{idkey=1444b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2987-dangui-oduber-mep-e-problemanan-social-na-aruba-a-sali-for-di-man-sinta-den-cocolishi-gobierno-no-ta-sinti-dolornan-di-pueblo%3FItemid%3D101][title=Dangui+Oduber+%28MEP%29%3A+E+problemanan+social+na+Aruba+a+sali+for+di+man%21+Sinta+den+Cocolishi+gobierno+NO+ta+sinti+dolornan+di+pueblo][desc=E+problemanan+social+na+Aruba+ta+hopi+serio.+No+solamente+e+desmpleo+ta+hopi+halto+pero+e+pobreza+na+Aruba+ta+crecente.+E+salario+pa+gran+mayoria+di+nos+pueblo+no+ta+yega+pa+por+cumpli+cu+nan+obligacionan+mensual.+Hopi+ta+e+famianan+cu+ta+biba+na+Aruba+go+ta+biba+di+paycheck+pa+paycheck.+Gobierno+no+a+atende+cu+e+costo+di+bida+e+ultimo+6+anja+y+mei+nan.+Nan+a+pone+diferente+otro+prioridad+y+a+neglisha+e+ser+humano%2C+nan+a+negslisha+e+problema+real+di+nos+pais.+Ningun+momento+a+pensa+con+ta+mehora]}
E problemanan social na Aruba ta hopi serio. No solamente e desmpleo ta hopi halto pero e pobreza na Aruba ta crecente. E salario pa gran mayoria di nos pueblo no ta yega pa por cumpli cu nan obligacionan mensual. Hopi ta e famianan cu ta biba na Aruba go ta biba di paycheck pa paycheck. Gobierno no a atende cu e costo di bida e ultimo 6 anja y mei nan. Nan a pone diferente otro prioridad y a neglisha e ser humano, nan a negslisha e problema real di nos pais. Ningun momento a pensa con ta mehora e poder di compra, no a pensa con ta combati pobreza cual ta probleman hopi serio cu ta afectando nos comunidad. E desempleo bao di hobenan actual na Aruba ta riba 20%. Tin un problema hopi grandi na e momentonan akin a Aruba. No solamente hobenan no por haya trabou pero mirando cu gobierno a cambia e ley y obliga tur hende traha te cu 65 anja e problema ta bira aun mas grandi y serio pa nos hobenan. No solamente esnan cu ta Aruba pero esnan cu ta bai studia afor pa duna un contribucion na nan pais. Unda tin trabou pa nan, con tin vacature nan ta bai habri si desde anja oasa tur hende tin cu traha te cu 65 anja. Tur e vacaturenan cu lo mester a habri na momento cu un personan lo a cumpli 60 anja no lo habri mas. Tur e vacaturanan aki lo keda ocupa pa 5 anja mes. Gobierno mes no sa ki efecto negative esaki tin riba economia di Aruba. E ta un problema hopi serio cu mester atencion.

Den e ultimo lunanan aki tawata tin no menos cu 4 asesinato. Un di e casonan tawata uno hopi particular di un hoben di apenas 22 anja cu a wordo tira mata na Noord. Algun dia promer cu e hoben aki a ser mata tawata tin un video di dje ta circula riba rednan social caminda tawata burla di e hoben. Esaki ta un ehempel bibo con nos systema a faya. E systema na Aruba actual no ta funcionando y e ta bisto den e communidad. No tin regla, ministernan mes no ta respeta ley, ministernan no ta respeta ni sentencia di huez y esaki ta wordo refleha den nos sociedad. Tur instancia tawata sa cu e hoben aki tawata tin su problemanan y ningun instancia a actua. Ningun isntancia a saca un man pa atende cu e hoben en cuestion. Nunca mester a yega asina lew cu su bida a wordo kita. Tur hende tin derecho riba un bida husto riba e pais aki. Na momento cu un persona den sociedad tin problema gobierno mester atende cu esaki. Esaki sigur tawata un bida cu por a wordo scapa pero gobierno no tin maneho y mucho menos atencion pa problemanan real di nos pais. Den fin di siman tawata tin otro caso di drive by shooting.

Gobierno mester stop di pretende cu nos ta bibando riba un pais di 5 strea. Mester stop di pone pueblo biba den un enganjo pasobra e bida real na Aruba NO ta nada facil. Den Cocolishi caminda nan ta sinta nunca nan por sinti e dolor cu pueblo ta sinti. Nunca nan por sinti kiko e ta ora un famia no tin placa pa paga awa, ora un famia no tin placa pa paga coriente, ora un persona mester haci 2 trabou pa cubri su gastonan. Esaki ta e dolornan cu tur dia ta wordo ventila den pueblo y gobierno ta ignorante pa e problemanan aki. Ki bal bo ta construi un caminda di 300 miyon florin y bo pueblo ta pasa hamber. E ser humano mester ta central den maneho di cuelkier gobierno. E meta pa sirbi pa pueblo ta pa traha na biniestra di pueblo. Biniestar kiermen duna pueblo un empleo cu e por cria su famia, crea empleonan cu ta paga bon y duna pueblo un perspectiva riba un mihor bida. Ta un desapunto loke a sosode e ultimo anjanan aki na Aruba. Nos pais ta bibando den miseria y e cambio mester bin. Aruba no por mas cu e gobierno aki, no por sigui di e manera aki caminda gobernantenan a bira ciego, sordo y ignorante pa e dolornan di pueblo. Nan a haya nan chance y mira kiko nan a haci cune!

Expresionnan haci den e articulo aki no necesariamente ta refleha opinion di ArenaPoliti.co