{idkey=6860b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3553-minister-ing-mike-de-meza-operacion-di-refineria-riba-gas-natural-ta-un-cambio-drastico-y-beneficioso-pa-medio-ambiente%3FItemid%3D101][title=Minister+Ing.+Mike+de+Meza%3A+Operacion+di+refineria+riba+gas+natural+ta+un+cambio+drastico+y+beneficioso+pa+medio+ambiente][desc=ORANJESTAD+%E2%80%93+Reapertura+di+e+refineria+no+ta+representa+unicamente+un+cantidad+di+3+mil+cupo+di+trabou+directo+y+indirecto%2C+y+un+15%25+di+aumento+den+GDP.+E+manera+con+Gabinete+Mike+Eman+II+a+negocia+e+acuerdo%2C+poniendo+un+enfasis+riba+e+sistema+y+con+esaki+por+cuadra+lo+mas+posibel+den+e+vision+ambiental+di+Pais+Aruba%2C+a+produci+resultadonan+cu+ta+resaltante+y+positivo.+E+hecho+cu+e+refineria+ta+bay+opera+riba+gas+natural+ta+haci+un+cambio+drastico+y+ta+trece+multiple+beneficio%2C+tanto+pa+e+prop]}
ORANJESTAD – Reapertura di e refineria no ta representa unicamente un cantidad di 3 mil cupo di trabou directo y indirecto, y un 15% di aumento den GDP. E manera con Gabinete Mike Eman II a negocia e acuerdo, poniendo un enfasis riba e sistema y con esaki por cuadra lo mas posibel den e vision ambiental di Pais Aruba, a produci resultadonan cu ta resaltante y positivo. E hecho cu e refineria ta bay opera riba gas natural ta haci un cambio drastico y ta trece multiple beneficio, tanto pa e propio operacion di e refineria, como tambe pa nos medio ambiente.

Ken miho cu Minister di Energia, como tambe Medio Ambiente, ing. Mike de Meza pa pone tur esaki den perspectiva. El a haci esey dialuna mainta ora cu a reuni cu medionan di comunicacion local pa pasa riba tur detaye e acuerdo logra. Citgo Petroleum Corporation a firma pa opera e refineria na San Nicolas pa un termino di 15 aña, mas un opcion di 10 aña adicional. E suministro principal di combustibel pa e refineria lo ta gas natural. “Esaki ta algo sumamente importante y e ta parti crucial di e contact aki cu lo nifica un diferencia sumamente grandi pa nos medio ambiente,” Minister ing. de Meza a expresa.

El a menciona cu entre fuel oil y gas natural tin un diferencia masha grandi mes y a argument’e dunando ehempel di con menos polucion e operacion di e refineria ta bay genera. “Ta baha e NOX cu ta componentenan di Nitrogeno cu Oxigeno cu ta loke ta percura pa hopi pa e asina yama ‘acid rain’, mescos cu e SOX cu ta e componentenan di Sulfur cu Dioxido di Carbon.” E NOX ta baha cu 98% y e SOX ta baha cu 25%.

“E parti di ‘unburn fuel’ cu ta bay den aire y cu bo tabatin na Aruba tambe y ta conoci na Corsou y tur otro parti cu ta uza crudo pisa como nan combustibel, parti di e metalnan pisa cu ta bay over den gas, ta bay baha cu 100%. Bo no ta bay tin esaki mas,” asina e titular di Ingenieria y cu amplio experiencia den e industria, a duna di conoce.

Adicional na tur e beneficionan pa nos medio ambiente, e operacion pa medio di gas natural ta considera como uno mas stabil, mas barata, mas economico den loke ta mantencion y tambe mas safe. “Pa e siguridad di bo operacion e ta adecuado, confiabel y lo percura pa un operacion cu un siguridad di un grado hopi mas halto.”

Expresionnan haci den e articulo aki no necesariamente ta refleha opinion di ArenaPoliti.co