{idkey=4887b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F158-gabinete-me-ii-ecogas-ta-ehempel-clasico-di-e-vision-di-un-hub-y-inversion-di-lider-local-cu-atrobe-ta-mustra-e-caminda-greg-peterson%3FItemid%3D101][title=Gabinete+ME+II%3A+%26quot%3BEcogas+ta+ehempel+clasico+di+e+vision+di+un+hub+y+inversion+di+lider+local+cu+atrobe+ta+mustra+e+caminda%26quot%3B+%E2%80%94+Greg+Peterson][desc=Durante+apertura+oficial+di+e+planta+%E2%80%98waste+to+energy%E2%80%99+na+Barcadera%2C+director+di+Freezone+Aruba+N.V.+Greg+Peterson+a+hiba+palabra+cu+e+entusiasmo+di+un+persona+cu+ta+wak+un+so%C3%B1o+cristalisa.+E+felicidad+aki+tabata+bay+hopi+mas+leu+di+e+donacion+cu+Ecogas+a+haci+na+Aruba+Birdlife+Conservation.+El+a+para+dilanti+di+mandatarionan+local+e+invitadonan+internacional+y+e+por+a+bisa%3A+%E2%80%9CWak+rond+y+admira...+Esaki+ta+Freezone+Aruba%21%E2%80%9D+E+planta+ta+e+prome+cu+den+tur+sentido%2C+segun+Peterson%2C+ta+fit+de]}

Durante apertura oficial di e planta ‘waste to energy’ na Barcadera, director di Freezone Aruba N.V. Greg Peterson a hiba palabra cu e entusiasmo di un persona cu ta wak un soño cristalisa. E felicidad aki tabata bay hopi mas leu di e donacion cu Ecogas a haci na Aruba Birdlife Conservation. El a para dilanti di mandatarionan local e invitadonan internacional y e por a bisa: “Wak rond y admira... Esaki ta Freezone Aruba!” E planta ta e prome cu den tur sentido, segun Peterson, ta fit den e concepto di e hub cu Prome Minister Mike Eman a idea pa Aruba. “E ta algo fenomenal pa nos pais.”

E director di e compania di zona liber na Aruba ta consciente cu cada bes cu ta papia pa desaroya Aruba como un hub entre continentenan, e prome pensamento ta cay riba Freezone Aruba N.V. Nan ta asumi e responsabilidad grandi aki y ta cla pa hunga nan papel den su ehecucion. Dos aña pasa Minister President y su gabinete a pidi pa Frezone Aruba N.V. restructura y modernisa nan sistema; e resultado ta e begunstigingsbeleid. Un aña pasa a firma e MOU cu EcoGas y Freezone Aruba tabata wardando riba e oportunidad aki y di biaha a cuminsa traha riba dje.

Pero e vision di Minister President Mike Eman ta bay mas leu cu djis logistica. “E planta aki ta bay crea cuponan di trabou riba termino largo y di entrada halto; ta ofrece un solucion sostenibel pa nos retonan di desperdicio riba henter e isla y nos ta spera esey ta e caso; e lo suministra nos planta di awa cu fuel mas barata y limpi; hopi scol a bishita e compania aki caba pa siña di e tecnica aki,” Peterson a indica.

El a añadi cu fuera di tur loke a menciona ariba, “e compania aki ta sirbi un showcase pa e tecnologia aki pa e wordo bendi cu otro islanan. Compania y institucionnan stranhero ya ta batiendo na porta puntrando pa comparti e ‘know how’.” Den conclusion, e director di Freezone Aruba N.V. a indica cu “E joya di compania aki ta e ehempel clasico pa compronde Prome Minister Mike Eman su hub y su intencion di desaroya un pilar economico nobo y sostenibel.”

Loke ta haci Peterson ainda mas contento ta cu e compania aki ta para awendia danki na e vision y curashi di empresario y ingenieronan local. Aki el a gradici Freddy Kelkboom y expresa con nan tur ta laga henter e isla sinti hopi orguyoso.

El a recorda con den mita di decada 80, hopi tabata cla pa bandona e isla, pero un inversionista local a construi un hotel den centro di Oranjestad y atrobe e ta haci un inversion enorme dunando un señal hopi positivo cu ta mustra henter e comunidad comercial di Aruba: “Ban haci algo, ban inverti, ban bira parti di e hub, ban traha riba e pilar economico nobo pa nos pais.” E inversionista ey ta Eduardo de Veer, considera un di e capitannan mas influyendo di nos industria local y tambe e persona cu a comparti cu Greg Peterson cu e ta kere den e vision di Prome Minister Eman di un hub.

Mencionando e proverbio Egipcio cu ta bisa: “No tin miho testigo cu bo wowonan,” Greg Peterson a bisa un y tur “Loke boso ta wak aki ta en berdad un game changer” y specificamente na Prome Minister Mike Eman, el a bisa “Behold your vision in motion.”

Expresionnan haci den e articulo aki no necesariamente ta refleha opinion di ArenaPoliti.co