{idkey=1506b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1932-gerick-croes-mep-den-6-luna-gabinete-eman-a-implementa-un-cadena-di-medida%3FItemid%3D101][title=Gerick+Croes+%28MEP%29%3A+Den+6+luna+Gabinete+Eman+a+implementa+un+cadena+di+medida%21][desc=Den+un+periodo+di%26amp%3Bnbsp%3B6+luna+Gabinete+Eman+a+implementa+un+cadena+di+medida.%26amp%3Bnbsp%3BSi+pueblo+para+keto+y+pensa+un+rato+Gabinete+Eman+a+ehecuta+cu+tur+forsa+riba+pueblo+entre+luna+di+april+2015+y+September+2015+%26amp%3Bnbsp%3B3+diferente+medida+exchange+rate+margin+tax%2C+aumento+BAZV+y+introduccion+parkeermeters.+Loke+e+medidanan+aki+tin+en+comun+ta+cu+tur+di+un+manera+of+otro+ta+pone+pueblo+gasta+mas+pa+despues+Gabinete+Eman+por+djo+djo+cune.E+promer+medida+exchange+rate+margin+tax+a+drenta+na+vigor+1+apr]}
Den un periodo di 6 luna Gabinete Eman a implementa un cadena di medida. Si pueblo para keto y pensa un rato Gabinete Eman a ehecuta cu tur forsa riba pueblo entre luna di april 2015 y September 2015  3 diferente medida exchange rate margin tax, aumento BAZV y introduccion parkeermeters. Loke e medidanan aki tin en comun ta cu tur di un manera of otro ta pone pueblo gasta mas pa despues Gabinete Eman por djo djo cune.

E promer medida exchange rate margin tax a drenta na vigor 1 april 2015. Esaki ta ensera un cobransa riba cambio riba moneda stranhero. Den principio esaki tawata un gasto cu lo mester a wordo carga door di Banconan. Es mas mandatarionan di Gabinete Eman a priminti cu esaki lo no bai cai riba pueblo. Hasta fraccion MEP a presenta un mocion cu unanimamente a wordo acepta pero toch despues a resulta cu Asociacion di Bankeronan a laga sa cu nan no por carga e peso financiero aki y ta afecta nan operacion como consecuencia cu e consumidor mes mester carge. Hopi cuidadano a kere of kizas no ta na altura cu ta haye confronta cu e medida aki ora diariamente ora di swipe. Normalmente bo sa cu bo ta wordo cobra ora bo swipe via un machine cu no ta dibo banco. Pero loke a bin extra ta e hecho cu ora di hasi compras y bo mester paga cierto usando cierto machinenan esaki ta converti e bedrag di florin den dollars consecuentemente bo ta hayabo ta paga e exchange rate margin tax aki.  Aunke tin cuidadanonan cu por sa di esaki hopi ta esnan cu no ta controla of tira un bista riba nan bankstatement cual ta wordo decribi na cierto banco como “ERMC fee". Imaginabo    si cada biaha keda esaki loke ta acumula por ta un suma cu bo lo por usa pa otro necesidad.

Durante tratamento di presupuesto 2015 pueblo a haya un otro medida regalo cual ta e aumento di BAZV. Mester enfatisa cu e promer aumento di BAZV a tuma lugar na 1 december 2014 ya caba esaki a conoce un aumento. Pa colmo ora di a introduci esaki e la bai full robes. Den e caso specifico aki mester subraya cu e la wordo cobra varios luna na un forma incorecto cu consecuencia cu tur cuidadano a paga dimas y of a wordo cobra inhustamente! E sisteme cu tanto a wordo critica a wordo aumenta pa gobierno por haya placa bek den caha. Ta obvio si cu e accionan di Gabinete Eman y AVP ta duna indicacion cla cu nan maneho ta uno bruha y na cierto forma ta pa castiga pueblo so! 

E sed di Gabinete Eman pa placa a continua y manera un sopi hasi den pura introduccion di parkeermeters a sali salo. Realidad ta cu parkeermeters a causa un desaroyo negativo pa tanto comercio y e clase trahador. E medida di parkeermeters ta uno cu ta afecta bo entrada netto na un forma hopi brutal pasobra ta 720 florin bo ta kedando menos cune pa aña! financieramente e ta devastador pa e clase trahador e ta un cobransa adicional cu ta afecta e presupuesto individual di tur cuidadano di Aruba. Imaginabo e 60 florin ey cu ta bai na  parkeer hopi ta e famianan cu lo por a gaste na compras di fin di luna na supermarket of cubri cualkier gasto mensual di nan vivienda.

Un di e promesanan mas grandi di Gabinete Eman tawata pa elimina pobresa na Aruba. Awendia e ta obvio cu nan maneho ta uno net contrario pasobra a destrui e pais aki financieramente y concientemente a opta pa bai kibra e cartera di e pueblo humilde. Hecho ta cu e poder di compra di tur cuidadano ta wordo afecta cu acumulacion di medida y Gabinete Eman no ta tene piedad cu esaki. Si e mandatarionan aki a cana rond y papia cu pueblo lo awe nan por sa cu e medidanan cruel y brutal aki ta cabando cu e cartera y calidad di bida di e pueblo. 

Expresionnan haci den e articulo aki no necesariamente ta refleha opinion di ArenaPoliti.co