{idkey=2992b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F847-chris-romero-mep-suspension-di-docente-ta-un-acto-condenabel%3FItemid%3D101][title=Chris+Romero+%28MEP%29%3A+Suspension+di+docente+ta+un+acto+condenabel%21][desc=Actualmente+tin+un+caso+unda+cu+un+docente+di+scol+basico+a+wordo+suspendi.+Remarcabel+di+e+caso+aki+ta+cu+aparentemente+no+a+sigui+e+procedura+corecto+pa+por+a+yega+na+tal+accion.+Aun+mas+cu+esaki+ta+perhudicando+un+klas+completo.+Nos+fraccion+pa+e+motibonan+aki+ta+condena+e+hecho+con+minister+a+actua+den+e+asunto+aki.Como+un+colega+docente+nos+ta+haya+cu+e+Minister+di+Ense%C3%B1ansa+no+mester+a+duna+ordo+of+aproba+un+suspension+di+un+docente+na+e+manera+cu+esaki+a+sosode.+Pasobra+bo+no+ta+solament]}
Actualmente tin un caso unda cu un docente di scol basico a wordo suspendi. Remarcabel di e caso aki ta cu aparentemente no a sigui e procedura corecto pa por a yega na tal accion. Aun mas cu esaki ta perhudicando un klas completo. Nos fraccion pa e motibonan aki ta condena e hecho con minister a actua den e asunto aki.

Como un colega docente nos ta haya cu e Minister di Enseñansa no mester a duna ordo of aproba un suspension di un docente na e manera cu esaki a sosode. Pasobra bo no ta solamente perhudica un mucha so, sino ful un klas cu ta den pleno preparacion pa cu un scol secundario. E procedura lo mester a inicia cu un entregamento di un keho oficial na e director, unda cu e na su turno lo bay papia cu e docente. Si dado caso no sali nada for di e combersacionnan pa por yega na un posibel solucion e ora lo continua cu DPS (Dienst Publieke Scholen) cual dimes lo involucra un inspecteur di enseñansa. Ora cu e inspecteur haci su investigacion y no por yega na un "solucion" prome cu cualkier decision drastico, e docente mester a haña algun advertencia por escrito caba prome cu e por wordo suspendi.

E manera cu a encamina ta esun totalmente incorecto dunando e señal cu cualkier minister por yega anto schors un docente sin tin un motibo valido of sin cu a sigui cierto procedura. Nos ta compronde cu hopi hende no sa kico kiermen para dilanti un klas y duna les na nos muchanan. Tin biaha tin e impresion cu ser un docente ta algo facil, pero mas leu di e berdad un persona no por ta. E realidad ta cu bo mester tin amor pa e muchanan pa por eherce e profesion aki debidamente. Ultimo tempo bo ta tende cu tin scarcedad na docente mundialmente y e motibo no ta pasobra ta dificil siña e materia pa bira un docente, sino cu e ta un profesion cu ta dificil pa eherce y cu ta rekeri hopi dedicacion. E trabou di nos docentenan mester wordo aprecia mas y ta lamenta cu esaki no ta e caso. E minister di educacion mester a duna mas respet na e funcion aki y evita di comete actonan sin base manera a wordo haci cu e juffrouw di Scol basico Kudawecha.

Expresionnan haci den e articulo aki no necesariamente ta refleha opinion di ArenaPoliti.co