{idkey=7940b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2869-benny-nisbet-ppa-un-aruba-world-trade-center-lo-crea-otro-pilar-economico-y-lo-produci-cupo-di-trabao-di-calidad%3FItemid%3D101][title=Benny+Nisbet+%28PPA%29%3A+%E2%80%9CUn+Aruba+World+Trade+Center+lo+crea+otro+pilar+economico+y+lo+produci+cupo+di+trabao+di+calidad%E2%80%A6.%21%21%E2%80%9D][desc=Aruba+pa+e+ultimo+60+anja+conoce+nos+turismo+%E2%80%A6inicia+bao+di+e+vision+di+sr.+Juan+E.+Irausquin%2C+q.e.p.d.+%28fundador+di+PPA%29%2C+visionario+di+un+Aruba+moderno+cu+turismo+como+un+pilar+economico.+Desde+1927+Aruba+tabatatin+un+refineria+cu+tabata+sera+e+ultimo+3+anja.+E+pregunta+critico+di+PPA+ta+si+e+gobierno+actual+a+produci+un+of+mas+vision+cu+lo+por+desaroya+su+mes+den+un+of+mas+pilar+economico+den+futuro.+Fuera+di+presta+algun+vision+di+PPA+cu+e+actual+gobierno+no+ta+domina+y+como+tal+durante+se]}
Aruba pa e ultimo 60 anja conoce nos turismo …inicia bao di e vision di sr. Juan E. Irausquin, q.e.p.d. (fundador di PPA), visionario di un Aruba moderno cu turismo como un pilar economico. Desde 1927 Aruba tabatatin un refineria cu tabata sera e ultimo 3 anja. E pregunta critico di PPA ta si e gobierno actual a produci un of mas vision cu lo por desaroya su mes den un of mas pilar economico den futuro.

Fuera di presta algun vision di PPA cu e actual gobierno no ta domina y como tal durante seis anja no por a duna un indicacion fuerte cu e lo por bira un of mas pilar economico nobo cu ta produci cuponan di trabao nobo di un calidad halto.

Projectado for di e programanan economico presenta pa PPA ultimo anjanan nos kier menciona algun cu merece atencion serio pa un gobierno cu realmente cu comprende e ‘vision economico’ su tras.

ARUBA COMO HUB DEN CARIBE !! (Vision di PPA pa e ultimo 30 anja !!)

Hopi a hari y kizas ainda ta hari nos partido PPA, sinembargo nos PPA ta keda tene duro na e vision aki unda Aruba su pueblo y su trahadornan lo por hasi uso di nos talentonan cu ‘dios’ a duna nos pa sirbi varios pais riba diferente tereno pero e tereno principal “International Trade cu e posibilidad pa projecta nan productonan na otro”.

Pa logra esaki PPA durante 1993/1994 a presenta e vision pa muda ‘Containerhaven for di Oranjestad pa Barcadera’ …atrobe PPA a worde hari y puntra si ta loco nos ta….e lo costa mucho placa….lubida !!’ Pero awe un di e partidonan cu a hari nos a ejecuta e vision aki mudando ‘Containerhaven na Barcadera’ esaki lo causa un mudamento di varios negoshi cu ta duna servicio relaciona cu e tereno di ‘Shipping’ na Oranjestad pa Barcadera….tardi of trempan. Esaki lo causa un construccion di otro mundo na Barcadera y un analisis di otro mundo …..kiko mester sosode cu e tantisimo tereno di gobierno y di companianan priva na Oranjestad !! PPA ta keda accentua nos vision cu nos ta jama ‘REACHING FOR THE SKY’ y lo mester ensera construccion di un Aruba World Trade Center. Y no ta por nada cu PPA ta scirbi ultimo tempo riba e vision aki di nos partido….cu e meta cu habri e mentenan pensativo y visionario den nos sociedad y pone nan pensa, analisa, critica y ……..kizas sostene nos vision.

PPA ta kere den un Aruba World Trade Center apesar cu nos ta un isla ‘chikito’, apesar cu Corsow tin un Curacao World Trade Center. PPA ta di opinion cu Aruba tin su propio ‘caracter y imagen den ofrece y ejecuta ‘servicionan’ y cu e formula debido y cu un marketing eficiente e Aruba World Trade Center lo crea cupo di trabao di ‘calidad’ y lo eleva e nivel di servicio cu Aruba conoce te na e momento aki. Un Aruba World Trade Center ta ensera un projecto na prome luga di un ‘real estate’ di nivel halto !! Di un dos hotel minimal acerca cu ta ‘business hotels’ y lo mester ta 5 star hotels den seno di Oranjestad atacha of formando parti di e Aruba World Trade Center. Un esfuerzo excepcional di ‘Private Public Parnership’ lo mester por logra esaki cu lo pone Aruba su ‘imagen’ crece excepcionalmente.

PPA su vision ta ensera: Un Aruba World Trade Center cu lo tin como meta:
“A full facility Trade Center that will offer ALL INTERNATIONAL BUSINESS SERVICES which will make it an advanced business Center & Hotel complex in the Caribbean”.

E totalidad di un Aruba World Trade Center lo ensera:

Un auditoriuim, un Exhibition hall/showrooms, Conference Centers. Meeting centers, Offices, with business services, representacion di cierto departamento di gobierno, DOS business hotels, un shopping center, servicio bancario, servicio Postal, servicio di telecomunicacion, presencia di algun embajada/consulado, servisio legal, servicio di traduccion di idioma, Dining clubs, restaurants, servicio halto di seguridad, limosine service y cu un pilar di ‘Education International’ y e totalidad aki cu un servicio di parkeo (priva ). E PPP lo mester formula officialmente locual mester bira ‘winning horse’ pa nos pueblo di Aruba.

E totalidad aki lo ofrece cuponan di trabao halto na nos studiantenan cu ta regresa despues di a logra nan bachelors/masters/phd riba un diversificacion di tereno !!! Aki ta papia di un pilar economico real pa pais Aruba. E vision no ta facil……pero bisa nos kende….kwa otro partido a presenta un vision di e tamanjo unda realmente como sociedad arubano nos lo ta ‘reach for the sky’….creando un pilar nobo cu cupo di trabow di calidad ? Si tin otro por fabor nos lo kier tende esaki !! Pesey tambe PPA ta keda pidi gobierno di Aruba/parlamento di Aruba/APA NV y pueblo den su totalidad pa frena partimento di e tereno cu a bin liber ….sin cu tin un vision grandi pa e desaroyo di Aruba y nos capital Oranjestad.

Nos vision lo complementa nos turismo arubano, nos vision lo accentua Aruba como destinacion unda tanto International Trade ta posibel, na unda shopping ta worde accentua’ na unda Sun, Sea & Sand ta worde mara na diferente servicio international cuminsando cu International trade. Na unda desaroyo y expancion di educacion na Aruba ta bira posibel, na unda desaroyo di Yachtharbor mara na e Aruba World Trade Center ta hisa Aruba na un nivel jamas bista.

PPA su programanan tin varios otro alternativa basa riba cual Aruba lo por crece den futuro cercano y PP A tin tur intencion di projecta esaki na pueblo di Aruba pasobra SEIS anja largo nada no a tuma lugar cu por crea un otro pilar economico pa pais Aruba !!

Aruba 28 di februari 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co