{idkey=1310b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F292-glenbert-croes-awor-e-sla-duro-pa-nos-pueblo-di-e-medida-di-bbo-azv-ta-dal-riba-pan-gasoline-y-mas-lo-sigi%3FItemid%3D101][title=Glenbert+Croes%3A+Awor+e+sla+duro+pa+nos+pueblo+di+e+medida+di+BBO+AZV+ta+dal+riba+pan%2C+gasoline+y+mas+lo+sigi][desc=No+tin+palabra+pa+describi+e+sentimiento+di+inhusticia+y+impotencia+cu+nos+Pueblo+ta+sinti+awe+1+di+December+cu+e+medida+di+BBO+AZV+ta+drenta+na+vigor+y+IMMEDIATAMENTE+PUEBLO+TA+SINTI+E%26amp%3Bnbsp%3B+SLA+DURO+Y+E+DOLOR+CU+ESAKI+TA+CAUSA.+Panaderonan+ta+aumento+nan+prijsnan+dor+di+BBO+AZV%2C+Gasoline+ta+subi+dor+di+BBO+AZV+mientras+cu+crudo+ta+bahando+mas+cu+nunca.+Na+tur+otro+caminda+unda+Pueblo+ta+cumpra%2C+sea+ta+supermercado%2C+gasoline+station%2C+awa+y+coriente%2C+tienda+di+panja%2C+tur+caminda+a+subi+prijs.+ME]}No tin palabra pa describi e sentimiento di inhusticia y impotencia cu nos Pueblo ta sinti awe 1 di December cu e medida di BBO AZV ta drenta na vigor y IMMEDIATAMENTE PUEBLO TA SINTI E  SLA DURO Y E DOLOR CU ESAKI TA CAUSA.

Panaderonan ta aumento nan prijsnan dor di BBO AZV, Gasoline ta subi dor di BBO AZV mientras cu crudo ta bahando mas cu nunca. Na tur otro caminda unda Pueblo ta cumpra, sea ta supermercado, gasoline station, awa y coriente, tienda di panja, tur caminda a subi prijs. MEP den Parlamento a adverti Gabinete Mike Eman cu BBO AZV ta un MEDIDA ANTI PUEBLO cu lo subi costo di bida drasticamente. E Gobierno di AVP no kier a tende. E Sla duro di  e medida di BBO AZV awor ta birando un realidad y e golpi durisimo pa cartera di tur cuidadano, tur famia, di henter Pueblo ta wordo sinti di biaha.

Con porta cu na e momentonan aki cu crudo ta bahando y ta na prijs mas abao cu nunca, toch gasoline na Aruba so ta subi? Esaki ta dor di e MEDIDA ANTI PUEBLO : BBO AZV. Con por ta riba productonan di prome necesidad manera pan nan prijs ta subi? ? Esaki ta dor di e MEDIDA ANTI PUEBLO : BBO AZV. Con porta cu tur otro producto y servicio full rond di Aruba ta bai subi? ? Esaki ta dor di e MEDIDA ANTI PUEBLO : BBO AZV.

Gobierno kier soluciona su problema financiero su situacion financiero. KEN TA PREOCUPA CU E PROBLEMA FINANCIERO, E SITUACION FINANCIERO DI NOS PUEBLO? GABINETE MIKE EMAN SU MEDIDANAN ANTI-PUEBLO TA KIBRA E CARTERA DI TUR FAMIA NA ARUBA HINKANDO NOS DIGNO PUEBLO DEN HOPI HOPI NECESIDAD COMO SIFUERA CU YA CABA SITUACION NO TA DIFICIL SUFICIENTE?

GABINETE MIKE EMAN TA KERE CU DUNA PUEBLO 100 FLORIN NA REPARATIE TOESLAG Y DESPUES RANKA 300 FLORIN FOR DI CARTERA DI PUEBLO NA MEDIDA MANERA BBO AZV TA BON TRABAO. SIMPLEMENTE NO POR. NOS DIGNO PUEBLO NO TA WANTA MAS.

Mi ta ripiti e mensahe aki na nos Digno Pueblo: SI PUEBLO NO TUMBA E GOBIERNO DI AVP, E GOBIERNO DI AVP TA TUMBA NOS PUEBLO. SI PUEBLO NO TUMBA GABINETE MIKE EMAN, GABINETE MIKE EMAN TA MATA NOS PUEBLO CU MEDIDA. E MEDIDA ANTI PUEBLO DI BBO AZV TA PRUEBA PALPABLE. KIKO MAS MESTER TUMA LUGAR PA NOS REALISA CU AVP CU A ZINK ARUBA NO POR SALBA ARUBA NO POR SALBA NOS PUEBLO. TA MOMENTO DI DECISION PA NOS TUR.

Glenbert F. Croes

Miembro di Parlamento

Fraccion di  MEP

Expresionnan haci den e articulo aki no necesariamente ta refleha opinion di ArenaPoliti.co