{idkey=288b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1124-mep-minister-mike-de-meza-mester-tuma-honor-na-su-mes-y-baha-como-minister%3FItemid%3D101][title=MEP%3A+Minister+Mike+de+Meza+mester+tuma+honor+na+su+mes+y+baha+como+minister][desc=E+politica+baho+y+sushi+ta+continua+den+seno+di+AVP%21%26amp%3Bnbsp%3BSi+tur+hende+a+kere+cu+e+nivel+di+politica+baho+y+sushi+a+yega+na+final+den+seno+di+partido+AVP%2C+nan+tur+a+keda+grandemente+ekiboca.+E+biaha+aki+a+toca+turno+na+Minister+Mike+de+Meza+%E2%80%93+e+minister+cu+no+sa+e+diferencia+entre+Entrada+y+Assets+-+pa+uza+palabranan+denigrante+y+di+abuso+contra+lider+di+nos+partido+sra.+Evelyn+Wever-Croes%2C+yamando+nos+lider+pa+porco.+Pero+uzando+e+palabra+aki+tur+hende+a+haya+sa+cu+esaki+ta+bisa+mas+di+e+ment]}E politica baho y sushi ta continua den seno di AVP! 

Si tur hende a kere cu e nivel di politica baho y sushi a yega na final den seno di partido AVP, nan tur a keda grandemente ekiboca. E biaha aki a toca turno na Minister Mike de Meza – e minister cu no sa e diferencia entre Entrada y Assets - pa uza palabranan denigrante y di abuso contra lider di nos partido sra. Evelyn Wever-Croes, yamando nos lider pa porco. Pero uzando e palabra aki tur hende a haya sa cu esaki ta bisa mas di e mentalidad sushi y di abusador di Mike de Meza cu di nos lider mes. Tur esaki a bin pa motibo cu prensa Hulandes (De Telegraaf) a publica un articulo caminda henter Reino Hulandes mes por ta testigo con e ministronan di AVP a y ta sigui abusa cu placa di pueblo y den e caso aki con ‘nan cu nan’ ta fix nan asunto di belasting door di saca probecho di un descuento di mas cu 65 mil florin.

Pensionadonan strangula
Den su reaccion despues cu e articulo a sali den prensa Hulandes, ningun momento so Mike de Meza a splica cu ta hustamente den un reunion di Parlamento y den un carta extenso, cu parlamentario sra. Evelyn Wever-Croes a haci varios pregunta na su persona, entre otro encuanto e suma di descuento y exoneracion di boet duna na compania di Mike de Meza, esta MEM Consultancy.  E forma arogante di Mike de Meza di keda sin contesta un parlamentario a conduci cu toch el a haya su mes obliga di sali for di skina y trata di defende su mes, sin exito naturalmente. E hecho cu Mike de Meza su compania a haya e previlegio di belasting aki a cay den masha mal tera, ya cu desde cu Mike de Meza tabata Minister di Finanzas hopi pensionado y esnan di menos recurso a wordo strangula pa paga belasting y nunca Mike de Meza a percura pa reduci of exonera e pobernan di asina tanto belasting. Pa su mes SI. Ikke ikke en laat de rest maar stikken!

Bancarota financiero
Ta conoci caba cu e tempo di e probecho fiscal aki pa MEM Consultancy, sr. de Meza tabata Ministro di Finanzas. Sinembargo pa defende su mes y scapa su peyeho, e biaha aki si e famoso 8 aña di gobernacion di MEP ta bon pa Mike de Meza, ya cu e ta pretende cu ta bao di Gabinete Oduber su compania a haya e exoneracion aki.  Tambe tur hende ta na altura cu e gobernantenan di AVP semper ta corda primeramente riba nan mes, nan propio bienestar, di nan famia y amigonan y cu pa nan e maneho gubernamental ta bin na di dos lugar. Un ehempel cla y raspa ta cu tabata e mesun minister aki a ruina nos pais financieramente aumentando nos debenan nacional for di 2.1 biyon te na mas cu 4 biyon florin. Minister de Meza a hinca nos pais den bancarota financiero y pa cual den e eleccion di 2013 su persona a bay atras cu 800 voto. Pueblo a castiga y rechaza Mike de Meza y asina mes e tabata tin e curashi di bolbe asumi un encargo di minister y e biaha aki como Minister di Economia y Energia.

Economia ta stanca
Y como Minister di Economia y Energia su persona a bolbe resulta den un fracaso total. Mike de Meza – despues di casi 2 aña – te ainda no a haci net nada pa e economia Arubano, ya cu tur cos ta stanca actualmente. Inversionistanan interncional y local no tin ningun confiansa den su maneho y consecuentemente esaki tin su repercusionnan den nos desempleo cu ta creciendo tur dia drasticamente. Y pa no papia mes di asunto di energia, ya cu ta danki na su incapacidad y negligencia, pais Aruba a ser horca cu un Hedging riba prijs di crudo y como consecuencia cu nos pais ta pagando 95 dollar pa bari y esaki pa un periodo di 2 aña. Na cualkier pais drechi y respeta, un minister asina ta tuma honor na su mes y baha como ministro. Pero Mike de Meza kier keda sinta riba e stoel aki, ya cu tin hopi mas beneficio personal na caminda.

Reapertura di refineria na 1991
Finalmente, ora cu Minister de Meza ta papia di tata di nos lider, e mester comprende cu ta danki na mr. Hendrik Croes como Minister na 1989 den Gabinete Oduber 1 a duna apoyo total pa para e cortamento di e refineria door di su partido actual AVP. Esaki a desemboca den e reapertura di e refineria Coastal na 1991 y pa cual Mike de Meza por a bin for di exterior,  haya e oportunidad pa gana un pan ruim den e refineria pa cria su famia. Cu esaki tambe e parti di bienestar di Mike de Meza a logra haya un empuhe hopi grandi mes, te cu e por a yega na un su propio compania den e refineria.
Un biaha mas partido MEP ta condena e forma baho di expresion di Mike de Meza y ta spera cu den futuro e minister recapacita y duna respet na un dama y lider di oposicion y p’asina e tambe por haya su debido respet.

Expresionnan haci den e articulo aki no necesariamente ta refleha opinion di ArenaPoliti.co