{idkey=2066b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3490-ministerio-di-turismo-gobierno-ta-premira-un-total-di-entre-60-pa-80-mil-venezolano-menos-den-ana-2016%3FItemid%3D101][title=Ministerio+di+Turismo%3A+Gobierno+ta+premira+un+total+di+entre+60+pa+80+mil+Venezolano+menos+den+a%C3%B1a+2016][desc=November+a%C3%B1a+pasa+oficina+di+turismo+a+organisa+un+encuentro+cu+un+orador+cu+amplio+experticio+pa+comparti+%26amp%3Bnbsp%3Bcu+tur+e+stakeholdernan+e+ultimo+desaroyonan+riba+nivel+politico+y+social+cu+ta+tumando+luga+na+nos+pais+bisi%C3%B1a+Venezuela+y+ki+efectonan+esaki+lo+por+tin+pa+nos+isla.+e+di+dos+mercado+fuerte+turisticamente+pa+Aruba+ta+e+mercado+di+Venezuela+y+mirando+e+desaroyonan+cu+ta+tumando+luga+esaki+sigur+tin+su+impacto+directo.+Mirando+cu+6+luna+a+pasa+ATA+a+mira+e+necesidad+di+haci+un+follow]}
November aña pasa oficina di turismo a organisa un encuentro cu un orador cu amplio experticio pa comparti  cu tur e stakeholdernan e ultimo desaroyonan riba nivel politico y social cu ta tumando luga na nos pais bisiña Venezuela y ki efectonan esaki lo por tin pa nos isla. e di dos mercado fuerte turisticamente pa Aruba ta e mercado di Venezuela y mirando e desaroyonan cu ta tumando luga esaki sigur tin su impacto directo. Mirando cu 6 luna a pasa ATA a mira e necesidad di haci un follow-up y a invita e mesun orador un biaha mas. Minister Otmar Oduber tabata invita pa presencia e sesion aki. E mandatario ta indica cu Gobierno di Aruba sigur a bin ta monitoria e desaroyo di Venezuela di cerca. Ainda ta fresco den nos memoria e fenomeno di turistanan Venezolano cu ta bin Aruba pa bay cu dollar bek. Minister Oduber ta splica cu ya caba ta sinti un cambio na momento cu na Venezuela riba mercado preto dollar tabata bal rond di mil bolivar y riba e mercado oficial rond di 15 bolivar, 2 luna y mey pasa Gobierno di Venezuela a stipula esaki casi na 500. Cu e cambio aki ta haci e situacion pa esunnan cu tabata biaha bin Aruba pa raspa carchi of haci nan compra y benta pa por bay cu dollar, uno hopi dificil. Sr. Oduber ta indica di a menciona esaki algun luna pasa unda a premira cu pa 2016 lo tin un total di entre 60 pa 80 mil Venezolano menos cu lo ta bishitando nos. E suma aki ta basa di e crecemento di esunnan cu a bin ta raspa carchi. Por agrega cu luna pasa tur cu a haci e transaccionnan prome cu e cambio, a biaha ainda. Pues den luna di Juni lo ripara e efectonan den e cifranan di turismo. Minister Oduber ta premira cu den e lunanan nos dilanti lo por mira un caida di 40% pa 50% pa locual ta trata e mercado di Venezuela y lo por mira un caida te na un 70%.

Durante e presentacion a sali na cla cu e situacion na Venezuela no ta uno di gaba y no ta mira un mehoracion nos dilanti tampoco. Den e aspecto turistico Aruba mester sigui diversifica riba otro mercadonan y prepara cu mas aerolinea. Minister Oduber ta indica cu lo sigui concentra den e mercado Mericano unda lo ta mas activo y habri mercado manera Mexico manera nos a bin ta haci e aña aki. E efecto di e caida di bishitantenan di Venezuela lo ta uno cu lo tin su peso pa locual ta trata nos bishitantenan den e proximo lunanan nos dilanti. No ta mucho cla ainda ki efecto esaki lo tin pa nos Hotelnan pero hecho ta cu 83% di e bishitantenan aki ta keda den "otro acomodacionnan". Pues ta premira cu e efecto mas grandi lo ta bisto den "otro acomodacionnan" compra cu hotelnan. "Otro acomodacionnan" manera entre otro casnan di huur, condominium of casnan cu nan huur lo sinti un efecto enorme. E tendencia di apartamentonan na huur pa 25 of 45 dollar pa dia poco poco lo ta bay disminui y te hasta elimina. Lo sigui monitor e desaroyo aki di cerca. E mandatario encarga cu turismo ta indica cu despues di un aña, pa un aña y mey, lo por bay mira un tipo di stabilisacion den e mercado Venezolano.

Expresionnan haci den e articulo aki no necesariamente ta refleha opinion di ArenaPoliti.co