{idkey=8667b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1658-benny-nisbet-ppa-staten-mester-rechasa-e-concepto-di-ley-y-hasi-uso-di-articulo-111-2-di-nos-staatsregeling-pa-defende-interes-di-pueblo%3FItemid%3D101][title=Benny+Nisbet+%28PPA%29%3A+Staten+mester+rechasa+e+concepto+di+ley.....+Y+hasi+uso+di+articulo+111.2+di+nos+staatsregeling+pa+defende+interes+di+pueblo....%21%21][desc=%E2%80%9CPA+PUEBLO+Y+PA+LIBERTAD+%21%E2%80%9D+Den+historia+di+pais+Aruba+semper+tabatatin+momento+clave+unda+decisionan+tabata+worde+tuma+cu+lo+affecta+e+futuro+di+nos+pais.+E+siman+aki+lo+worde+trata+un+concepto+di+Ley+cu+lo+tin+un+impacto+grandi+y+probablemente+%E2%80%98negativo%E2%80%99+riba+futuro+di+nos+pais.+E+concepto+di+Ley+%E2%80%A6.cu+ta+crea+e+base+legal+pa+C.A.F.T.+hanja+un+base+legal+aki+na+Aruba.+E+concepto+di+LEY%E2%80%A6..ta+minimalisa+e+%E2%80%98budgetrecht%E2%80%99+for+di+parlamento+di+Aruba%E2%80%A6cu+parlamento+di+Aruba+lo+NO+tin+]}
“PA PUEBLO Y PA LIBERTAD !”
Den historia di pais Aruba semper tabatatin momento clave unda decisionan tabata worde tuma cu lo affecta e futuro di nos pais. E siman aki lo worde trata un concepto di Ley cu lo tin un impacto grandi y probablemente ‘negativo’ riba futuro di nos pais. E concepto di Ley ….cu ta crea e base legal pa C.A.F.T. hanja un base legal aki na Aruba. E concepto di LEY…..ta minimalisa e ‘budgetrecht’ for di parlamento di Aruba…cu parlamento di Aruba lo NO tin e ultimo palabra mas riba asunto financiero di nos pais.

AUTONOMIA ARUBANO FOR DI 1950 !!

For di 1950 pais Aruba a logra su ‘autonomia riba tereno financiero’ nos por cita for di un buki ‘de zelfstandigheid der Eilandgebieden’ scirbi pa mr. J.W Ellis, MP Gorsira y F.C.J. Nuyten den cual expertonan di e tempo ey ta bisa y nos PPA ta cita: “ pagina 103 ta bisa: “Doch een beoordeling van het financieele beleid van de Eilandgebieden Curacao en Aruba is in strijd met hun zelfstandigheid, waaruit voort vloeit, dat dit beleid aan generlei toezicht dient te zijn onderworpen en zeker NIET op een zodanige wijze als bij landsverordening, waarvan te voorzien is, ““Slechts ten aanzien van een geldlening ware ‘s Raads bevoegheid uitdrukkelijk positief te omschrijven….”

Cu otro palabra desde 1950 Aruba ta completamente autonomo riba tereno financiero, si ta sina cu e autonomia aki a worde expande cu nos status aparte na 1986.

GOBERNACION DI UN SOLO PARTIDO POLITICO A CREA E CRISIS FINANCIERO :

E periodo cu pueblo a duna confiansa na un solo partido a contribui en grande na e DEBE NACIONAL di pais Aruba a crece…primeramente na e nivel di 49 % di nos GDP bao di MEP ……. E crecemento aki a sigui barbaramente bao di gobernacion di AVP su so y cu un maneho FATAL a aumenta e DEBE NACIONAL aki for di 49 % pa 86 % y e ta sigiendo keto bai !! Ta e maneho aki a hinca Aruba den un crisis y un MEGA DEBE…jamas bisto. E situacion aki Hulanda ta usando pa hinca su mes bek ….despues di 65 anja dentro di gobernacion di aruba !!

E protocol di 2 di mei 2015 ta un protocol di entrego un protocol di traicion…..y lamentablemente apesar cu e articulo cu sr. Betico Croes q.e.p.d. a usa pa defende interes arubiano a worde pasa pa nos constitucion esta articulo 111.22 lamentablemente ningun fraccion den Staten NI AVP, NI MEP, NI DEMOCRACIA REAL NO a hasi uso di e articulo aki pa pidi un reunion di Staten den cual a presenta un mocion den cual ta pidi pa Gobierno di Reino y un reunion cu Staten Generaal…PPA ta considera esaki un EROR HISTORICO !! Staten a keda den un ‘silencio’ y awor e concepto di LEY a jega Staten di Aruba ….y awor palabra ta na Staten pero tambe na pueblo. PPA cu nos memoria di sr. Juan Enrique Irausquin q.e.p.d. y sr. Gilberto Francois (Betico) Croes q.ep.d. e grandinan den nos historia…. nos mensahe ta …..’Solo el pueblo salba el pueblo’ !!

SOLO EL PUEBLO SALBA EL PUEBLO !!

PPA ta pidi pueblo di Aruba pa NO keda keto e siman aki pero larga E voz di pueblo resona !! Pone pression riba e 21 miembro di Staten pa nan NO comete un segundo ‘eror historico’ pa vota PRO e concepto di LEY aki…..!!! No entrega nos e autonomia cu pueblo arubiano tin desde 1950 (expande na 1986) bek den man di e pais cu a colonisa nos pueblo.

CONSEHO DI PPA NA STATEN DI ARUBA COMPLETO !! PASA UN MOCION CU TA CREA UN ‘BRUG’ PA SALBA ARUBA COMO PAIS DEN REINO HULANDES !!

1. Rechaza e ley aki ….votando CONTRA !! Cu HENTER REINO por tuma nota…y scucha. Na mes momento presenta y pasa un mocion firma pa TUR miembro di parlamento cu lo sirbi como BRUG pa un soluccion y miho relacionan den Reino Hulandes base riba respet pa otro !

2. PPA ta kere den un ‘brug’ pa salba Aruba y tur envolvi ! Un mocion ‘strategico y cu FORZA di pueblo’ den cual STATEN ta pidi un reunion ex articulo 111.22 di nos Staatsregeling un reunion cu gobierno di REINO y un reunion cu Staten Generaal di Hulanda…….pa confronta Hulanda….y hiba un mensahe ……...cu ajudo Hulandes ta ‘bonbini’ contal e ajudo aki NO ta mishi cu nos autonomia/status aparte arubiano cual ta un logro historico despues di un lucha sagrado di pueblo y mester worde respeta na tur momento. Pero ajudo di Gobierno di Reino basa riba Statuut mester ta dentro di e ‘espirito di cooperacion’ , di ajudo como ruman den Reino. No den e espirito di abusador….NI colonisador….pero den e espirito di ta ruman den Reino Hulandes…!

3. Cu Aruba NO por comprende con Hulanda ta presta Grecia 70 billion florin arubiano (30 billion euro) pa cual ja kaba Hulanda a conclui cu nan lo NO ricibi e parti mas grandi bek….mientras Aruba un pais ‘ruman’ den Reino Hulandes…..por worde juda cu apenas un ‘fianza bao condicionan suave’ di 1.5 milliard Euro esta….3 billion florin arubiano !! En vez di judansa Hulanda kier kita autonomia arubano locual NO por. Pesey e lucha pa aruba ta ‘baas den su mes cas’ !! Pueblo forza e 21 miembro di parlamento pa respeta historia …y e logro di nos pueblo y generacionan den pasado na bienestar di nos pais !!

4. Cu pais Aruba ta lo por accepta cooperacion y ajudo financiero pero cu esaki lo mester ta cu ‘respet pa Aruba como pais den Reino’, respet pa nos gobierno, respet pa nos parlamento y si mester di un ‘upgrading’ pa mejora e control riba maneho financiero di nos gobierno, PPA ta wak esaki den mejora/upgrade e ‘instrumentonan’ cu nos propio Raad van Advies y Algemene Rekenkamer tin !!

5. E mocion aki lo mester worde manda pa diferente instancia den Reino Hulandes pero tambe pa NACIONES UNIDAS !!!

Parlamento completo a faya door di NO a hasi uso di articulo 111.22 di nos Staatsregeling… awor ta pueblo so por salba su mes,,,,door di forza parlamento completo pa respeta HISTORIA…respeta logro di nos generacionan anterior y respeta nos autonomia di 1950 expande cu nos Status Aparte di 1986 !! Respeta nos Isla, Respeta nos pais, Respeta nos Patria ….Respeta nos pueblo !!

PA PUEBLO Y PA LIBERTAD …..!!

Aruba, 22 di augustus 2015 Lider Politico di PPA
BENNY NISBET,

Expresionnan haci den e articulo aki no necesariamente ta refleha opinion di ArenaPoliti.co