{idkey=4934b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3472-dangui-oduber-mep-otmar-no-solamente-kier-dicta-riba-vergunning-di-hotelnan-sino-awo-ta-dicta-riba-vergunning-di-taxistanan-tambe%3FItemid%3D101][title=Dangui+Oduber+%28MEP%29%3A+Otmar+no+solamente+kier+dicta+riba+vergunning+di+hotelnan+sino+awo+ta+dicta+riba+vergunning+di+Taxistanan+tambe%21][desc=E+paais+aki+dia+pa+dia+ta+birando+boca+abou.+Tin+un+discusion+andando+pa+regulacion+di+hotelnan+All+Inclusive.+Nos+ta+kere+cu+mester+frena+e+fenomeno+di+hotelnan+All+Inclusive+pero+por+haci+esaki+sin+cu+mester+mishi+cu+e+vergunning+di+hotelnan.+Tin+varios+otro+manera+pa+regla+esaki+pero+mester+tin+e+boluntad+pa+haci+esaki.+Nos+tampoco+kier+pa+nos+pais+wordo+converti+den+un+All+Inclusive+destination.+Nos+tawata+contra+esaki+den+pasado+y+nos+ta+mantene+e+mesun+pensamento+y+nos+ta+kere+tambe+loke+t]}
E paais aki dia pa dia ta birando boca abou. Tin un discusion andando pa regulacion di hotelnan All Inclusive. Nos ta kere cu mester frena e fenomeno di hotelnan All Inclusive pero por haci esaki sin cu mester mishi cu e vergunning di hotelnan. Tin varios otro manera pa regla esaki pero mester tin e boluntad pa haci esaki. Nos tampoco kier pa nos pais wordo converti den un All Inclusive destination. Nos tawata contra esaki den pasado y nos ta mantene e mesun pensamento y nos ta kere tambe loke tin actual ta suficiente.

Pa nos gran sorpresa Otmar Oduber no kier dicta solamente cu vergunning di hotelnan sino awor e kier dicta y mete tambe cu vergunning di Taxistanan. E argumento cu e minister a usa pa trece cambio ta pa motibonan di di seguridad y pa eleva e calidad. Cu otro palabra e kiermen cu turistanan ta sinti nan mes insigur cu e taxistanan actual y e taxistanan actual ta ofrece un calidad inferior di servicio. Esta un insulto pa hendenan cu ta traha dia anochi pa por duna e mihor servicio posibel na nos turistanan. Nos ta condena esaki energicamente y Otmar Oduber mester pidi un disculpa publico na TUR taxista pa expresa su mes y pone esaki riba papel. Pa usa e taxisatan pa logra su meta di regula All Inclusive si taxistanan ta bon pero awor e mes ta lastra tur taxistanan y bisanan cu nan calidad ta inferior.

Esaki ta loke e la pone den su MB:

‘’ Dat om veiligheidsredenen en met oog op verhoging van het kwaliteit en betrouwbaarheid van het personenvervoer’’

Sin consulta cu taxistanan e la tuma decision cu e, unilateralmente ta cambia e TX vergunning. Na e momentonan aki un taxista ta haya su TX vergunning y ora e bira malo e mes por scohe su hulp chauffeur. Normalmente e ta scohe un familiar of un hende di confianza. Awor Otmar Oduber ta cambia esaki y e ta bai dicidi a base di un lista cu e tin, kende lo bira hulp chauffeur na momento cu un taxista ta malo of no por corre pa un of otro motibo. Taxistanan ta contra esaki pasobra nan ta kere si algo a funciona pa decadanan largo pakiko mester trece cambio awor aki. Loke tambe Otmar Oduber kier cambia ta cu un taxista NO por pasa su vergunning mas pa un familiar of pa ningun otro persona. Tur peticion cu wordo haci pa e taxista pa pasa su vergunning pa un otro persona lo wordo rechasa.

Pa tur taxista ta bon informa tocante e cambio dictatorial cu Otmar Oduber kier haci mi ta pone e cambio:

‘’ Alleverzoeken om overschrijving van eenvergunning op naam van eenander, ook al zijnde een lid van het gezin zo als bedoeld in artikel 15 lid 1 van de landsverordening personen vervoer zullen worden afgewezen.
Tur peticion pa pasa un permiso ” taxi ” ariba nomber di un otro persona, aunke e ta forma parti di e famia manera stipula den articulo 15 paragrafo 1 di e landsverordening personen vervoer lo worde rechasa’’

Ora un taxista fayece of no por corre taxi mas anteriormente e lo por a pasa su vergunning pa un familiar . awor cu e decision di Otmar Oduber esaki no ta posibel mas sino e vergunning ta bai bek den man di gobierno y Otmar Oduber lo dicidi e ora kende e lo duna. Awor cu eleccion 2017 ta den porta y e la priminti un cantidad di hende vergunning di taxi ta corre haci e cambio aki pa acomoda su hendenan lubidando cuanto e ta bai perhudica.

E mensahe cu nos ta manda pa TUR taxista ta: Nos di MEP NO lo mishi cu e TX vergunning y si en caso Otmar Oduber insisti den cambia esaki NOS LO CAMBIA ESAKI BEK manera e tawata semper y manera e la funciona semper.

Expresionnan haci den e articulo aki no necesariamente ta refleha opinion di ArenaPoliti.co