{idkey=8155b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2960-gerick-croes-mep-parlamentarionan-di-avp-mester-obliga-minister-sevinger-retira-sino-por-wordo-mira-como-co-culpabel-pa-su-malpracticanan%3FItemid%3D101][title=Gerick+Croes+%28MEP%29%3A+Parlamentarionan+di+AVP+mester+obliga+Minister+Sevinger+retira+sino+por+wordo+mira+como+co-culpabel+pa+su+malpracticanan%21+][desc=Tin+biaha+e+ta+increibel+pa+wak+con+politica+ta+wordo+hiba+na+Aruba+vooral+ora+ta+trata+di+tapa+bo+actonan+cu+ta+contra+principionan+di+bon+gobernacion.+Sigur+akinan+ta+na+unda+e+palabra+integridad+no+ta+existi+den+diccionario+pa+AVP+y+menos+pensa+cu+e+por+wordo+aplica+pa+nan.+AVP+tin+un+track+record+basta+sublime+ora+ta+trata+di+actonan+contra+moral%2C+contra+procedura+cu+hasta+posiblemente+por+wordo+cataloga+como+coruptivo+a+bira+un+parti+rutinario+den+gobernacion+di+AVP.Den+e+seno+di+AVP+ta+par]}Tin biaha e ta increibel pa wak con politica ta wordo hiba na Aruba vooral ora ta trata di tapa bo actonan cu ta contra principionan di bon gobernacion. Sigur akinan ta na unda e palabra integridad no ta existi den diccionario pa AVP y menos pensa cu e por wordo aplica pa nan. AVP tin un track record basta sublime ora ta trata di actonan contra moral, contra procedura cu hasta posiblemente por wordo cataloga como coruptivo a bira un parti rutinario den gobernacion di AVP.

Den e seno di AVP ta parce cu a start cu compania di real estate y ta deal tereno na grandi como sifuera nan mes ta doño di Aruba dictando ken si of no por haya un pida tereno. Mescos cu nan ta aplica "partijdiploma" pa por haya trabou ta aplica e "greencard" den e caso aki pa bini na remarca pa haya tereno. Tin diferente actonan di Minister Sevinger y diferente veredicto di hues contra e Minister en cuestion cual ta señala su malpracticanan y su eror na basha firma pa loco pa  a) cambia destino di terenonan di un propiedad di un cas pa un hotel, b) cambia destinacion di un tereno pa vivienda pa uso commercial, c) otorga tereno na tiponan manera Rincon y deal cu nan, d)  hunga cu balornan di propiedad, e) duna minister tereno den apenas paar di dia. Pa colmo awor a resulta tambe cu parlamentarionan tambe ta sigurando nan mes prome cu nan bai cas ta pidi tereno pa hasi negoshi cune! E parti tristo di henter e asunto aki ta cu nos por a comprende cu e ultimo 6 aña di Gabinete Eman a registra 11 mil hende pa un tereno na DIP. Tin persona cu a hasi un aanvraag for di aña 2004 y te dia di awe nunca a haya un pida tereno pa traha nan humilde hogar mientras den AVP tur dia tin fiesta cu tereno sea cu narconan  (caso Rincon) of miembronan di AVP. 

Pueblo mester reflexiona cu cualkier parlamentario cu concientemente ta sostene e fechorianan aki ta mesun co-culpabel cu nan coleganan pa actua contra ley...... y nan mester bai cas! Si di berdad bo ta para pa principio nos ta reta boso pa jama e Minister aki den sala di Parlamento y oblige di tuma su retiro sino bo ta manda e mensahe na pueblo cubo tambe indirectamente ta complice di e Minister Sevinger cual actonan ya caba den pasado a wordo categoriza pa attacha nos estado di derecho segun expression hasi door di Hues! Pesei nos ta ripiti si como representante di pueblo bo no reacciona y para e malpractica aki bo ta mesun culpabel y kinan ta unda pueblo mester saca su conclusion cu AVP completo mester bai cas!

Expresionnan haci den e articulo aki no necesariamente ta refleha opinion di ArenaPoliti.co