{idkey=1949b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1184-mike-eman-nan-a-fortifica-nos-sentido-di-conciencia-cu-e-naschoolse-opvang-ta-importante-pa-aruba%3FItemid%3D101][title=Mike+Eman%3A+%E2%80%9CNan+a+fortifica+nos+sentido+di+conciencia+cu+e+Naschoolse+Opvang+ta+importante+pa+Aruba%E2%80%9D][desc=Prome+Minister+Eman+despues+di+a+reuni+cu+ehecutivonan+di+After+School+Alliance%26amp%3Bnbsp%3B+ORANJESTAD-+E+proyecto+piloto+%E2%80%98Naschoolse+Opvang%E2%80%99%2C+un+iniciativa+di+Prome+Minister+Mike+Eman+pa+hobennan+di+scolnan+secundario+por+atende+despues+di+scol+pa+haya+guia+y+superivison+cu+nan+huiswerk+y+formacion+ta+canando+bon.+Banda+di+e+guia+y+supervision+e+hobennan+ta+haya+tambe+cuminda+saludabel+pa+come.+Mientras+e+tabata+na+Merca+siman+pasa+Prome+Minister+Eman+a+reuni+cu+e+After+School+Alliance%2C+e+organis]}
Prome Minister Eman despues di a reuni cu ehecutivonan di After School Alliance 

ORANJESTAD- E proyecto piloto ‘Naschoolse Opvang’, un iniciativa di Prome Minister Mike Eman pa hobennan di scolnan secundario por atende despues di scol pa haya guia y superivison cu nan huiswerk y formacion ta canando bon. Banda di e guia y supervision e hobennan ta haya tambe cuminda saludabel pa come. Mientras e tabata na Merca siman pasa Prome Minister Eman a reuni cu e After School Alliance, e organisacion cu ta guia e programanan escolar aki na Merca. Ehecutivonan di e Alliance cu a reuni cu Prome Minister tabata firme den nan opinion cu programanan asina ta necesario pa di e forma aki e hobennan ta desaroya na mes den adultonan profesional formando asina un comunidad sano. Prome  Minister Eman a keda satisfecho y contento cu e resonancia cu el a haya di e profesionalnan Mericano. Nan a ofrece nan ayudo, sosten y cooperacion na Aruba.

Eman: “Na Merca e e after school program ta uno federal. Esaki pa sostene tur iniciativa cu tin den cada estado y ciudad cu tin scol  den oranan di atardi pa scolnan secundario. Esaki ta nos interes tambe na e momentonan aki. Trai Merdia ta percura pa e muchanan di e scolnan basico. Nos a bin cu e idea pa amplia esaki na nivel di scolnan secundario.” Eman a splica cu a inicia cu un programa piloto y na luna di augustus kier amplia esaki cu tres scol pa asina esnan cu ta bay scol secundario tin oportunidad pa sigui un programa caminda nan por haya guia durante un ora pa traha nan huiswerk. E hobennnan ta haya oranan tambe pa otro tipo di formacion. Esaki ta bon pa e hobennnan mes como tambe pa henter sociedad, ya cu a keda proba cu hobennan cu ta atende programanan asina no ta cay lihe den man di husticia. “Hunto cu Minister di Enseñansa sra. Hooyboer-Winklaar, nos a persisti pa por yega na introduci programanan escolar pa hobennan den oranan di merdia y atardi.”

Probechando cu e ta na Merca, Eman a percura pa haya un afspraak cu ehecutivonan di After School Alliance, un organisacion hopi grandi cu ta percura riba nivel federal pa sostene tur e programanan di scolnan den oranan di merdia y atardi. “Mi a combersa cu esnan envolvi. Tur ta hendenan sumamente inspira y dedica na nan trabou. Nan a fortifica nos sentido di conciencia cu esaki ta algo hopi importante pa Aruba.”

“Si nos tende e ehempelnan cu nan ta duna di exitonan tur rond di Merca cu e scolnan den oranan di merdia ya atardi a duna como resultado, nos ta mas convenci ainda cu nos proyecto ta bon y necesario. Nan tin un scala na evidencia cu e programanan escolar aki ta yuda hobennan den nan formacion, kita nan for di riba caya, inspira nan, yuda nan den haya e caminda di nan vocacion. Tur esaki ta importante pa hobennan durante nan formacion pa haya influencianan positivo cu ta inspira nan y guia nan pa mayan nan ta bon ciudadanonan den nos comunidad.”

Expresionnan haci den e articulo aki no necesariamente ta refleha opinion di ArenaPoliti.co