{idkey=2941b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F878-mep-danki-na-e-maneho-manipulativo-di-otmar-oduber-awe-pan-di-taxistanan-ta-wordo-afecta-seriamente%3FItemid%3D101][title=MEP%3A+Danki+na+e+maneho+manipulativo+di+Otmar+Oduber%2C+awe+pan+di+taxistanan+ta+wordo+afecta+seriamente][desc=Transporte+iregular+%28O%29+a+aumenta+cu+casi+50%25+den+4+a%C3%B1a%21%26amp%3Bnbsp%3B+Ta+increibel+con+e+maneho+manipulativo+y+descabeya+di+Minister+Otmar+Oduber+ta+sigui+afecta+cierto+sectornan+den+nos+comunidad+negativamente.+Asina+nos+por+a+lesa+siman+pasa+un+comunicado+di+un+grupo+di+taxista+kendenan+ta+lamenta+y+keha+cu+nan+pan+di+cada+dia+ta+ser+afecta+seriamente+door+di+otro+personanan+cu+no+ta+dispone+di+un+permiso+di+taxi+%28TX%29%2C+esta+esnan+cu+tin+permiso+di+transporte+iregular+%28O%29%2C+tourbusnan+%28T%29+y+busnan+%28B%29]}
Transporte iregular (O) a aumenta cu casi 50% den 4 aña! 

Ta increibel con e maneho manipulativo y descabeya di Minister Otmar Oduber ta sigui afecta cierto sectornan den nos comunidad negativamente. Asina nos por a lesa siman pasa un comunicado di un grupo di taxista kendenan ta lamenta y keha cu nan pan di cada dia ta ser afecta seriamente door di otro personanan cu no ta dispone di un permiso di taxi (TX), esta esnan cu tin permiso di transporte iregular (O), tourbusnan (T) y busnan (B) y/of un combinacion di e permisonan aki.

Moratorio taxi
E taxistanan ta reclama cu ultimamente tanto na Aeropuerto como na Haf di Oranjestad esnan specialmente cu permiso di transporte iregular (O) cada vez ta pasa nan dilanti pa piki turistanan, siendo cu e permiso cu nan tin no ta permiti esaki. Hecho ta cu den pasado un moratorio a ser aplica pa loke ta e cantidad di taxinan cu nos industria di turismo por carga y cada biaha desde cu Otmar Oduber a sinta riba stoel di minister, su persona tabata tene e taxistanan contento bisando nan cu e ta cumpliendo cabalmente cu su maneho y promesa, esta di no aumenta e cantidad di taxinan na Aruba. Enberdad, el a cumpli cu su promesa ya cu e cantidad di taxistanan a aumenta masha tiki mes den 4 aña, esta for 365 na 2009 te cu 374 permiso di TX na 2013 (aumento di 2%). Sinembargo awor e rabo di porco ta bay krul.

Aumento di permisonan
E minister aki no tabata sincero y transparente cu e taxistanan, ya cu nunca el a splica nan y henter e comunidad Arubano cu desde cu el a asumi e encargo di Minister di Turismo y Transporte, el a percura pa duna permisonan den un forma explosivo na e gruponan cu ta cay bao di transporte iregular (O), tourbusnan (T) y busnan (B). Riba e tabel adhunto nos ta mira cu esnan cu a haya permiso di transporte iregular (O) a aumenta for di 147 na 2009 te cu 214 na 2013 (un aumento di 46%). E tourbusnan a aumenta for di 171 na 2009 te cu 202 na 2013 (aumento di 18%) y pa loke ta busnan, esaki a aumenta for di 114 na 2009 te cu 138 na 2013 (aumento di 21%). Y pa loke ta e datonan di e cantidad di permisonan di O, TX, T y B pa aña 2014 y 2015………Ainda Falta! Pues ta visto cu e minister a manipula mente di mayoria di e taxistanan na Aruba creando ilusionan falso di un moratorio fantasma, pero cu awe e taxistanan ta piki e frutanan zuur di e maneho descabeya hiba durante e ultimo 5 añanan. Awe e pan di taxistanan ta core peliger di bira mas chikito y cu esaki lo afecta no solamente e taxistanan pero tambe henter nan famia. Y tur esaki den un epoca caminda menos turista ta haci uzo di taxi y ta prefera di transita den nan A-11.

Expresionnan haci den e articulo aki no necesariamente ta refleha opinion di ArenaPoliti.co