{idkey=4163b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1472-booshi-wever-upp-desaroyonan-na-dimas-ta-hiba-u-p-p-na-pidi-intervencion-di-s-e-gobernador-minister-president-di-hulanda-2de-y-1ste-kamer-y-parlamento-di-aruba%3FItemid%3D101][title=Booshi+Wever+%28UPP%29%3A+Desaroyonan+na+DIMAS+ta+hiba+U.P.P.+na+pidi+intervencion+di+S.E.+Gobernador%2C+Minister-President+di+Hulanda%2C+2de+y+1ste+Kamer%2C+y+Parlamento+di+Aruba][desc=Den+un+articulo+anterior+nos+a+elabora+caba+riba+metemento+di+gobierno+den+maneho+na+DIMAS%2C+despues+cu+minister+Benny+Sevinger+lo+a+duna+instruccion+pa+%E2%80%9Cpromove%E2%80%9D+sr.+Mario+Wever+pa+Adjunct+Directeur+na+dicho+departamento.Esaki+a+sosode+na+momento+cu+e+directora+actual+-+cu+tur+su+razon+y+cumpliendo+cu+su+responsabilidad%2C+pero+mas+ainda+dunando+muestra+di+integridad+-+a+nenga+di+firma+un+extension+di+un+asina+yama+%E2%80%9Ctoeristisch+verblijf%E2%80%9D%3B+e+motibo+pakiko+e+directora+a+nenga+esaki+tabata+cu]}Den un articulo anterior nos a elabora caba riba metemento di gobierno den maneho na DIMAS, despues cu minister Benny Sevinger lo a duna instruccion pa “promove” sr. Mario Wever pa Adjunct Directeur na dicho departamento.
Esaki a sosode na momento cu e directora actual - cu tur su razon y cumpliendo cu su responsabilidad, pero mas ainda dunando muestra di integridad - a nenga di firma un extension di un asina yama “toeristisch verblijf”; e motibo pakiko e directora a nenga esaki tabata cu e persona kende na prome instancia a para garantia pa e “turista” en cuestion, ta biba na cierto adres, e persona cu ta firma pa e extension, ta biba na otro adres, mientras cu e “turista” mes ta keda otro caminda, y e adres riba e papelnan di seguro ta menciona un adres completamente diferente; pues 4 diferente adres!.
Aki ta bon pa recorda cu hopi hende ta drenta Aruba como turista, mientras de facto nan ta drenta nos isla cu e unico proposito pa subi e mercado laboral SIN cu nan ta den posesion di e documentonan necesario.

Dialuna dia 20 di juli u.p. un carta a ser entrega na S.E. Gobernador Refunjol cu e sugerencia pa e NO firma e Landsbesluit pa e nombracion di Mario Wever como Adjunct-Directeur; tambe pa Minister-Presidente y 1ste y 2de Kamer di Hulanda, y pa Parlamento di Aruba a bay cartanan cu contenido igual, y cu e peticion pa – te na unda e competencia di cada un ta yega – nan pone un paro na e bagamunderianan den DIMAS.
Un carta separa a bay tambe pa sr. Pechthold kende e tempo aya, den su calidad di minister pa “Bestuurlijke Vernieuwing en Koninkrijksrelaties”, hunto cu sra. M.C.F. Verdonk como minister pa “Vreemdelingenzaken en Integratie”, tabata e co-firmantenan di e protocol di dia 6 di februari 2006, den cua a documenta locual den e dianan ey a keda conveni den nos discusionnan encuanto permisologia; den e protocol ey entre otro ta poni:
“Nederland zal de personele en financiële ondersteuning bieden bij de opbouw van de DIMAS …Deze nieuwe organisatie zal als enige organisatie in Aruba verantwoordelijk worden voor de toelating van vreemdelingen.
Pues, contrario na locual mi persona, como minister di Aruba encarga cu permisologia, na februari 2006 a palabra y a conveni cu e ministernan menciona, esta Pechthold y Verdonk, e actuacion di e minister actual a torpedea completamente e decision encuanto e responsabilidad den asunto di permiso; pasobra awor NO ta (directora di) DIMAS ta responsabel pa e permiso di entrada pa stranheronan mas, pero ta e propio minister a hinca e autoridad aki den su propio man, manipulando sinembargo si cu empleado(nan) di DIMAS (por ehempel Mario Wever) y coordinador(nan) manera un Rhadi Khan.

Mester enfatisa aki cu e iniciativa pa e protocol a bini for di Hulanda mes, y esaki en bista di seguridad den Reino, locual por ser comproba den e carta di dia 20 di maart 2006 di Sr. Pechthold y su colega Verdonk pa 2de Kamer den cua nan ta informa encuanto e discusionnan y e palabracionnan:
"Aanleiding voor het bezoek was onze wens om de afhandeling van visa, naturalisatieverzoeken en verblijfsvergunningen te stroomlijnen. Er bereikten ons berichten dat de vreemdelingenketen in Aruba niet optimaal functioneerde. Vanwege de verantwoordelijkheid van het Koninkrijk voor het Nederlanderschap, de verantwoordelijkheid voor de buitenlandse betrekkingen tezamen met de betrokkenheid bij de afgifte van visa (en hierbij tevens de onmiskenbare relatie met terrorismebestrijding), hechten wij groot belang aan goed  functionerende vreemdelingenketens in het gehele Koninkrijk. In de Nederlandse Antillen maakt de versterking van de vreemdelingenketen onderdeel uit van het Plan Veiligheid Nederlandse Antillen."
Sr. Pechthold consecuentemente a ser pidi pa trece e desaroyonan den DIMAS y e actuacion corupto di e gobierno aki, un actuacion ad hoc, di free for all, di open door policy, di wheel & deal, na atencion di e actual minister di relacionnan di Reino (Koninkrijksrelaties) y esun di Asuntonan di Estranheria (Vreemdelingenzaken); ta di weita e ora ey si Gobierno di Hulanda ta bay confirma - of desmenti -, si diripiente Hulanda NO ta opone contra e ad hoc, e free for all, e open door, e wheel & deal, policy corupto di e gobierno aki.

Ta di sinta spera tambe pues, pa weita con cada un di e instancianan aki (gobierno di Hulanda, 1ste y 2de Kamer, sr. Pechthold, S.E. Gobernador, y Parlamento di Aruba) ta bay actua, pa “for once and forever” pone un paro na e bagamunderianan riba tereno di permisologia.


Den nomber di Union Patriotico Progresista – U.P.P.
Candelario A. S. D. Wever
Brazil, juli 22, 2015.

Anexo: copia carta pa Pechthold

Expresionnan haci den e articulo aki no necesariamente ta refleha opinion di ArenaPoliti.co