{idkey=370b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1471-parlamentario-marlon-sneek-avp-si-xiomara-kier-sa-algo-di-el-pollo-e-tin-cu-puntra-el-gallo-glenbert-croes%3FItemid%3D101][title=Parlamentario+Marlon+Sneek+%28AVP%29%3A+%E2%80%9CSi+Xiomara+kier+sa+algo+di+%E2%80%98El+Pollo%E2%80%99+e+tin+cu+puntra+%E2%80%98El+Gallo%E2%80%99+Glenbert+Croes%E2%80%9D][desc=Parlamentario+Marlon+Sneek+ta+kere+cu+Xiomara+Ruiz+Maduro+di+fraccion+di+MEP%2C+ta+totalmente+perdi+den+su+agonia+politico%2C+ya+cu+segun+e+politico+aki%2C+e+no+ta+hayando+cobertura+y+ningun+hende+ta+pasa+su+noticianan.Fuera+di+esaki+sr+Sneek+a+mustra+cu+Xiomara+ta+completamente+bruha+y+den+su+agonia+ta+contradeci+su+mes+formalmente+ya+c%E2%80%99un+rato+e+miembro+di+MEP+ta+bisa+cu+Gobierno+no+ta+haciendo+nada+pa+reapertura+di+refineria+Valero+pero+un+rato+despues+e+mes+ta+bisa+cu+Gobierno+lo+tin+un+deal+%26amp%3Bnb]}
Parlamentario Marlon Sneek ta kere cu Xiomara Ruiz Maduro di fraccion di MEP, ta totalmente perdi den su agonia politico, ya cu segun e politico aki, e no ta hayando cobertura y ningun hende ta pasa su noticianan.
Fuera di esaki sr Sneek a mustra cu Xiomara ta completamente bruha y den su agonia ta contradeci su mes formalmente ya c’un rato e miembro di MEP ta bisa cu Gobierno no ta haciendo nada pa reapertura di refineria Valero pero un rato despues e mes ta bisa cu Gobierno lo tin un deal  c’un compania pa habri Valero.
“E cos di mas pret di Xiomara di MEP ta cu ora e ta papia cu supuestamente Gobierno lo tin un deal cu ‘El Pollo,’ un compania pa habri Valero pero realidad di esaki ta cu e unico politico cu ta sacando potret cu bandera Venezolano y di PDVSA, ta ‘El Gallo’ Glenbert Croes kico tin aya na Venezuela mi no sa mester check cu ‘El Gallo’ Glenbert Croes cu practicamente ta biba na Venezuela.
Nos por a tuma nota tambe riba Internet un publicacion na Venezuela di un entrevista hasi cu Glenbert Croes cu ta bisa: “Aruba se solidarisa con Venezuela en disputa por el Esequibo,” un disputa cu Gobierno di Venezuela tin cu Guyana y Glenbert Croes ta bay Venezuela y ta duna un declaracion den nomber di pais Aruba.
Entre otro ta menciona cu Glenbert ta yiu di El Libertador y ta bon pa Xiomara sa cu si tin un hende cu tin link cu Venezuela y cu El Pollo, ta su colega ‘El Gallo’ Glenbert Croes
Xiomara mester bay busca e problema aki cerca su colega di partido of ta un guera a cuminsa caba den seno di MEP, pa mira con ta corta hala di Glenbert Croes y nan ta cuminsa traha storianan di El Pollo y El Gallo pa entre nan, nan mes caba cu otro.
Nos por a mira tres siman pasa tambe un potret cu tabatin di sr Glenbert Croes cu Roy Dasa, un parlamentario cu practicamente no ta den funcion mas ya cu nan a dicidi na Venezuela cu nan no ta bay tin eleccion mas pa Parlamentarionan cu ta representa e pais den Parlatino, pero di e asamblea mes Parlamentarionan lo wordo asigna den futuro pa bay Parlatino mescos cu aki na Aruba.
Pero aki un biaha mas por tuma nota miembronan di fraccion di MEP ta djis saca potret pa bisa cu nan ta bezig c’un partner strategico , gewoon un farce , un creamento di expectativa falso pa purba di crea emocion den e pais, cerca pueblo sin cu nan ta honesto cu nan.
Den un reunion cu mi a participa na Mexico siman pasa, mi por a combersa cu e delegacion di Santo Domingo cu a informa mi persona cu PDVSA a cuminsa bende e refineria na e isla ey.
Na 2010 PDVSA a cumpra e refineria aki na Santo Domingo y awe PDVSA ta den proceso di bende e refineria aki anto ta bon pa esunnan di MEP bin splica cu cua placa nan ta bin cumpra e refineria aki na Aruba.
Tambe ta bon pa mustra cu Venezuela a cuminsa den Caribe cu e asina yama PetroCaribe caminda e paisnan den Caribe aki tabata haya petroleo na un prijs preferencial Santo Domingo, Trinidad & Tobago y otronan,  y awe PDVSA a yega Santo Domingo y bisa cu nan cu loke nan debe nan por paga mita di dje y lubida e resto, ya cu  Venezuela tin mester di placa, mester di dollar y awor kier haya loke nan por haya pa cubri nan situacion financiero.
Un compania cu tin un refineria na Santo Domingo y cu ta den proceso pa bende esaki, nos por mira El Gallo Glenbert Croes di MEP sacando foto cu e bandera di Venezuela y di PDVSA y a bisa cu el a combersa cu un of otro hefe, un of otro director pero ningun caminda por mira Glenbert riba un foto cu e hendenan aki den combersacion.
Nos ta kere cu a bira e momento pa nos bira serio cu pueblo, pa nos ta honesto cu pueblo y stop di hunga wega, ya cu Gobierno ta moviendo, Gobierno a bin y papia cu e comision y a informa cu e tin un compania na Merca interesa cu cual e ta den deliberacion cune  cu ta mustra serio y e reunionnan aki ta tumando luga den tur seriedad posibel pero otronan tin cu stop di troce e berdad,” Parlamentario Marlon Sneek a declara recientemente.

Expresionnan haci den e articulo aki no necesariamente ta refleha opinion di ArenaPoliti.co