{idkey=5869b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2742-dangui-oduber-mep-paul-croes-a-desapunta-tur-hoben-cu-su-maneho%3FItemid%3D101][title=Dangui+Oduber+%28MEP%29%3A+Paul+Croes+a+desapunta+tur+hoben+cu+su+maneho%21][desc=Den+un+publicacion+di+ayera+Minister+Paul+Croes+a+laga+sa+cu+partido+MEP+lo+no+tin+confiansa+den+e+hobennan+di+Aruba.+Loke+ta+hopi+remarcabel+ta+cu+net+un+hoben+manera+Paul+Croes+ta+bisa+esaki.+Net+e+minister+aki+ta+e+ultimo+pa+papia+pasobra+ehempel+sigur+e+no+ta+y+mucho+menos+e+ta+duna+na+nos+hobenan.+Laga+nos+no+ignora+e+hecho+cu+ta+e+minister+aki+ta+un+di+esnan+cu+ta+culpabel+pa+hinca+Aruba+den+debe+di+4+biyon+florin+hipotecando+e+futuro+di+nos+hobennan.+Pa+su+culpa%2C+pa+su+insistencia+den+bir]}
Den un publicacion di ayera Minister Paul Croes a laga sa cu partido MEP lo no tin confiansa den e hobennan di Aruba. Loke ta hopi remarcabel ta cu net un hoben manera Paul Croes ta bisa esaki. Net e minister aki ta e ultimo pa papia pasobra ehempel sigur e no ta y mucho menos e ta duna na nos hobenan.
Laga nos no ignora e hecho cu ta e minister aki ta un di esnan cu ta culpabel pa hinca Aruba den debe di 4 biyon florin hipotecando e futuro di nos hobennan. Pa su culpa, pa su insistencia den bira minister, e ta costando nos pais Aruba 16.2 miyon extra pa aña como Minister sin cu e la trece cambio, ideanan nobo, ideanan innovative of crea cupo di trabou pa nos hobenan.  E minister aki ta carga titulo di hoben pero ora di duna contenido ta laga di  hopi di desea.
Ta tristo pa mira bou su mandato cu desempleo bou di hobennan ta alrededor di 23%! Ta tristo pa mira con nos tin hobennan cu ta cabi studia sin e posibilidad di haya un trabou digno den nos comunidad. Ta tristo pa mira con hobenan ta bai studia medicina den region y na momento cu nan caba na estudio y bin bek nan pais pa yuda, nan ta wordo maltrata.
Ta pasobra e minister aki no tin vision y tampoco compromiso cu nos hobennan. E la crea un cultura di partijdiploma solamente si bo vota pe of AVP bo lo por bin na remarca pa e mihor funcionan cu bon pago. Ki motivacion un hoben tin na momento cu e mira cu coordinadornan ta gana salario di averahe 8000 florin pa luna y gran mayoria di nan ta partijdiploma nan tin. Ki estimulo un hoben asina ta haya pa por bai studia si e ehempel cu gobierno ta duna ta cu pa gana hopi placa na aruba no mester bai studia sino mester bai campanja pa AVP. Asina aki Paul Croes a traha pa nos hobenan? Asina aki Paul Croes a trece cambio den mentalidad politico na Aruba? Ta di lamenta cu Paul ta hiba e mesun politica anticua di usa hende pa haya voto y duna trabou y fabor a cambio di e voto.
Ki perspectiva un hoben cu ta bai studia tin pa bin bek su pais y yuda e pais progresa si e ehempel cu Paul Croes y su gobierno a duna a esun completamente robez.
Paul Croes a desapunta tur hoben cu su maneho! Un maneho sin vision y sin perspectiva pa nos futuro generacionan. Cuanto cupo di trabou cu ta paga bon Paul Croes y su gobierno a crea e ultimo 7 aña nan?? Ki futuro un hoben Arubiano tin bao di e maneho mediocre aki? Mira cuanto hoben no tin trabou, cuanto no ta bayendo scol anto e ora nos tin cu puntra nos mes, pakiko e situacion a sali for di man asina aki?
Despues di 6 anja di gobernacion di Mike Eman nos por conclui cu e unico cos cu Paul y su gobierno a crea ta DEBE pa nos hobenan bai paga mayan!
Nos hobenan mester perspectiva, nos hobenan mester pork ere den un mihor futuro cual sigur AVP no a brinda nan!

Expresionnan haci den e articulo aki no necesariamente ta refleha opinion di ArenaPoliti.co