{idkey=3625b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1748-parlamentario-xiomara-ruiz-maduro-mep-tocante-congreso-2015-solo-ta-sali%3FItemid%3D101][title=Parlamentario+Xiomara+Ruiz-Maduro+%28MEP%29+tocante+congreso+2015%3A+Solo+ta+sali][desc=DURANTE+CONGRESO+DI+MEP+LO+TIN+ELECCION+DI+LIDER.%26amp%3Bnbsp%3BSTA.+CRUZ+--+Durante+conferencia+di+prensa+di+MEP%2C+Xiomara+Ruiz-Maduro%2C+Secretario+General+di+Partido+MEP+a+elabora+riba+e+Congreso+di+MEP.SOLO+TA+SALIE+lema+pa+Congreso+2015+ta%26amp%3Bnbsp%3B%26%23039%3BSOLO+TA+SALI.%26%23039%3B+Despues%26amp%3Bnbsp%3Bdi+tur+tempestad+cu+nos+Pais+ta+pasando+aden%2C%26amp%3Bnbsp%3BAruba+merece+hopi+mas+mihor+y+nos+tur+mester+keda+cu+e+fe+y+confiansa+cu+%26%23039%3BSOLO+TA+SALI%26%23039%3B+pa+nos+tur.ELECCION+DI+LIDERDurante+Congreso+2015+segun+e+statutonan+di+MEP+mester+escohe+nos+]}
DURANTE CONGRESO DI MEP LO TIN ELECCION DI LIDER. 

STA. CRUZ -- Durante conferencia di prensa di MEP, Xiomara Ruiz-Maduro, Secretario General di Partido MEP a elabora riba e Congreso di MEP.

SOLO TA SALI
E lema pa Congreso 2015 ta 'SOLO TA SALI.' Despues di tur tempestad cu nos Pais ta pasando aden, Aruba merece hopi mas mihor y nos tur mester keda cu e fe y confiansa cu 'SOLO TA SALI' pa nos tur.

ELECCION DI LIDER
Durante Congreso 2015 segun e statutonan di MEP mester escohe nos Lider. Den e cuadro aki Conseho di Partido a sondea cual candidatonan lo kier postula nan mes pa e pocicion di Lider di Partido. En bista cu ningun candidato a postula su mes pa e pocicion di Lider, Conseho di Partido a aserca nos Lider actual Evelyn Wever-Croes cu e peticion pa sigi asumi e responsabilidad di lidera nos Partido pa e sigiente termino. Den reunion di Conseho di Partido dia 6 di juli 2015, colega Glenbert Croes a propone pa eligi nos Lider actual pa aclamacion durante Congreso. E propocicion aki a wordo haci teniendo na cuenta cu Partido MEP tin pleno confiansa den Evelyn su liderasgo, cu no tabata tin otro candidato cu a postula su mes pa e pocicion di Lider y cu mester mantene e continuidad necesario na cabes di nos Partido. E proposicion aki a wordo acepta unanimamente y a wordo ratifica den un reunion di Conseho di Partido extra ordinario dia 21 di augustus 2015 na unda tur e miembronan di tur e directivanan tabata presente.
Mester remarca cu esaki ta un proceso cu semper a tuma lugar den partido. Fundador di nos partido Betico Croes dfm, y nos lider honorario Nel Oduber a wordo re-eligi pa aclamacion varios biaha. Awor historia ta ripiti y cumpliendo cu e peticion di nos miembronan, e propocicion unanime di Conseho di Partido pa re-eligi Evelyn Wever-Croes como Lider di MEP, lo wordo treci dilanti durante Congreso 2015.

EVELYN WEVER-CROES PA LIDERA NOS PARTIDO Y NOS PAIS 
Den e tormento cu nos Pais ta aden, den e situacion financiero dificil cu nos Pais ta aden, nos mester un Lider manera Evelyn Wever-Croes pa saca Aruba for di e tempestad cu nos ta pasando aden. Nos Pais mester wordo guia pa un Lider cu ta profesional, cu por compronde e problemanan cu nos Pais ta enfrenta no solamenta na nivel di gobernacion pero tambe na nivel di famia cu ta forma e nucleo di nos Pais. Mas aun nos Pais mester di un persona cu tin oido pa loke Pueblo ta trece padilanti y ta yuda Pueblo cu solucionnan na un forma sincero y honesto. Esnan cu awor ta den gobernacion a demostra cu nan no tin e cualidades aki y cu nan no ta honesto ni sincero. Como hende muher den politica mi tambe ta di opinion cu a yega e momento cu e Pais aki mester conose liderasgo den man di un hende muher mescos cu un mama ta lidera su cas. Pa tur e puntonan aki y mas, Conseho di Partido ta 100% sigur cu awor nos mester di un Lider manera Evelyn Wever-Croes pa dirigi nos Partido y nos Pais. Awor ta keda na Congreso 2015 pa duna aclamacion y na sosten na nos Lider. E invitacion ta bay na tur miembro di nos Partido pa tey presente na Congreso 2015 riba diadomingo 27 di september 2015 cuminsando pa 5'or di atardi na Cas di Cultura.

Expresionnan haci den e articulo aki no necesariamente ta refleha opinion di ArenaPoliti.co