{idkey=4870b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3103-dangui-oduber-mep-melvin-tromp-tambe-ta-un-di-esnan-cu-ta-haci-negoshi-cu-patrimonio-di-pueblo-pa-enriquece-su-mes%3FItemid%3D101][title=Dangui+Oduber+%28MEP%29%3A+Melvin+Tromp+tambe+ta+un+di+esnan+cu+ta+haci+negoshi+cu+patrimonio+di+pueblo+pa+enriquece+su+mes%21+][desc=Parlamentario+Melvin+Tromp+te+di+awe+ta+hopi+keto+riba+su+bendemento+di+tereno.+Un+hende+cu+a+haya+un+tereno+den+e+area+di+Palm+Beach+y+tin+e+tereno+aki+pa+mas+cu+20+anja+y+pa+20+anja+no+a+desaroya+esaki.+Berguenza+un+hende+asina+mester+tin+cu+segun+e%2C+e+tin+un+tereno+di+anja+1996+anto+ainda+e+no+a+construi+un+cas+anto+tin+un+lista+di+espera+di+11.000+persona+pa+por+haya+un+pida+tereno+pa+traha+cas%21+Su+tereno+di+mas+cu+600+m2+situa+na+Palm+Beach+ta+yena+cu+hubada%2C+mata+y+no+tin+ni+1+blokki+poni+]}
Parlamentario Melvin Tromp te di awe ta hopi keto riba su bendemento di tereno. Un hende cu a haya un tereno den e area di Palm Beach y tin e tereno aki pa mas cu 20 anja y pa 20 anja no a desaroya esaki.

Berguenza un hende asina mester tin cu segun e, e tin un tereno di anja 1996 anto ainda e no a construi un cas anto tin un lista di espera di 11.000 persona pa por haya un pida tereno pa traha cas! Su tereno di mas cu 600 m2 situa na Palm Beach ta yena cu hubada, mata y no tin ni 1 blokki poni riba e tereno aki. Un hende ta haya un tereno di gobierno y despues di 20 anja ainda no a haci nada cune mester entrega esaki bek. Pueblo ta exigi di Melvin Tromp pa e entrega e tereno aki mirando cu toch e no a haci nada y no lo bai haci nada cune. Mas bien e la stroba un otro famia di haya un tereno pa contrui un cas.  Na varios occasion Melvin Tromp a desmenti cu lo a pone su tereno na benta of lo kier a bende esaki. E la bin cu yen storia bruha manera un persona manera e so por haci. Un hende bruha manera Tromp so por papia cosnan sin pia y sin cabez manera Tromp. Segun e, e tereno lo tawata pa un di su yuinan. Despues e mes a cambia version y bisa cu e tereno lo ta destina pa lanta un negoshi pero kiko ta resulta, e tereno aki a wordo bendi cu un grupo pa desaroya un condominium. Awor ta keda na Melvin Tromp pa duna pueblo splicacion cuanto placa e la pidi pa e tereno aki? Ta keda na e pa splica pueblo dikon e ta haci negoshi cu patrimonio di pueblo? E mester splica pueblo si ta etico pa un parlamentario ta haya un tereno pa construi un cas ta bira haci negoshi cu esaki pa yena su propio saco. Esaki ta e hendenan sin moral cu ta den parlamento cu e unico meta pa defende nan gobierno ten a morto y busca tur manera con pa yena nan mesun saco. Un hende manera Melvin Tromp mester entrega su retiro no solamente pasobra e ta un berguenza pa parlamento di Aruba sino pasobra e ta haci negoshi cu patrimonio di pueblo.

Net un hende cu semper a lastra tur integrante di MEP, net un hende cu ta insulta tur hende di MEP awe ta haci cosnan di sinberguenza. Hopi curashi un hende asina mester tin pa lanza acusacionan contra hende di MEP si mira kiko e mes ta haci. Loke Melvin Tromp a haci ta condenabel y te dia di awe pueblo ta wardando un splicacion pakiko e tawata tin un tereno pa mas cu 20 anja y pakiko e no a construi un cas y pa kiko e la bende esaki.

Nos ta lamenta profundamente cu un miembro di parlamento ta haci e actonan aki y tambe cu e no kier ta trasnparente y duna pueblo cara y splica cuanto placa e la bende su tereno. E tipo di abusonan aki cu tereno di pueblo mester caba. Na momento cu un persona ta haya un tereno ta sea pa e construi un cas of e desaroya esaki comercialmente cual den e gobierno aki no ta pasando. Den e gobierno aki te hasta terenonan residencial ta wordo poni na benta manera Melvin Tromp a haci sin papia di amigonan di benny Sevinger cu ta haciendo fiesta cu patrimonio di pueblo!

Expresionnan haci den e articulo aki no necesariamente ta refleha opinion di ArenaPoliti.co