{idkey=5129b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1505-minister-oduber-relato-di-banco-central-ta-demostra-cu-e-strategia-pa-atrae-turista-afluente-pa-nos-isla-ta-exitoso%3FItemid%3D101][title=Minister+Oduber%3A+Relato+di+Banco+Central+ta+demostra+cu+e+strategia+pa+atrae+turista+afluente+pa+nos+isla+ta+exitoso][desc=Relato+di+prome+kwartaal+di+Banco+Central+ta+sumamente+positivo+pa+loke+ta+trata+e+placa+cu+turistanan+ta+laga+atras+na+nos+isla%2C+logrando+un+cifra+record+di+864.4+miyon+Florin+den+e+prome+3+lunanan+di+2015.+E+resultado+aki+ta+un+indicacion+claro+cu+e+strategia+pa+atrae+turistanan+afluente+pa+nos+isla+ta+uno+exitoso.+E+cifranan+aki+hunto+cu+esunnan+presenta+pa+Oficina+di+Turismo+algun+dia+atras+ta+pronostica+un+otro+a%C3%B1a+exitoso+pa+nos+industria+principal.+Awe+nos+conoce+un+crecemento+di+16.2%25+d]}
Relato di prome kwartaal di Banco Central ta sumamente positivo pa loke ta trata e placa cu turistanan ta laga atras na nos isla, logrando un cifra record di 864.4 miyon Florin den e prome 3 lunanan di 2015. E resultado aki ta un indicacion claro cu e strategia pa atrae turistanan afluente pa nos isla ta uno exitoso.

E cifranan aki hunto cu esunnan presenta pa Oficina di Turismo algun dia atras ta pronostica un otro aña exitoso pa nos industria principal. Awe nos conoce un crecemento di 16.2% den e prome 6 lunanan di aña 2015 pa lo cual ta trata e cantidad di bishitantenan stay over. Minister Oduber ta bisa: “Turismo a crece for di Merca cu 7.8% pa e prome 6 lunanan di aña 2015 y esaki ta posiciona nos como e miho den Caribe pa lo cual ta trata crecemento di turismo for di Merca.”

Pa lo cual ta trata e mercado Venezolano tambe a conoce un crecemento  di 69.8%, di cual Minister Oduber ta categorisa como normal mirando e circunstancia y situacion economico politico di nos pais bisiña. E crecemento di e mercado di Venezuela ta parti den 3 categoria. E prome ta e grupo cu ta bin Aruba uzando nos como hub, cu ta parti di e maneho cu nos a enfoca riba dje desde 2009. Aerolineanan tin hopi dificultad na Venezuela y esaki a pone cu nos companianan di aviacion a aumenta nan vuelonan pa facilita e demanda y brinda mas opcion pa e bishitantenan. Esunnan cu ta keda un anochi akinan pa despues sigui nan destinacion, tambe ta contribui na nos economia. E di dos categoria ta esun cu ta keda entre 5 pa 7 dia riba nos isla. E mercado aki tambe a sigui crece y ta e turista cu mas ta gasta riba nos isla compara cu e otro mercadonan tambe di diferente region. E di tres categoria cual ta e categoria mas chikito den e totalidad ta esun cu ta en berdad ta mira e posibilidad pa bin Aruba y rindi nan saldo efectivo pa hiba esaki bek nan pais. Asina mes e mandatario ta mira e situacion cu un bista positivo: “Nan tambe ta gasta, nan ta keda den apartamento, nan ta come,  bebe, y asina ta contribui na nos economia, kisas no mes hopi cu e otro categorianan pero asina mes nan ta laga algo atras.”  Hecho ta si cu e grupo aki ta disminuyendo unda bo ta mira esaki tambe den e desesperacion di e alohamentonan cu a cuminsa mercadea mas mirando cu den e ultimo tres lunanan tras di lomba e grupo aki a minimalisa.

Pero banda di e cantidad di turista cu a sigui crece, e enfoke di Ministerio di Turismo ta pa sigui atrae e turista mas afluente, esunnan cu ta contribui na nos economia. E esfuerso aki a keda comproba di ta dunando su fruto cu e relato recien di Banco Central. E cifranan di e prome kwartaal di aña 2015, unda por mira cu pa e prome 3 lunanan di aña aki, tin un crecemento den e tourism receipt, cu ta e cantidad di placa cu turistanan ta laga atras den nos economia, cu 6.62% compara cu aña pasa den e mesun temporada.  Aña pasa den e prome 3 lunanan di 2014 Banco Central a confirma un cantidad di 810.7 miyon Florin y pa e aña aki e suma aki a subi cu 53.7 miyon Florin. Esaki ta encerca cu pa e prome kwartaal di aña 2015 turistanan a laga un total di 864.4 miyon Florin den nos economia. E ta marca tambe e tourism receipt di mas halto den e periodo di prome kwartaal di tur e ultimo añanan.

Un inyeccion efectivo di casi 54 miyon Florin mas compara cu e mesun temporada di 2014 ta indica cu nos por spera solamente mas miho noticia pa e resto di aña 2015.

Expresionnan haci den e articulo aki no necesariamente ta refleha opinion di ArenaPoliti.co