{idkey=5241b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2639-chris-romero-mep-nos-mester-rebiba-e-celebracion-di-dia-di-betico%3FItemid%3D101][title=Chris+Romero+%28MEP%29%3A+Nos+mester+rebiba+e+celebracion+di+Dia+Di+Betico][desc=%26quot%3BHomber+luchador%26quot%3B%2C+%26quot%3Bhomber+ehemplar%26quot%3B%2C+%26quot%3Bhomber+noble+cu+a+stima+y+bringa+pa+Aruba+incondicionalmente%26quot%3B%2C+ta+ehempelnan+cu+ta+bin+na+nos+mente+ora+nos+purba+describi+Betico+Croes.E+tabata+hopi+mas+cu+un+homber+cu+un+amor+inmenso+pa+Aruba%2C+Betico+ta+e+ehempel+cu+nos+tur+cu+stima+e+pida+baranca+aki+mester+sigi+pa+asina+hiba+nos+pais+riba+e+mihor+caminda.+Mirando+bek+riba+e+dia+nacional+unda+cu+ta+conmemora+natalicio+di+e+gran+estadista+aki%2C+nos+por+realisa+cu+e+esencia+di+e+celebracion+ta+bayendo+perd]}
"Homber luchador", "homber ehemplar", "homber noble cu a stima y bringa pa Aruba incondicionalmente", ta ehempelnan cu ta bin na nos mente ora nos purba describi Betico Croes.
E tabata hopi mas cu un homber cu un amor inmenso pa Aruba, Betico ta e ehempel cu nos tur cu stima e pida baranca aki mester sigi pa asina hiba nos pais riba e mihor caminda.

Mirando bek riba e dia nacional unda cu ta conmemora natalicio di e gran estadista aki, nos por realisa cu e esencia di e celebracion ta bayendo perdi.
Unicamente den nos memoria a keda e temponan cu nos por a aprecia con na mayoria Centro di Bario rond di nos isla, tabatin celebracion di nos dia nacional di Betico Croes.
Awendia ta solamente un par di bario a celebra e fecha tan special aki.

Betico tabata un homber cu un gran amor pa Aruba y tabata orguyoso di nos custumbernan.
Logicamente e esencia di e celebracion di Dia Di Betico lo mester tin como obhetivo e realse di nos custumbernan, nos cumindanan y musica crioyo.
Lastimamente nos no por a mira mucho bendemento di cuminda crioyo rond, y mucho menos actividadnan tipico di nos isla. Loke ta laga nos cu e pregunta: Unda nos amor patrio a keda?

Pa un pueblo por mantene y aprecia su cultura, e mester por conoce su historia.
Te dia di awe nos no por a mira un Gobierno introduci e historia di Aruba den nos sistema educativo.
Si nos muchanan no siña di chikito ken tabata Betico y kiko el a hasi pa Aruba, ta con nos por spera cu nan lo sigi mantene nos custumbernan den futuro?
Betico a hasi asina hopi pa Aruba, pero lastimamente dor di no educa nos hobennan, awendia mayoria di nan no sa precies kiko Betico a nifica pa Aruba y pakiko nos ta celebra un dia nacional cu su nomber.

Pa falta di educacion corecto gran parti di nos pueblo ta sufriendo di un falta di amor patrio inmenso.
Aunke cu e lucha pa status aparte a finalisa tres decada pasa, awendia hopi yiu di tera no ta duna e lucha aki su balor mereci pa di falta di informacion.
Educacion encuanto nos historia mester ta algo cu ta inclui den nos curriculum escolar, y no simplemente un informacion cu nos mes lo tin di bay busca.

E ta responsabilidad di nos gobernantenan pa mantene nos historia y cultura intacto.
A yega ora pa Minister Oduber duna contenido real na su posicion como Minister di Cultura y cuminsa pone mas atencion na nos departamento di cultura, dor di instrui esnan den e departamento pa hasi e dianan nacional realmente importante.
Aruba tin su identidad propio, y ta responsabilidad di tur Gobierno pa preserva esaki.

Expresionnan haci den e articulo aki no necesariamente ta refleha opinion di ArenaPoliti.co