{idkey=6235b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3953-evelyn-wever-croes-mep-otmar-oduber-a-paga-us-250-000-pa-rapport-misterioso-di-pwc-y-no-kier-duna-parlamento%3FItemid%3D101][title=Evelyn+Wever-Croes+%28MEP%29%3A+Otmar+Oduber+a+paga+US%24+250%2C000+pa+rapport+%E2%80%9Cmisterioso%E2%80%9D+di+PWC+y+no+kier+duna+Parlamento][desc=ORANJESTAD+%26amp%3Bnbsp%3B--+Un+punto+di+discusion+fuerte+den+Parlamento+tabata+un+rapport+di+PWC+cu+a+costa+US%24+250%2C000.+Ta+trata+di+un+rapport+a+base+di+un+mocion+di+Parlamento+na+2015%2C+pa+hasi+un+studio+na+e+impacto+di+all-inclusive+na+Aruba.+Minister+Otmar+Oduber+a+basa+henter+e+ley+pa+regula+all-inclusive+riba+e+rapport+ey%2C+pero+a+nenga+rotundamente+di+duna+Parlamento+e+rapport.Otmar+Oduber+ta+un+manipulado+y+mal+ganjado.+Durante+e+reunion+el%E2%80%99a+menciona+7+biaha+cu+e+rapport+no+ta+existi.+MEP+y+PDR]}
ORANJESTAD  -- Un punto di discusion fuerte den Parlamento tabata un rapport di PWC cu a costa US$ 250,000. Ta trata di un rapport a base di un mocion di Parlamento na 2015, pa hasi un studio na e impacto di all-inclusive na Aruba. Minister Otmar Oduber a basa henter e ley pa regula all-inclusive riba e rapport ey, pero a nenga rotundamente di duna Parlamento e rapport.

Otmar Oduber ta un manipulado y mal ganjado. Durante e reunion el’a menciona 7 biaha cu e rapport no ta existi. MEP y PDR, hasta presidente di parlamento a pidi pa e rapport, pero el’a bisa 7 biaha cu e no ta existi. Un rato despues el’a bisa, cu e rapport ta existi, pero cu e no ta official. Nos a demanda pa haya e rapport toch, pero el’a sigi nenga. Na fin di e reunion, el’a admiti cu e rapport ta existi y cu su conclusion ta mescos cu di Banco Central. Pero asina mes e reunion a caba y e rapport no a wordo entrega na Parlamento. Aki presidente di parlamento a faya, pasobra un documento cu ta e UNICO base pa e ley, no por a keda scondi pa Parlamento. Presidente di Parlamento mester a bisa e minister, pone e rapport riba mesa, sino reunion no ta sigi!

Den e caso aki tin DOS rapport di PWC: un ta un rapport di estudio hasi pa PWC na anja 2015, y un ta un recapitulacion hasi pa PWC di 13 diferente studio den anja 2016. Esun di 2016 Parlamento a haya. Pero esun di 2015 e minister no kier duna nos. Ela bisa cu e no ta existi, y despues ela bisa cu e ta existi pero e no ta official.

Nos a haya si e conclusion di e studio di PWC di 2015, den letranan chikito di e rapport di 2016. Y den e documento di PWC di 2016 ta para riba pag 19 cu PWC a hasi un otro studio na all-inclusive di Aruba (na anja 2015) y a yega na e conclusion: “it might be advisable to embrace the all-incusive concept”. No ta ami ta bisa esey, ta e rapport cu e minister a usa como base pa e ley aki ta bisa esey. PWC ta yega na e conclusion aki a mirando cu Aruba tin experiencia cu all-inclusive na Aruba. Tambe pasobra hopi turista ta scohe pa all-inclusive awendia, y mirando cu tin e  posibilidad cu hotelnan all-inclusive di marca kier bin Aruba, nan ta recomenda pa Aruba brasa e modelo y continua cun’e. No ta ami ta bisa esey, ta e rapport cu Otmar Oduber a paga 250 mil dollar pe y cu Otmar Oduber ta usa como base di e ley. Y pesey nos kier haya e rapport completo pa sa a base di kiko PWC ta yega na e conclusion aki. Principalmente pasobra ainda mi no ta compronde dicon e minister no kier duna nos y ta sigi ganja cu e no ta existi. Un cos si ta sigur, lesando e conclusion aki mi ta conclui cu e minister a tuma tur hende hasi: Raad van Advies, Banco Central y su fraccion den Parlamento, pasobra e rapport di PWC cu e ta tene scondi, no ta sostene e posicion di e minister. Esaki por trese cune cu un hues por bari e ley for di mesa facilmente.

Ta importante pa ATA tene na cuenta cu dentro di poco gobierno ta cambia, y e ora si nan mester produsi e rapport ey. Y si resulta cu ATA a coopera cu Otmar Oduber pa manipula henter e sistema legislative, esaki lo ta devastador pa ATA.

Un cos ta sigur, e rapport aki lo bin riba mesa ‘sooner or later’” lider di MEP Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co