{idkey=9267b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2847-evelyn-wever-croes-mep-mientras-gobierno-ta-gaba-cu-a-baha-deficit-financiero-ta-corta-den-cuido-di-nos-hendenan-especial%3FItemid%3D101][title=Evelyn+Wever-Croes+%28MEP%29%3A+Mientras+Gobierno+ta+gaba+cu+a+baha+deficit+financiero%2C+ta+corta+den+cuido+di+nos+hendenan+especial][desc=Ta+kiko+nos+hendenan+especial+a+hasi+e+gobierno+aki%2C+cu+e+gobierno+aki+ta+maltrata+nan+tanto%3F%26amp%3Bnbsp%3BORANJESTAD+%E2%80%93+Lider+di+MEP+Evelyn+Wever-Croes+%26amp%3Bnbsp%3Bden+conferencia+di+prensa+e+siman+aki+a+cuestiona+cu+Gabinete+Mike+Eman+ta+continua+cu+su+prioridadnan+equiboca+den+nos+pais%2C+y+ta+referi+akin+a+e+proyecto+di+Briyo+di+Solo+cu+a+wordo+sacrifice+pa+cumpra+cameranan+di+seguridad.+Briyo+di+Solo+ta+un+facilidad+di+cuido+di+hendenan+especial+na+Piedra+Plat.%E2%80%9CNos+a+tuma+nota+den+medionan+di+comunicaci]}
Ta kiko nos hendenan especial a hasi e gobierno aki, cu e gobierno aki ta maltrata nan tanto? 

ORANJESTAD – Lider di MEP Evelyn Wever-Croes  den conferencia di prensa e siman aki a cuestiona cu Gabinete Mike Eman ta continua cu su prioridadnan equiboca den nos pais, y ta referi akin a e proyecto di Briyo di Solo cu a wordo sacrifice pa cumpra cameranan di seguridad. Briyo di Solo ta un facilidad di cuido di hendenan especial na Piedra Plat.

“Nos a tuma nota den medionan di comunicacion cu gobierno a dicidi di kita 2.8 miyon florin for di un proyecto pa nos personanan special di Briyo di Solo pa instala camara na KIA. Naturalmente nos no ta discuti cu camaranan di seguridad na KIA ta importante. Pero pa cuminsa e suma di 2.8 miyon florin ta hopi halto pa algun camera. Indudablemente nan por haya cameranan menos costoso cu ta hasi e mesun trabou. Ademas, KIA mes tin hopi otro prio0ridad prome cu camera di seguridad, Pero locual mas mi ta cuestiona ta cu e suma aki nan por haya otro caminda”. OTRO FORMA PA HAYA E 2.8 MIYON
Si gobierno manda 2 minister cas, e ta scapa 16 miyon florin. Si e biaha y fiesta menos, y hasi e cantidad di coordinador menos, e ta scapa 50 miyon florin. Dicon gobierno no ta contempla e solucion aki? Dicon gobierno no ta entrega poco di su mesun presupuesto di luho pa cumpra e cameranan di seguridad?

ATROBE TA SACRIFICA ESNAN ESPECIAL
Pa nos e prioridadnan equiboca di gobierno aki ta condenabel pasobra enbes di a saca esaki for di presupuesto mes a opta pa kita e placa aki for di esnan special. Kiko nos hendenan special a hasi pa wordo castiga di e forma aki? Nos a spera cu por lo menos un minister lo a pone e ser humano central specialmente esnan cu limitacion.

CUSTUMBER DI GABIENTE MIKE EMAN
E modus operandi aki di Gabinete Eman ta conosi cana. Mesora cu nan a sinta y a haya e projecto di scol na Noord cla pa wordo ehecuta y tur cos regla, nan a opta pa tuma e placa aki y inyecte den tram mientras Noord a keda sin un scol. Gabinete Mike Eman a dicidi cu Noord no merece di haya un scol, cu nos hobennan no merece di haya un di dos Havo/Vwo pa nan por studia. Gabinete Mike Eman a scohe pa un proyecto fracasa di tram. Nos ta cuestiona esaki, y nos ta lamenta cu un biaha mas Mike Eman y su ministernan ta bira lomba pa pueblo di e forma aki. Ki bal bo bati riba bo pecho cu bo a baha e deficit financiero, sib o ta corta nos hendenan especial ten a nan weso?” lider di MEP a finalisa bisando

Expresionnan haci den e articulo aki no necesariamente ta refleha opinion di ArenaPoliti.co