{idkey=7372b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1657-benny-nisbet-ppa-ta-conseha-staten-den-su-totalidad-pa-rechasa-e-concepto-di-ley-di-entrego-y-traicion-y-pasa-un-mocion-x-articulo-111-22-di-nos-staatsregeling-pa-pueblo-y-pa-libertad%3FItemid%3D101][title=Benny+Nisbet%3A+PPA+ta+conseha+staten+den+su+totalidad+pa+rechasa+e+concepto+di+ley+di+entrego+y+traicion+y+pasa+un+mocion+x+articulo+111.22+di+nos+staatsregeling%21%21+Pa+pueblo+y+pa+libertad%21%21][desc=AUTONOMIA+ARUBANO+FOR+DI+1950+PADILANTI+%E2%80%A6%E2%80%A6%21%21For+di+1950+pais+Aruba+a+logra+su+%E2%80%98autonomia%E2%80%99+riba+tereno+financiero%E2%80%99.+E+buki+%E2%80%98De+Zelfstandigheid+der+Eilandgebieden+%2C+scirbi+pa+mr.+J.W.Ellis%2C+M.P.+Gorsira%2C+y+FCT+Nuyten+ta+bisa+riba+pagina+103+y+PPA+ta+cita+%E2%80%9CDoch+een+beoordeling+van+het+financiele+beleid+van+de+Eilandgebieden+Curacao+en+Aruba+is+in+strijd+met+hun+zelfstandigheid%2C+waaruit+voortvloeit%2C+dat+dit+beleid+aan+generlei+toezicht+dient+te+zijn+onderworpen+en+zeker+niet+op+een+zod]}
AUTONOMIA ARUBANO FOR DI 1950 PADILANTI ……!!

For di 1950 pais Aruba a logra su ‘autonomia’ riba tereno financiero’. E buki ‘De Zelfstandigheid der Eilandgebieden , scirbi pa mr. J.W.Ellis, M.P. Gorsira, y FCT Nuyten ta bisa riba pagina 103 y PPA ta cita “Doch een beoordeling van het financiele beleid van de Eilandgebieden Curacao en Aruba is in strijd met hun zelfstandigheid, waaruit voortvloeit, dat dit beleid aan generlei toezicht dient te zijn onderworpen en zeker niet op een zodanige wijze als bij landsverordeing waarvan te voorzien is etc….. E autonomia aki a worde expande na 1986 ora Aruba a logra su Status Aparte. En todo caso Aruba ta autonomo riba tereno financiero ja kaba pa 65 ana !!!

Den Reino Hulandes ta un custumber cu ora ta desea cambionan estatal cu ta mishi cu e ‘status’ di e islanan/paisnan den Reino Hulandes cu esaki ta tuma lugar pa medio di un proceso estatal cu ta conduci na un of mas Conferencia di Mesa Redonda. Aki nos tin di haber cu un protocol fecha 2 di mei 2015 firma entre dos ministro di Hulanda y Prome Ministro di Aruba estilo den un ‘achterkamer’ !! Ni su gobierno NI e parlamento tabata envolvi den e proceso cu a conduci na e ‘protocol’ aki ! Pa tal motibo Parlamento di Aruba tin TUR libertad pa defende bienestar general di pais Aruba.

No kabe duda cu dentro di e ultimo tres luna cu parlamento di Aruba a comete e eror di sabiendo cu e protocol lo mishi cu nos autonomia y e ‘budgetrecht’ di parlamento…cu nan NO a hasi uso di articulo 111.22 di nos Staatsregeling pa pidi un reunion cu Gobierno di Reino y cu Staten Generaal pa asina defende e ‘autonomia/status aparte’ di Aruba pero tambe pa duna mas protesta conserniente e problematica riba mesa cu ta trata ‘malgobernacion financiero’ y mas tanto basa riba e presencia di UN SOLO PARTIDO den gobernacion arubano !!

PPA ta di opinion cu si kier entroduci ‘mas control’ riba e maneho financiero ….lo mester por hasi esaki dunando institucionan constitucional di Aruba …mas poder …esta expande nan instrumentonan….y aki PPA ta referi na Raad van Advies y Algemene Rekenkamer !

PPA NO a di acuerdo cu Gobierno di Hulanda ta financia Grecia 70 billion florin arubiano (34 billion Euro) anto ta nenga di financia Aruba cu 3 billion florin arubiano/1.4 billion Euro pero ta pone condicion pa kita ‘autonomia/status aparte/ di Aruba cual ta un lucha di mas cu 80 anja. Mester por juda Aruba conforme espiritu di Statuut SIN e abuso di kita ‘autonomia/status aparte’ di pais Aruba….

PPA ta di opinion cu ainda NO ta laat pa larga e VOZ DI ARUBA na defensa di nos autonomia y nos Status Aparte, awor esaki lo mester sosode durante y na final di e reunion unda e concepto di ley lo mester worde trata. Basa riba esaki PPA ta duna e sigiente conseho na Staten di Aruba.

CONSEHO DI PPA NA STATEN DEN SU TOTALIDAD:

1. Rechasa e concepto di ley aki votando Contra !! Cu henter Reino por tuma nota….!!
2. Na mes momento pasa un Mocion di Staten den cual Staten ta pidi un reunion cu Gobierno di Reino y Staten Generaal basa riba articulo 111.22 di nos Staatsregeling cu ta bisa: De Staten van Aruba zijn bevoegd de belangen van Aruba voor te staan bij de Regering van het Koninkrijk en bij de Staten Generaal na unda un delegacion di Staten lo bai cu un mensahe fuerte defende interes di pais Aruba. PPA ta kere cu na e momento aki Staten mester crea un BRUG pa salba Aruba y tur envolvi ! Un mocion ‘strategico’ asina lo crea pues e fundeshi pa un combersacion tuma lugar entre instancianan di Reino. Mensahe di Aruba mester ta …..cu ajudo di Gobierno di Reino ta bonbini …pero dentro di e espirito di Statuut unda ta respeta e principio ‘cu Aruba ta baas den su propio cas’.
3. Cu Aruba No por comprende con Hulanda ta presta Grecia 70 billion florin arubiano(34 billion Euro) pa cual ja kaba Hulanda a conclui cu nan lo NO ricibi e parti mas grandi bek….mientras Aruba un pais’ruman, den Reino Hulandes por worde juda cu apenas un ‘fianza’ bao condicionan suave di 1.5 billion Euro pa paga e debenan cu ta surpasa e porcentahe acceptable. Cu Esaki lo por tuma lugar dunando instrument constitucional di Aruba mes cierto competencia y aki nos ta referi na Raad van Advies y ALgemene Rekenkamer den nan tarea di control riba finanzas publico
4. Na final di e mocion aki …mester pone TUR e instancianan den Reino y pafor cu lo mester ricibi e mocion ‘strategico’ aki ……..PPA ta di opinion cu mester agrega aki e instancia NACIONES UNIDAS. !!!
5. PPA no ta kere cu gobierno di Reino lo tuma un decision dia 4 di september proximo pa pasa un AMvRB y si nan hasi esaki nan ta publicamente di ‘mala fe’ …..y e ora ey un delegacion di parlamento di Aruba lo mester pidi un reunion cu NACIONES UNIDAS. 

PPA ta comprende cu kada fraccion lo ta wak e aspectonan politicopartidista cu esaki ta trece cune tambe. Aki PPA kier mustra TUR fraccion cu aki mester sirbi na prome lugar ‘bienestar general’ di nos pais y nos pueblo Aruba(no).

Rechasa e concepto di Ley !!! Pasa e mocion ex articulo 111.22 …manda un delegacion cu un mensahe fuerte pa Hulanda …….y despues ora regresa cu nos autonoma/status aparte entacto………tin un dicho na ingles cu lo mi usa…..’may the chips fall where they fall’ pero boso a defende e ora ‘autonomia/status aparte’ di pais Aruba !!

Aruba 26 di augustus 2015 BENNY NISBET,
Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co