{idkey=2811b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1613-rene-herde-avp-nos-kier-finansa-publico-sostenibel%3FItemid%3D101][title=Rene+Herd%C3%A9+%28AVP%29%3A+Nos+kier+finansa+publico+sostenibel][desc=NOS+TA+KERE+DEN+UN+OTRO+ROL+FORMA+DI+CONTROL+DI+FINANSA+PUBLICO%26amp%3Bnbsp%3BAVP+ta+aserca+e+ley+di+supervision+den+forma+cu+ta+bon+pa+henter+Aruba%26amp%3Bnbsp%3B+%26quot%3BE+desaroyo+di+Aruba+riba+tur+tereno+pa+sali+for+di+e+crisis+mundial+y+for+di+e+desaster+cu+MEP+a+laga+Aruba+aden%2C+lo+mester+ta+un+ehempel+o+sikiera+un+motibo+pa+Hulanda+reconsidera+e+forma+cu+e+ta+trata+e+paisnan+di+Reino+den+Caribe.+E+realidad+ta+cu+enbez+di+yuda+Aruba+manera+Hulanda+ta+yuda+otro+paisnan+y+stimula+iniciativanan+pa+renoba+structuranan]}
NOS TA KERE DEN UN OTRO ROL FORMA DI CONTROL DI FINANSA PUBLICO 
AVP ta aserca e ley di supervision den forma cu ta bon pa henter Aruba 

"E desaroyo di Aruba riba tur tereno pa sali for di e crisis mundial y for di e desaster cu MEP a laga Aruba aden, lo mester ta un ehempel o sikiera un motibo pa Hulanda reconsidera e forma cu e ta trata e paisnan di Reino den Caribe. E realidad ta cu enbez di yuda Aruba manera Hulanda ta yuda otro paisnan y stimula iniciativanan pa renoba structuranan antigua den nos pais, Hulanda ta trata tur pais di Reino na e forma cu e ta haya ta bon. Esey sabiendo cu cada pais tin su realidad y retonan diferente y cu un asercamento diferente y mas constructivo lo duna mas y miho resultado. Enbez di fortifica e iniciativa y creatividad den cada pais, Hulanda a bay bek na uso di instrumentonan colonial, cu no a y no lo yuda nos paisnan desaroya. Awor Hulanda ta impone su kier cu e ley di supervision financiero, apesar cu na nos isla ruman Corsow, despues di 5 aña, ainda e sistema miopico di supervision, no a yuda e pais economicamente y socialmente. Nos tarea ta pa percura pa esey no sosode na Aruba."

CONSTRUCTIVO
Apesar di cu e fraccion di AVP no a caba di fiha su punto di bista riba e ley di supervision cu lo trata e siman aki den Parlamento, Rene Herde ta sigura cu e fraccion lo asumi un posicion constructivo den esaki. Rene Herde': "Esaki kier men cu nos ta bay trata e ley aki, manera semper cu e pregunta central, kico ta bon pa Aruba y con miho pa atende cu e situacion aki.  E ley aki ta djis un parti di e totalidad di e relacionnan den Reino. Na mes un momento nos mes kier sigura cu finansa publico semper sirbi interes di nos pais y no interes di un grupo of un famia so manera a sosode bou di MEP. Nos mes kier finansa publico sostenibel, pesey nos mes a fiha e normanan di "balanced budget" cu ta e normanan den e ley aki. Nos mes a traha e cuadro financiero di 2014-2017 cu ta base di e ley aki. Nos no kier bolbe hamas na e situacion di gobernacion bou di MEP. Pero tampoco nos ta di acuerdo cu e forma di supervision cu Hulanda a usa na Corsow y Sint Maarten, pasobra cu e no a yuda stimula economia, entrada di e pais of di pueblo. Al contrario. Crecemento economico di Corsow a keda rond di 0% durante di e mes un periodo di supervision manera Hulandes kier. Den e mes un periodo ey Aruba a crece for di -15% pa + 2%. Lamentabelmente Hulanda ta insisti den su forma di supervision. Nos lo mester evita e efectonan cu e tabata tin na Corsow y keda cu un desaroyo positivo. Pasobra nos no kier inseguridad cu ta afecta inversionnan manera a sosode na 2014. Nos Pero kier restructura finansa publico y henter sector publico, pasobra e ta miho pa henter nos pais. E forma bieu no ta pas den e Aruba nobo cu nos ta visualisa y cu generacionnan hoben ta desea. Mescos cu nos nan no kier e politica bieu, e ineficiencia y burocrasia, e favoritismo y e abuso di e aparato di gobierno y en especial e abuso cu placa di pueblo pa enrikese "friends and family" di politiconan."

Asina Rene Herde a bisa, anticipando riba un asercamento diferente cu AVP ta wak cu mester hiba den e relacion cu Hulanda pa loke ta e supervision financiero cu ta bay trata den Parlamento e siman aki.

Expresionnan haci den e articulo aki no necesariamente ta refleha opinion di ArenaPoliti.co