{idkey=8907b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2174-parlamentario-dangui-oduber-mep-e-cantidad-di-placa-cu-turistanan-ta-lagando-atras-cada-vez-birando-menos%3FItemid%3D101][title=Parlamentario+Dangui+Oduber+%28MEP%29%3A+E+cantidad+di+placa+cu+turistanan+ta+lagando+atras+cada+vez+birando+menos%21+][desc=E+turismo+cu+tin+awendia+no+ta+un+%26amp%3Bnbsp%3Bturismo+solido+y+duradero+cu+nos+pais+por+depende+riba+dje.+E+ta+obvio+cu+e+desaroyo+nobo+den+nos+turismo+ta+afectando+e+industria+y+nos+por+constata+cu+e+cantdiad+di+placa+cu+ta+wordo+inverti+den+mercadeo+NO+ta+dunando+resultado+desea.+E+vision+di+atrae+turistanan+di+calidad+halto+y+turistanan+cu+ta+gasta+hopi+placa+den+nos+economia+no+ta+e+caso.+Nos+no+por+compronde+pakiko+a+tuma+asina+hopi+tempo+pa+Banco+Central+publica+e+relato+di+cuanto+placa+placa+tu]}
E turismo cu tin awendia no ta un  turismo solido y duradero cu nos pais por depende riba dje. E ta obvio cu e desaroyo nobo den nos turismo ta afectando e industria y nos por constata cu e cantdiad di placa cu ta wordo inverti den mercadeo NO ta dunando resultado desea. E vision di atrae turistanan di calidad halto y turistanan cu ta gasta hopi placa den nos economia no ta e caso. Nos no por compronde pakiko a tuma asina hopi tempo pa Banco Central publica e relato di cuanto placa placa turistanan a laga atras den e Segundo kwartaal di anja 2015. Banco Central ta un instituto respeta y semper mester ta imparcial den duna relatonan turistico.  Nos ta na luna di November y e Segundo kwartaal di anja a termina na fin di luna di juni y ta te awe a bira conoci cuanto placa e turista a laga atras. E cifranan aki mester ta disponibel mesora pa por actua y tuma decisionan cu por cambia esaki.

Ta obvio cu e resultado di e cantidad di placa cu turistanan a laga atras a desapunta nos tur. Nos a spera mirando cu tin crecemento den e cantdidad den stayovers nan cu esaki lo traduci su mes den un aumento den cantdiad di placa cu ta wordo laga atras den nos economia. Lamentablemente esaki no tawata e caso.

Mientras tawata tin un crecemento den cantidad di  turistanan stayovers te cu fin di juni 2015 di 16.2% e cantidad di placa cu turistanan a laga atras a conoce un aumento di apenas 1.96%. Normalmente ora tin un crecemento di 16.2% den cantidad di stayovers e cantidad di placa cu un turista ta laga atras mester ta en todo caso mustra un aumento di por lo menos 10%. Den e caso aki turismo ta crece cu 16.2% y apenas tin un aumento di 1.96% den cantidad di placa cu turistanan ta laga atras. Esaki ta algo sumanete preocupante pasobra casi no tawata tin un aumento. E conclusion cu por saca di e cifranan aki ta cu turistanan NO ta gastando placa y e calidad di turistanan cu ta biniendo Aruba no ta e calidad desea. Un minister semper ta wordo huzga pa e resulatdo di su maneho y den e caso aki e maneho no ta dunando e mihor resultado. Tin crecemento den stayovers pero e crecemento aki ta danki na e influx di turistnan cu ta bin for di Venezuela. Nos no mester lubida cu den apenas 1 anja di tempo tin ‘’4000’’ turista Venezolano a keda atras nos pais y tur esakinan a wordo registra como stayoversnan. Gobierno di Aruba NO ta atendiendo cu e probleman aki y cada vez e ta bira un problema mas grandi. Minister Sevinger a reaciona y bisa cu si 400 turista a keda atras esaki no ta hopi pasobra ta apenas 1% di tur esnan cu a bin Aruba a keda atras, ki clase di mentalidad!

Nos no mester lubida cu turismo crusero a cai 17.5% y esaki ta nifica un caida di mas cu 80.000 turista crusero. Cu e caida aki nos economia a sufri un perdida di mas cu 15 miyon florin cual ta un sla duro pa un economia cu ta hopi fragil na e momentonan aki.

No solamente turismo crusero a cai cu double digits sino grado di occupacion na hotelnan tambe a cai. Banda di esaki REV PAR cu ta un indicador di clase di turista ta bin nos pais tambe a conoce un caida drastico. Tin hopi preocupacion pa cu e desaroyonan aki y nos ta spera cu e minister actua y busca manera na mehora e situacion enbez di sinta yora y cada bez compara appel cu peer. Turismo ta loke nos tur ta biba directamente of indirectamente di dje y no por sinta haci wega y hunga cu esaki. Si e situacion ta malo actua y asumi resoponsabolidad y no laba man schuif problemanan riba otro.

Expresionnan haci den e articulo aki no necesariamente ta refleha opinion di ArenaPoliti.co