{idkey=9869b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3288-pdr-andin-bikker-ta-bolbe-enfatiza-riba-importancia-di-un-corte-constitucional%3FItemid%3D101][title=PDR%3A+Andin+Bikker+ta+bolbe+enfatiza+riba+importancia+di+un+Corte+Constitucional][desc=Den+rueda+di+prensa+di+Partido+Democracia+Real+Andin+Bikker+a+informa+tocante+un+concepto+of+ley+di+iniciativa%2C+pa+bin+cu+un+Corte+Constitucional+pa+Aruba+cu+a+ser+presenta+na+Parlamento+y+cu+Raad+%26amp%3Bnbsp%3Bvan+Advies+ta+para+100%25+su+tras.Andin+Bikker%2C+parlamentario+y+lider+di+fraccion+%26amp%3Bnbsp%3Ba+bisa+cu+Raad+van+Advies+a+sigui+su+conseho%2C+y+a+bisa+cu+berdad+a+bira+tempo+pa+Aruba+haya+un+Corte+Constitucional.Andin+Bikker+a+splica+cu+ya+caba+dia+26+di+Mei+2015+via+un+Conseho+di+Resolucion+aproba+pa+tur+]}
Den rueda di prensa di Partido Democracia Real Andin Bikker a informa tocante un concepto of ley di iniciativa, pa bin cu un Corte Constitucional pa Aruba cu a ser presenta na Parlamento y cu Raad  van Advies ta para 100% su tras.

Andin Bikker, parlamentario y lider di fraccion  a bisa cu Raad van Advies a sigui su conseho, y a bisa cu berdad a bira tempo pa Aruba haya un Corte Constitucional.

Andin Bikker a splica cu ya caba dia 26 di Mei 2015 via un Conseho di Resolucion aproba pa tur e parti Caribense di Reino: Aruba, Curacao y Sint Maarten pa mas pronto posible bin cu un reunion urgente di tur e Parlamentonan pa nan sigui delibera riba e Corte Constitucional aki.

“E importancia di un Corte Constitucional ta cu ora Parlamento pasa leynan of ministernan ta bin cu decretonan, hopi biaha pa motibo cu nos ta unicamara, leynan ta pasa, tin biaha comunidad y comercio sa rabia puntra di con e ley ey a pasa?

El a reitera cu enfasis cu pasobra tin un gabinete si un signature so, hopi biaha kico cu un minister presenta e ta wordo aproba. Bikker ta bisa cu un Corte Constitucional mester bin pa proteha nos pueblo di leynan cu ta hopi bon pa un rato so ora ta ser presenta den campanja cune, pero cu na final di dia no ta prevalece of no ta cumbini pa nos pueblo.

“PDR ta conoci como un fraccion cu no ta papia so, pero cu tin e habilidad pa traha conceptonan di ley y amiendanan. PDR tin centenares di amienda na su nomber, y siman pasa a presenta dos amienda cu a traha riba nan durante reunionnan intensivo cu representantenan di Parlamentonan di Sint Maarten y Curacao riba e tematica di geschillen regeling” segun Andin Bikker a bisa. Geschillen regeling ta cu nos kier un Corte Supra-Constitucional, pa ora e paisnan diferencia di opinion. Bikker a bolbe menciona tempo cu na 2014 a wak Prome Minister Eman diferencia asina tanto di opinion cu el a dicidi di bay campa dilanti Gobernador, pues bo ta crea un Corte asina pa ora paisnan tin diferencia di opinion. Pero di suma importancia ta cu ora bo ta bin cu decreto of bo ta bin cu leynan cu ta bay afecta bo pueblo y cu no tin un di dos organo pa revisa nan wak si nan ta cumpli cu nos Constitucion ta di suma importante pa traha riba geschillen regeling.

Corte Constitucional ta funciona bon na Sint Maarten y tambe na Alemania, etc. “Pero nos concepto ta un di dos organo pa revisa ley y decretonan pero tambe e dimension nobo cu noa kier bin cune. Esun di Sint Maarten solamente ta revisa ordenanzanan cu ta leynan cu no a bin na vigor ainda y cu nan ta wak si nan ta cumpli cu e Constitucion”.

E concepto pa nos ta pa amplie tambe pa decretonan, pasobra hopi ley awendia, aunke hopi hende no ta realiza esaki, ta kader wetten, practicamente un bachi anto e minister ta bay yene cu decretonan LBHAM anto e ora hopi di e contenido mes di e ley, no ta bin Parlamento, solamente pa drumi dos siman y that’s it y no ta bin reunion publico, segun Bikker.

Expresionnan haci den e articulo aki no necesariamente ta refleha opinion di ArenaPoliti.co