{idkey=2003b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1942-minister-otmar-oduber-y-asociacion-di-controladornan-aereo-a-yega-na-acuerdo-lo-tin-un-fase-transitorio-di-idioma-te-na-juni-otro-ana-salvaguardiando-e-interes-di-aruba%3FItemid%3D101][title=Ministerio+di+Transporte%3A+Minister+Otmar+Oduber+y+Asociacion+di+Controladornan+Aereo+a+yega+na+acuerdo][desc=Lo+tin+%26amp%3Bnbsp%3Bun+fase+transitorio+di+idioma+te+na+juni+otro+a%C3%B1a+salvaguardiando+e+interes+di+Aruba%26amp%3Bnbsp%3BDiadomingo+Mininister+Otmar+Oduber+a+reuni+cu+Asociacion+di+Controladornan+Aereo%2C+esaki+despues+di+e+disputa+cu+tabatin+pa+loke+ta+trata+Ingles+como+idioma+di+comunicacion+entre+toren+y+pilotonan%2C+algo+cu+Aruba+a+compromete+su+mes+internacionalmente+cune.Desde+diabierna+a+sinti+cu+tabatin+un+tipo+di+accion+caminda+empleadonan+a+meld+ziek+unda+cu+nan+a+bay+dokter+y+a+keda+comproba+cu+nan+ta+suf]}
Lo tin  un fase transitorio di idioma te na juni otro aña salvaguardiando e interes di Aruba 

Diadomingo Mininister Otmar Oduber a reuni cu Asociacion di Controladornan Aereo, esaki despues di e disputa cu tabatin pa loke ta trata Ingles como idioma di comunicacion entre toren y pilotonan, algo cu Aruba a compromete su mes internacionalmente cune.
Desde diabierna a sinti cu tabatin un tipo di accion caminda empleadonan a meld ziek unda cu nan a bay dokter y a keda comproba cu nan ta sufri di un of otro malesa. A base di esaki a constata cu por tin consecuencia pa fin di siman unda lo por tabatin problemanan grandi.
A base di esaki, practicamente tur gremio comercial a uni cabez pa evita cu lo tin un tipo di continuacion di accion cu por perhudica interes general di Pais Aruba. Mayoria di e gremionan aki a uni na ANSA cu lo a entama un kort geding, pero diadomingo durane e reunion cu controladornan aereo Minister Oduber por a notificanan cu esaki no lo ta necesario mas mirando cu a yega un acuerdo.
Den e cuadro aki Minister Otmar Oduber a gradici Asociacion di Controladornan Aereo y personal di ANSA y Departamento di Aviacion Civil cu a logra yega na un conclusion caminda cu e meta cu Aruba kier pone como meta di haci Ingles e unico lenguahe cu ta wordo usa pa loke ta trata trafico aereo ta uno cu ta unanime. Unico cu a cambia ta e periodo den cual kier a introduci esaki cual tabata wordo considera uno hopi cortico. Asina a extende e periodo aki te cu juni otro aña, luna den cual segun acuerdo di ANSA cu Centro di Control na Corsow, lo bay bin un radar detachering cu ta duna e posibilidad pa visualmente, na caminda pa nos propio surveillance system, toren di Aruba por traha miho riba aspecto di seguridad.
Mientras tanto lo notifica ICAO cu temporalmente lo por bay usa Spaño como lenguahe secundario, no manera cu e tabata antes como ‘dual language’. Ingles lo wordo usa como idioma principal y Spaño como idioma secundario, esaki te cu juni otro aña bou di e condicion di otro reglanan cu mester cumpli tambe, esta cu mester ta certifica den Spaño, algo cu no a tuma lugar te na e momentonan aki. E certificacion aki mester tuma lugar entre awo pa december pa cumpli cu e reglanan internacional.
Vocero di e Asociacion di Controladornan Aereo, Elwin Rincones tambe a indica cu nan a keda contento di por a yega na un punto intermedio cu e minister pa loke ta trata uso di idioma, unda cu lo bin na un solucion temporal.
Minister Oduber ta considera cu tabata importante pa sinta diadomingo mainta den e grupo mirando cu e diferente interpretacionnan pa loke ta e articulonan den e leynan. A mustra bon cla cu Aruba mes a compromete su mes for di aña 2008 cu e lo cumpli cu e regla y leynan internacional unda a bisa afor tambe cu Ingles ta e idioma cu ta usa na Aruba conforme loke ICAO ta pone. A pasa riba tur e diferencia di interpretacion di loke ICAO ta permiti y esey ta claro awor y tur esaki a conduci cu na final di e reunion a haya otro pa tin un fase transitorio un poco mas largo, pero cu e compromiso cu tur ta realiza cu esey ta e caminda corecto pa encamina.
Pa loke ta trata e trabou den toren, Miniser Otmar Oduber a bisa cu for di diadomingo mainta  tabatin e compromiso cu lo tin trahadornan pa e shift di 1or y e mandatario a gradici e trahadornan pa esaki. Despues di e reunion a logra e compromiso unanime riba e direccion cu kier yega pa cumpli cu e reglanan, cumpli cu loke Aruba mes a bisa varios aña pasa cu lo bay cumpli cune.

Expresionnan haci den e articulo aki no necesariamente ta refleha opinion di ArenaPoliti.co