{idkey=8656b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2909-dangui-oduber-mep-con-melvin-tromp-por-haya-un-tereno-na-anja-1996-for-di-charro-kelly-si-charro-kelly-tawata-minister-te-cu-anja-1993%3FItemid%3D101][title=Dangui+Oduber+%28MEP%29%3A+Con+Melvin+Tromp+por+haya+un+tereno+na+anja+1996+for+di+Charro+Kelly+si+Charro+Kelly+tawata+minister+te+cu+anja+1993%21][desc=Un+biaha+mas+parlamentario+Melvin+Tromp+ta+demostra+pakiko+e+no+mester+ta+den+Parlamento+di+Aruba.+E+ta+un+berguena+no+solamente+pa+su+mes+sino+pa+henter+nos+Parlamento+di+Aruba.+Recientemente+Melvin+Tromp+a+bn+duna+cuenta+riba+un+tereno+of+terenonan+cu+e+lo+a+haya+for+di+minister+Benny+Sevinger.+Segun+Tromp+e+la+haya+su+tereno+for+di+diputado+Charro+Kelly+na+anja+1996.+Segn+e%2C+e+la+haci+su+peticion+na+anja+1995+y+na+anja+1996+su+akte+a+pasa+notario.+Na+momento+cu+un+personan+asina+aki+ta+sinta+]}
Un biaha mas parlamentario Melvin Tromp ta demostra pakiko e no mester ta den Parlamento di Aruba. E ta un berguena no solamente pa su mes sino pa henter nos Parlamento di Aruba. Recientemente Melvin Tromp a bn duna cuenta riba un tereno of terenonan cu e lo a haya for di minister Benny Sevinger. Segun Tromp e la haya su tereno for di diputado Charro Kelly na anja 1996. Segn e, e la haci su peticion na anja 1995 y na anja 1996 su akte a pasa notario. Na momento cu un personan asina aki ta sinta den parlamento anto e ora no ta stranjo nos den ki situacion pais Aruba ta na e momentonan aki.

Mi ta kere sigur or abo ta representa pueblo bo debe y obligacion ta pa informa nos pueblo correctamente sin tin mester di ganja. Un biaha ta wordo proba con parlamentarionan a perde gevoel, perde memoria y ganja pueblo manera nos pueblo no conoce historia di su pais. Un mentira manera esun di Melvin Tromp mester wordo corregi. Na promer lugar desde anja 1986 nos pais no conoce diputado mas sino minister. Esaki ta e promer strike caba pa Melvin Tromp. E di dos strike ta cu Charro Kelly a fungi como minister di infrastructura durante e promer gabinete Oduber 1 di anja 1989 pa anja 1993. Di anja 1993 pa anja 1994 a fungi como minister di infrastructura Tinchi Flanegin. Awor di unda Melvin Tromp a saca cu Charro Kelly lo a dune un tereno na anja 1996 mi no sa pasobra na anja 1996 NO solamente Charro Kelly no tawata minister mas sino e no tatwta ni den politica activo mas. Ta un berguenza pa un miembro di parlamento no conoce historia di su pais. Ta un berguenza cu un miembro di parlamento no conoce su leynan y tampoco structura estatal di su pais.

E por bai serca Mike Eman y laga Mike splike e historia politico na Aruba. Na 1996 ta awe defunto Watty Vos lo a dune tereno. Stranjo si ta cu casi 20 anja despues ainda e no a hasi nada cu e tereno! Conseho na e parlamentario! Busca pa conoce e historia politico di bo pais prome cu reacciona cu trocemento of ganjamento!

Berguenza un hende asina mester tin cu segun e, e tin un tereno di anja 1996 anto ainda e no a construi un cas anto tin un lista di espera di 11.000 persona pa por haya un pida tereno pa traha cas! Su tereno di mas cu 600 m2 situa na Palm Beach ta yena cu hubada, mata y no tin ni 1 blokki poni riba e tereno aki. Nos tin cu puntra nos mes, pakiko e la pidi e tereno aki anto? E lo kier bende esaki? E lo cambia destinacion di tereno residencial pa uno commercial? Dikon 20 anja a pasa y ainda no a contrui un cas riba e treno aki mientras ta strobando otro cu si kier construi Un hende ta haya un tereno di gobierno y despues di 20 anja ainda no a haci nada cune mester entrega esaki bek. Pueblo ta exigi di Melvin Tromp pa e entrega e tereno aki mirando cu toch e no a haci nada y no lo bai haci nada cune. Mas bien e la strobe un otro famia di haya un tereno pa contrui un cas.

E ta bruha fecha,autoridad,uso,inteligencia,justicia,decencia,dignidad,responsabilidad i persona! Waw,ni sikiera riba un amigo e por a corda? Esaki ta e elementonan cu a destrui nos pais, esaki ta e elementonan cu a vota na fabor pa castiga pueblo cu medida. Esaki ta esnan cu ta aproba y ta parti di e fiesta cu pueblo tin cu paga!

Expresionnan haci den e articulo aki no necesariamente ta refleha opinion di ArenaPoliti.co