{idkey=2322b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4729-parlamentario-mr-xiomara-maduro-mep-nos-a-bishita-citgo-pa-haya-contesta-riba-pregunta-cu-ta-biba-den-pueblo%3FItemid%3D101][title=Parlamentario+mr.+Xiomara+Maduro+%28MEP%29%3A+Nos+a+bishita+Citgo+pa+haya+contesta+riba+pregunta+cu+ta+biba+den+Pueblo][desc=+Siman+pasa+Fraccion+di+MEP+a+haci+un+bishita+na+Citgo+pa+sera+conoci+cu+e+maneho+y+pa+haya+contesta+riba+e+preguntanan+cu+ta+biba+den+Pueblo.+Nos+a+haci+pregunta+pa+haya+un+bista+riba+e+operacion%2C+riba+empleo+pa+local%2C+riba+medio+ambiente+y+riba+e+gaseoducto+entre+Venezuela+y+Aruba.+OperacionDi+parti+di+Citgo%2C+sr+Zambrano+a+duna+un+presentacion+y+splicacion+di+e+modelo+di+operacion+di+Citgo+y+nan+relacion+cu+Citgo+Aruba+y+cu+e+compania+madre+PDVSA.+Ela+sigura+nos+cu+Citgo+Aruba+lo+tene+su+]}
Siman pasa Fraccion di MEP a haci un bishita na Citgo pa sera conoci cu e maneho y pa haya contesta riba e preguntanan cu ta biba den Pueblo. Nos a haci pregunta pa haya un bista riba e operacion, riba empleo pa local, riba medio ambiente y riba e gaseoducto entre Venezuela y Aruba.

Operacion
Di parti di Citgo, sr Zambrano a duna un presentacion y splicacion di e modelo di operacion di Citgo y nan relacion cu Citgo Aruba y cu e compania madre PDVSA. Ela sigura nos cu Citgo Aruba lo tene su mes na e leynan di Aruba y cu nan lo opera a base di e mesun “way of doing business” cu e otro 3 companianan di Citgo na Merca, aunke cu e operacion na Aruba no lo ta mesun complejo cu na e companianan na Merca. Sr. Zambrano a indica cu como cu den e business model di Aruba lo trece gas natural den e operacion, esaki ta haci e operacion mas factibel.

Empleo pa local
Lo tin dos momento den cual Citgo lo busca trahador. Na momento di ‘refurbishment’ y na momento cu nan ta cla pa cuminsa cu e operacion di e facilidad. Na e momento aki tin un proceso di ‘refurbishment’ cu ta tumando lugar na unda cu nan ta saca e refineria for di otro pa por inspeciona y drecha locual mester wordo drecha. Den e proceso aki nan ta tene cuenta cu seguridad y e medio ambiente y nan a indica di no ta sigur si den e fase aki lo haci uso di companianan cu ya caba a yega di traha den e refineria. E trabounan aki lo dura un periodo di 18 luna pa 2 aña. Despues di e periodo di ‘refurbishment e facilidad lo ta prepara pa por funciona full y na e momento ey lo tuma staff den servicio di cual nan ta permira cu lo ta di Aruba mes ya cu esey ta locual ta ‘make business sense.’ Nan ta conta riba 450 pa 500 cupo di empleo aki.

Medio ambiente
Sr Zambrano a splica cu Citgo lo trece crudo procedente di Orinoco belt cu lo bin hunto cu un diluente aden. Na Citgo Aruba lo pasa e proceso di upgrade y e crudo ‘intermediate’ ey lo bay Merca pa por wordo procesa pa e otro companianan di Citgo. E proceso di upgrade lo produci nafta cu lo wordo manda bek pa Venezuela. Na Aruba no lo keda residuo di e proceso segun sr Zambrano a splica. Pa locual ta e trabou cu a wordo haci cu asbestos na e refineria nos a haya e splicacion cu esaki ta un trabou cu Valero a concorda cu Gobierno y cu Citgo Aruba no ta envolvi den esaki. E dump cu ta programa pa bin na e tereno di e refineria ainda ta den fase di disenio. Sr. Zambrano a indica cu nan lo haci trabounan cu asbest conforme e procedura di seguridad cu ta conta pa e companianan di Citgo na Merca. Di nos banda nos a haci un apelacion na Sr. Zambrano pa Citgo actua como un bon cuidadano na Aruba enbista cu te ainda nos Pais no tin leynan pa proteha nos medio ambiente.

Gaseoducto
E proyecto di e gaseoducto, e pipa di gas for di Venezuela, lo ta un proyecto paralelo na e trabounan di ‘refurbishment’ na Aruba. Sr. Zambrano mes no tabata tin detaye di e proyecto di gas ya cu e proyecto aki ta den man di Citgo USA y PDVSA Gas. Nos Fraccion a keda di haya un contacto na Citgo USA pa asina nos por haci nos pregunta relavante riba e proyecto di e gaseoducto. Citgo Aruba lo start su facilidad haciendo uso di sea gas of fuel oil.

12 december 2016

Expresionnan haci den e articulo aki no necesariamente ta refleha opinion di ArenaPoliti.co