{idkey=9955b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F986-evelyn-wever-croes-avp-ta-mes-infantil-cu-semper-y-no-tin-intencion-di-atende-na-forma-serio-cu-e-presupuesto%3FItemid%3D101][title=Evelyn+Wever-Croes%3A+AVP+ta+mes+infantil+cu+semper+y+no+tin+intencion+di+atende+na+forma+serio+cu+e+presupuesto][desc=Tratamento+di+presupuesto+a+cuminsa%26amp%3Bnbsp%3BORANJESTAD+-+Despues+di+e+prome+dia+di+tratamento+di+presupuesto%2C+lider+di+oposicion+a+expresa+su+desapunto.+%26quot%3BAVP+ta+mes+infantil+cu+semper%2C+tira+cu+lodo+y+hasi+redashi%2C+en+bes+di+atende+cu+finansas+di+nos+pais+na+forma+serio+y+responsabel.+Ta+obvio+cu+nan+ta+totalmente+perdi%2C+y+cu+nan+no+tin+ningun+intencion+di+atende+cu+e+problema+real%3A+e+bancarota+financiero+di+nos+pais+y+e+supervision+cu+Hulanda+kier+impone%26quot%3B%2C+Evelyn+Wever-Croes+a+duna+di+conose.+Trata]}
Tratamento di presupuesto a cuminsa 

ORANJESTAD - Despues di e prome dia di tratamento di presupuesto, lider di oposicion a expresa su desapunto. "AVP ta mes infantil cu semper, tira cu lodo y hasi redashi, en bes di atende cu finansas di nos pais na forma serio y responsabel. Ta obvio cu nan ta totalmente perdi, y cu nan no tin ningun intencion di atende cu e problema real: e bancarota financiero di nos pais y e supervision cu Hulanda kier impone", Evelyn Wever-Croes a duna di conose.

Tratando e presupuesto di husticia e Lider di MEP a indica cu e situacion financiero di nos pais ta sumamente delicado, cu e Mega Debe di nos pais ta causando pobresa, desempleo, famianan libra, y esaki ta e rais di e problema. Un problema cu el'a compara cu un mata di inseguridad. "E rais ta e Mega Debe, y e ta creando criminalidad, ladronicia, hortamento di auto, violencia, asesinato. Y esaki ta sin conta e lista di 24 medida cu Gabinete Mike Eman a priminti Hulanda cu e ta bin cune. Nos ta hopi preocupa y pesey nos a verwacht cu e Minister di Husticia lo a pone mas atencion na combati criminalidad. Pero e minister tabata masha arogante y a mustra cu cosnan por keda status quo, no tin nodo di cambia nada. Es mas, ela corta mas di 6 miyon florin den e departamentonan encarga cu seguridad di nos pais, Cuerpo Policial, KIA, etc. Pero no por bisa kiko e ta bai hasi pa hasi Aruba mas sigur.

Actitud infantil
Mester remarca cu en bes di atende cu e temanan na forma serio, AVP a cai den su wega di manipulacion y tiramento cu lodo. Minister Dowers en bes di mustra seriedad, a haya necesario pa acusa MEP y su lider di ta esunnan cu a bai Hulanda pidi CFT. Algo cu ta pa cuminsa totalmente incorecto, pero mas alew ta ponebo pensa si di berdad e minister no tin nada otro di papia di dje.
Lider di e fraccion di AVP Baba Herde no a keda atras y kier a cuestiona e casa di lider di MEP tirando asina cu lodo, manera AVP ta bon conosi pe.
Por a nota cu e lider di MEP a contesta Herde bek na forma hopi skerpi: Berdad bo kier papia di mi casa, mientras e pais ta na borde di bancarota? Un bancarot di cual abo sr. Herde tambe ta responsabel? Si bo kier papia di mi casa, ban papia di mi casa. Pero bo kier pa nos papia tambe di bo casa y su envolivimento den e proyecto miyonario di Urirama? Bo kier pa nos papia di bo yiu cu ta traha na Ministerio Publico? Bo kier pa nos papia di bo ruman cu ta coordinador di minister? Nos no ta gasta nos energia riba cosnan infantil asina, nos ta dedica tur nos energia na e crisis financiero di nos pais, y con nos por alivia nos pueblo. Lamentablemente AVP no a mustra seriedad cu nos a spera cu nan lo mustra, nan no a mustra mes cu nan lo kier cambia rumbo di e pais aki", Lider di MEP a contesta.

Expresionnan haci den e articulo aki no necesariamente ta refleha opinion di ArenaPoliti.co