{idkey=1238b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1278-francis-jacobs-mep-chris-dammers-tin-hopi-splicacion-di-duna-na-pueblo-relaciona-cu-e-caso-di-hit-and-run%3FItemid%3D101][title=Francis+Jacobs+%28MEP%29%3A+Chris+Dammers+tin+hopi+splicacion+di+duna+na+pueblo+relaciona+cu+e+caso+di+%E2%80%98hit+and+run%E2%80%99][desc=Den+un+entrevista+realisa+cu+Chris+Dammers+el%E2%80%99a+admiti+cu+e+tabata+envolvi+den+un+accidente+recientemente%2C+pero+e+noticia+aki+no+a+sali+den+ningun+medio+di+prensa.+Chris+a+admiti+tambe+di+no+a+yama+Polis+y+a+percura+pa+tackle+e+auto%2C+hib%E2%80%99e+su+cas+y+su+dia+siguiente+a+tackle+e+auto+hib%E2%80%99e+na+e+compania+Yrausquin.Sinembargo+no+t%E2%80%99asina+cu+pasobra+e+ta+Vice+Presidente+di+Parlamento%2C+e+ta+simplemente+paga+10+mil+florin+di+e+salario+cu+pueblo+ta+pag%E2%80%99e+y+e+asunto+aki+ta+end+of+story%2C+manera+cu]}
Den un entrevista realisa cu Chris Dammers el’a admiti cu e tabata envolvi den un accidente recientemente, pero e noticia aki no a sali den ningun medio di prensa. Chris a admiti tambe di no a yama Polis y a percura pa tackle e auto, hib’e su cas y su dia siguiente a tackle e auto hib’e na e compania Yrausquin.
Sinembargo no t’asina cu pasobra e ta Vice Presidente di Parlamento, e ta simplemente paga 10 mil florin di e salario cu pueblo ta pag’e y e asunto aki ta end of story, manera cu e mes ta bisa.
Ta ken Chris kier gaña of acaso el’a kere cu tur hende na Aruba ta ignorante? Procedura normal den tur accidente ta cu si t’abo mes a bolter sin mishi cu nada mester yama polis, pasobra sin rapport di polis seguro no ta cubri e gastonan di e auto y peor ainda cu auto di pueblo cu pueblo ta paga y Polis mester sa e motibo di e accidente. Den e caso aki Chris mester duna cuenta na polis y mester ricibi e straf pa motibo cu 1. El’a kibra un potchi cu ta propiedad di otro persona, 2. E auto ta propiedad di Pueblo cu pueblo ta paga pe, 3. E tabata core duro, 4. No a yama Polis, 5. A hiba e auto scondi pa ningun hende haña sa, 6. El’a duna lift na otro persona cu no ta ambtenaar den auto di Pueblo 7. Ta ki mishi bo na e oranan ey cu auto di Pueblo?
Chris ta menciona tambe cu un rato promer el’a duna un persona un lift cu a bay na un invitacion cu Parlamento a haña. Pero ta cua invitacion esey ta?  Tabata un invitacion oficial pa tur Palamentario y bao ki referencia? E tabata un fiesta, un celebracion na unda tabata tin alcohol?
Aparentemente no ta existi ningun invitacion pa Parlamento, mas bien e tabata un invitacion personal y no di trabao y Chris a uza e auto di Pueblo pa asunto personal y Parlamento mester atende cu e acto aki.
E splicacion cu Chris a duna den su entrevista no ta convincente y aparentemente e motibo cu Chris a duna di no a yama Polis ta hole na alcohol y aparentemente e tabata bao di influencia pasobra ningun hende normal no ta opta pa paga 10 mil florin mientras si el’a yama Polis lo e no mester a paga nada. Chris mester bisa e pueblo e berdad cu aparentemente e tabata coriendo duro y tabata bao di influencia y Cuerpo Policial no mester laga e asunto aki pasa sin mas. Ley pa un ley pa tur, incluyendo Chris cu ta Vice Presidente di Parlamento y cu mester duna mihor ehempel na comunidad. Ora Karma bin pa bo e ta bin hopi duro, ora bo haci bon, bon ta bin pa bo y ora bo haci malo malo ta bin pa bo anto dobel.

Expresionnan haci den e articulo aki no necesariamente ta refleha opinion di ArenaPoliti.co