{idkey=1514b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2986-mep-contribucion-di-e-emannan-y-avp-na-e-logro-di-status-aparte-tabata-nul-komma-nul%3FItemid%3D101][title=MEP%3A+Contribucion+di+e+Emannan+y+AVP+na+e+logro+di+Status+Aparte+tabata+NUL+KOMMA+NUL][desc=Partido+AVP+ta+sigui+cu+su+falsificacion+di+historia%21%26amp%3Bnbsp%3BTur+18+di+Maart%2C+nos+dia+Nacional%2C+%26amp%3Bnbsp%3Bnos+ta+conmemora+e+hecho+cu+dia+18+di+Maart+1976+nos+a+inaugura+nos+Himno+y+Bandera+e+tempo+ey+den+Wilhelminastadion.+Tambe+nos+a+celebra+e+a%C3%B1a+aki+30+a%C3%B1a+di+nos+Status+Aparte+y+40+a%C3%B1a+di+Himno+y+Bandera.+Nos+a+ripara+siman+pasa+cu+atrobe+AVP+kier+falsifica+historia%2C+unda+cu+nan+no+a+logra+nada+y+ta+haci+como+si+fuera+Status+Aparte+y+Himno+y+Bandera+ta+di+sr.+Shon+A.+Eman.+Ni+pa+Status+Aparte%2C+]}
Partido AVP ta sigui cu su falsificacion di historia! 

Tur 18 di Maart, nos dia Nacional,  nos ta conmemora e hecho cu dia 18 di Maart 1976 nos a inaugura nos Himno y Bandera e tempo ey den Wilhelminastadion. Tambe nos a celebra e aña aki 30 aña di nos Status Aparte y 40 aña di Himno y Bandera. Nos a ripara siman pasa cu atrobe AVP kier falsifica historia, unda cu nan no a logra nada y ta haci como si fuera Status Aparte y Himno y Bandera ta di sr. Shon A. Eman. Ni pa Status Aparte, corda pa e Himno y Bandera y nos dia Nacional,  e Emannan a contribui cu  nada, pero absolutamente nada. Nos Libertador Betico Croes a hipoteca su cas, dak ariba cabes di su yiunan, pa asina nos a haña nos bandera. Ningun Eman a haci esaki. Nan unico habilidad ta – fuera di no paga Interbank - pa hipoteca e futuro generacionnan cu un debe di mas cu 6 biyon florin.

Historia ta bisa cu na 1948 Shon A Eman a tuma 2.157 Arubiano haci, di entrega un mocion na Hulanda, pero no a dunele contenido, mihor bisa no a haci algo cune.  Henny Eman a grita pa Separacion, pero no tabata tin ningun habilidad pa saca nos isla for di Antiyas Hulandes. Ni Henny Eman  ni Shon A. Eman tin ningun contribucion na nos actual Status Aparte logra na Conferencia di Mesa Rondo na Maart 1983 - nan no tabata ni na bida mas! - y menos ningun contribucion, participacion pa yega na nos Himno y Bandera. Pues di unda a sali cu Henny, Shon A Eman a logra Status Aparte ? Ta un locura, un falsificacion di nos historia.

Emannan tuma cabez abao
Nan a papia di dje, pero no a dune contenido y no tabata tin e sosten. Colecta firma, grita pa Separacion, entrega mocion no ta duna bo ningun derecho pa awe AVP pretende cu ta nan a haci locual nan no por a logra. E wega aki tin cu caba. Stop di gaña na television, radio y corant. E ta duro bisa, pero asina ta. Stop di manipula, rebiba 8–8, 12-8, Plan van Poelje, Interimregeling etc. E 2.157 firmanan segun Juancho Irausquin q.e.p.d. den su declaracion e tempo ey - skirbi den e buki di Annemarie Kasteel - famia Eman a traiciona nos pueblo. Con por honra traicion?

Nos di MEP ta reconoce cu den pasado AVP a purba, pero Dr. Da Costa Gomez q.e.p.d. tabata mas inteligente cu nan y a tuma e Emannan tur cabez abao.

Un strategia sublime Betico Croes a usa pa loke ta e reconocimento di e derecho di auto determinacion pa den un fase transitorio haña Status Aparte, pa despues bira independiente den un Man comunidad sui generis na 1996. Betico Croes tabata sa cu Hulanda no kier a deal cu 6 isla, pero cu un identidad. No ta pornada Hulanda kier a spanta nos cu e fecha di independencia pa nos nenga e Status Aparte. Pero nos a acepta e reto. E habilidadnan pa negocia ta un estadista di taya, manera Betico Croes so por a haci’e y logra pa nos e Status Aparte.

Ni na 1976, ni na e prome Conferencia di Mesa Rondo na 1981 y esun di Maart 1983, Henny ni Shon A Eman tabata presente. Ta con nan por a haci algo anto?

AVP a vota contra himno y bandera
Na e Conferencia di Mesa Rondo di 1981 y 1983 AVP no hunga ningun rol di importancia. MEP a prepara e introduccion den Eilandsraad di Aruba y a base di esaki nos a negocia. AVP a sostene Antiyas pa Aruba keda cu e mesun florin Antiyano, cu Banco Central di Antiyas y sin separacion di bienes, mescos cu nan a vota contra nos himno, bandera, moneda y nos propio Banco Central. Tanto bal nan tabata tey of laga di tey, AVP no a hunga ningun rol den e logro di Status Aparte. Hasta na 1977 dia 25 di Maart cu a tene referendum, AVP a bisa nan hendenan pa bay lama haci barbecue y no bay vota.

Nos di MEP a harta caba di e falsificacion di historia y gañamento di AVP. E ta un ofensa pa nos inteligencia si malinforma pueblo. Nos Arubianonan nunca lo por confia AVP cu nos structura estatal. Una vez traidor, semper traidor!

Pa no lubida, na 2000/2001 AVP hunto cu CDA a trata na traiciona nos pueblo cu UPG, pa nos entrega totalmente nos autonomia. Y awe na 2016 nan kier bolbe saca e spirito di UPG for di kashi pa bende nos pais cu Europa. AVP nunca ta di confia cu nos structura Estatal.

Expresionnan haci den e articulo aki no necesariamente ta refleha opinion di ArenaPoliti.co