso aki pa fin di aña 2020. Mientrastanto lo sigui cobra loke no a paga te awor y lo introduci e sistema nobo cu lo preveni retraso den futuro. Door di cu e sistema lo ta mas facil y completamente via computer/internet, e ta nifica cu no lo tin mester di tanto hende pa atende cu cobramento di belasting mas tampoco. E ciudadano of compania mes lo mester declara su belasting y paga esaki. Belastingdienst lo controla y cobra esnan cu no paga.

ELIMINA BELASTINGNAN EXISTENTE
E leynan di belasting di Aruba ta antigua. Den e sistema nobo lo elimina majoria di esakinan cu no ta funciona bon mas. Asina lo elimina por ehempel e belasting riba herencia ("successiebelasting"). Tambe lo elimina e belasting di BBO, BAZV ("health tax") y invoerrechten den su forma actual. Den su lugar lo introduci un sistema di belasting indirecto mas simpel. E resultado final di esaki ta cu e peso di belasting no lo subi. Pero door di e sistema mas facil pa paga y cobra, lo haya mas belasting den caha, sin introduci belastingnan extra.

STIMULA ECONOMIA Y CREA TRABOU
Un di e metanan cu e comision a haya di gobierno ta pa percura pa e sistema di belasting yuda stimula economia y crea cuponan di trabou. Pesey den e sistema nobo a tene hopi cuenta cu esey. Ta baha e peso di belasting riba labor (= costo di tin un trahado den servicio), lo crea incentivonan pa empresanan chikito y nobo, lo haci'e mas atractivo pa inversionnan den industria di energia berde y medio ambiente limpi y den servicionan financiero. Esaki ta e area di economia nobo cu ta wordo yama "smart economy". E ta un di e areanan principal pa diversificacion economico di gabinete Mike Eman II. Finalmente e comision ta recomenda pa usa e sistema di "accijns" pa stimula cuido di salud y desencurasha usa di productonan cu ta dañino pa salud di hende of medio ambiente.

Expresionnan haci den e articulo aki no necesariamente ta refleha opinion di ArenaPoliti.co