{idkey=1611b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2826-benny-nisbet-ppa-cu-paso-ad-hoc-di-gab-mike-eman-ta-demonstra-falta-di-vision-y-planificacion-pa-desaroyo-di-san-nicolas%3FItemid%3D101][title=Benny+Nisbet+%28PPA%29%3A+Cu+paso+%26%23039%3Bad+hoc%26%23039%3B+di+Gab+Mike+Eman+ta+demonstra+falta+di+vision+y+planificacion+pa+desaroyo+di+San+Nicolas%21%21][desc=Despues+di+seis+anja+di+gobernacion+%E2%80%A6.cu+eleccion+2017+na+bista%E2%80%A6.derepiente+pueblo+ta+worde+informa+cu+Caya+B+v%2Fd+Zeppenfeldstraat+parti+pabow+lo+worde+drecha+%21+%26amp%3Bnbsp%3BSupuestamente+pa+desaroyo+di+turismo+na+San+Nicolas.+%26amp%3Bnbsp%3BUn+Watertoren+drecha+%E2%80%A6.pa+%26amp%3Bnbsp%3Bsera+pa+dos+anja%E2%80%A6..%21%21+Un+Nicolas+store+den+su+renovacion%E2%80%A6.%21%21+No+comprendemi+robez%E2%80%A6.ambos+tabata+%E2%80%98vision%E2%80%99+di+PPA+%26amp%3Bnbsp%3Bcu+ta+worde+ejecuta+pero+AD+HOC+%21%21+Un+oficina+di+Turismo+cu+casi+no+ta+worde+usa+%E2%80%A6%21%21+Pesey+mes+%26amp%3Bnbsp%3BSEIS+]}
Despues di seis anja di gobernacion ….cu eleccion 2017 na bista….derepiente pueblo ta worde informa cu Caya B v/d Zeppenfeldstraat parti pabow lo worde drecha !  Supuestamente pa desaroyo di turismo na San Nicolas.  Un Watertoren drecha ….pa  sera pa dos anja…..!! Un Nicolas store den su renovacion….!! No comprendemi robez….ambos tabata ‘vision’ di PPA  cu ta worde ejecuta pero AD HOC !! Un oficina di Turismo cu casi no ta worde usa …!! Pesey mes  SEIS anja di gobernacion di AVP ta tras di lomba SEIS anja durante di cual San Nicolas NO a ricibi e atencion cu el a worde priminti…esta San Nicolas….prioridad number UNO !!!

Unda e vision real di AVP ta pa desaroya turismo na San Nicolas ??

PPA ta di opinion cu AVP ta ejecuta  projecto  vision di PPA pero como cu nan no tin un vision pa desaroyo di San Nicolas…..esaki ta sosode AD HOC !! Pesey mes e renovacion di nos Watertoren ….a sosode pero despues nada mas….e ta sera pa casi DOS anja kaba !! Awor nos ta tende cu  B v.d Veen Zeppenfeldstraat lo worde renova…..no kabe duda cu e lo keda bunita ora e termina. Pero asina varios vez cu e ‘caya’ aki a worde renova……semper el a keda bunita pero bashi….casi ni hende local…..corda turista!  

AVP/Ministro Otmar Oduber a parti DIEZ vergunning di TOUR ..pa algun ciudadano pa desaroyo di turismo na San Nicolas….pero casi bo no ta tuma nota cu nan tey …y bo no ta mira turista mes. E unico turista cu ta bishita San Nicolas ta pasobra nan a tende di Charly BAR y ta desea di bishita esaki.   Unda e projeccion di San Nicolas como nos ciudad Caribense a keda ?  Unda e stimulacion di nos pueblo ‘entrepreneur’ di San Nicolas y vecindario  pa participa den esaki a keda…….? Durante eleccion  2013 pueblo por a tende hopi ….despues di eleccion cos a manera muri !!

Kiko mester worde hasi pa desaroyo di San Nicolas como districto cu ta hanja bishita di turista ?

Na prome lugar gobierno mester accepta un vision cu ta basa riba realidad di e historia di San Nicolas. Pa PPA esaki ta ’San Nicolas, Our Caribbean Town’ y kere nos den e aceptacion di e titulo aki tin algo ‘magico’ cu lo juda no San Nicolas so pero henter Aruba !!

Na di dos lugar mester stimula e ‘entrepreneurnan’ di San Nicolas y vecindario pa crea projecto cu ta pas den e ‘vision’ di  ‘San Nicolas, Our Caribbean Town’.

Na di tres lugar mester ejecuta un programa di drecha cierto ‘sitio’ cu ta parti di e historia di San Nicolas  cuminsando cu e ‘Bunker’ na Juana Morto y ta part di historia di San Nicolas…asina tin algun otro sitio na San Nicolas cu por ricibi atencion !!

Na di  cuatro lugar…..crea un movicion di transporte publico cu ta destina pa San Nicolas y por worde reconoci di leeuw……den programa di PPA, PPA a presenta e  ‘streettrolley’ pa Oranjestad y e ‘trolley riba wiel’ pa San Nicolas………bo por imaginabo si bo tin un DIEZ CINCO PA BINTI trolley cu ta busca turista ‘diariamente’ parti pabow….pero nan  TOUR ta inicia pariba di Brug……..(y tur ta bisa…TO SAN NICOLAS….OUR CARIBBENA TOWN) con e bista aki lo cambia Aruba y parti pariba como area turistico ??

Na di cinco lugar…. Naturalmente…..nos vision pa un ‘golfcourse internacional’ combina na djele maximalmente tres hotel di 4/5 streya di cual uno un SPA hotel !! Y drechamento di e actual golfcourse na San Nicolas.

San Nicolas tabata un districto ‘typico’ arubiano……cu cunukero y piscador…!!  San Nicolas a worde escohi pa ‘carga nos pais’ primeramente cu e desaroyo di  phosphaat.  Den e tempo aki  e prome movicion di trece 60 ciudadano for di Corsow y Bonaire pa traha na Aruba a inicia. Depues San Nicolas a bolbe worde escohe pa carga Aruba …..ora a scoge pa usa e ‘haf’ natural di San Nicolas pa desaroyo di un Bunkerhaven despues un refineria…..!! Esaki a trece un movecion jama bisto……un gran parti di trahador di diferente isla den  Caribe a logra hanja trabow den nos refineria y esaki a cambia Aruba y San Nicolas. E 80 anja  di refineria a trece un cambio grandi den nos cultura….Steelband, Calypso Soca, Carnival ‘on di road’ Jouvert morn  y mucho mas desaroyo cultural cu por worde projecta na nos bishitante. Pues  PPA ta kere fielmente den projecta e  ‘Aruba di antano’  pero cu e desaroyo di historia manera el a tuma lugar  y eynan e potencial enorme ta pa Aruba…eynan Aruba y San Nicolas por prepara un sitio mas grandi ainda dentro di e turismo cu ta bai direccion pa Caribe. Aruba por bira un destinacion  cu  jamas  bishitantenan lo keda sin bishita…. Nos Aruba……pero cu nos  desaroyo…..nos  historia……nos cultura….nos diversificacion….anto eyden ….un parti impactante ta e REFINERIA di LAGO, COASTEL, EL PASO, VALERO y su impacte social, economico, cultural.   Dentro di e vision…….’San Nicolas, Our Caribbean Town’ ……nos realidad,….nos historia…..nos desaroyo….nos cultura diversifica lo por worde projecta…den un forma jamas bisto.

Unda e projeccion di nos San Nicolas den e epoca di ‘cunukero y piscador’ ta ?  Unda e projeccion di nos San Nicolas den e epoca di  Phosphaat ta ? Unda e projeccion di nos San Nicolas den e epoca di e Refineria ta ?  Unda e participacion di nos ‘entrepreneur’ di San Nicolas  y vecindario  a keda ?

Como isla cu ta depende di 90 % pa nos desaroyo di turismo….ta solamente un parti chikito di nos districtonan realmente ta beneficia di esaki …esta Oranjestad y Noord grandemente y aki nos ta referi na e desaroyo economico.  Tin espacio pa reparti e benificio commercial-economico  di nos turismo pa mas districto e.o. parti pariba di nos Isla,….unda tambe nos tin nos desaroyo historico como parti di pais Aruba y e producto turistico di Aruba !!  Gab  Mike Eman  den concepto di PPA ta keda  actua  SIN vision real pa desaroyo turistico pariba di Brug y  pa colmo AD HOC !!  PPA lo bin bek riba e materia tan importante aki.


Aruba, 21 di februari 2016                                  Lider Politico di PPA

                                                                                BENNY NISBET

Expresionnan haci den e articulo aki no necesariamente ta refleha opinion di ArenaPoliti.co