{idkey=4870b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F197-guillfred-besaril-mep-facilidadnan-di-cuerpo-policial-y-otro-departamentonan-di-husticia-deteriorando%3FItemid%3D101][title=Guillfred+Besaril+%28MEP%29%3A+%26quot%3BFacilidadnan+di+Cuerpo+Policial+y+otro+departamentonan+di+Husticia+deteriorando%21%26quot%3B][desc=Den+conferencia+di+prensa+Parlamentario+pa+Partido+MEP%2C+sr.+Guillfred+Besaril%2C+a+elabora+riba+un+preocupacion+cu+ta+reina+den+diferente+departamento+di+Husticia+en+especial+Cuerpo+Policial+di+Aruba.+Parlamentario+Besaril+a+declara+lo+siguiente%3A%26quot%3BTin+un+par+di+siman+caba+cu+ta+circula+e+noticia+cu+e+warda+di+Polis+na+San+Nicolas+lo+ta+afecta+door+di+%26quot%3BSchimmels%26quot%3B.+Aparentemente+no+ta+e+problema+aki+so+tin+na+dicho+warda%2C+sino+cu+for+di+basta+tempo+tin+masha+problema+mes+cu+e+sistema+di+instalacion+d]}

Den conferencia di prensa Parlamentario pa Partido MEP, sr. Guillfred Besaril, a elabora riba un preocupacion cu ta reina den diferente departamento di Husticia en especial Cuerpo Policial di Aruba. Parlamentario Besaril a declara lo siguiente:
"Tin un par di siman caba cu ta circula e noticia cu e warda di Polis na San Nicolas lo ta afecta door di "Schimmels". Aparentemente no ta e problema aki so tin na dicho warda, sino cu for di basta tempo tin masha problema mes cu e sistema di instalacion di coriente. Segun nos Fraccion por a compronde cu lo tin preocupacion serio pa cu un “Corto Circuito” y hasta candela na momento cu awa ta yobe.
Aparte di e facilidad na San Nicolas, nos Fraccion ta bon na altura cu keto bai e personal di e distrito di Oranjestad ta hinca den un spacio super chikito na Dakota. Nos Fraccion kier scucha e Minister encarga cu Husticia den e situacion specifico aki, pues si e ta na altura di e situacion na warda di San Nicolas y si e Ciudadano Minister tin un solucion a corto plazo pa e personal di Cuerpo Policial di distrito di Oranjestad.
Ademas di Aruba Cuerpo Policial, no tin un bista cla pa loke ta trata e instituto KIA. E instituto ta operando sin un director y sin un bista fiho den ki direccion Gobierno kier bai cu e facilidad aki na Santo di Patia. Pa nos ta hopi importante pa haya informacion relaciona cu a proceso pa apunta un director y e maneho cu lo bai wordo hiba pa cu e facilidad ajki na San Nicolas. Enbista di tur e pregunta y preocupacionan nos Fraccion lo manda un cuestionario pa e Minister encarga cu Husticia riba e topico aki. Na final di dia pa bo por funciona na drechi, e facilidadnan den cual bo ta eherece bo trabow mester por ta den un estado acceptabel. Sin duda alguno Cuerpo Policial y KIA Merece Miho!" Parlamentario Besaril a termina.

Expresionnan haci den e articulo aki no necesariamente ta refleha opinion di ArenaPoliti.co