{idkey=7918b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3993-andin-bikker-pdr-mester-modernisa-e-tarifanan-pa-abogado-liber-y-amplia-e-asistencia-pa-casonan-administrativo%3FItemid%3D101][title=Andin+Bikker+%28PDR%29%3A+Mester+modernisa+e+tarifanan+pa+abogado+liber+y+amplia+e+asistencia+pa+casonan+administrativo][desc=Por+a+tuma+nota+cu+Orden+di+Abogado+a+pidi+Gobierno+pa+medio+di+Minister+di+Husticia+pa+ahusta+e+tarifanan+pa+abogado+liber%2C+pero+ta+parce+cu+Gobierno+no+tin+oido+pa+esaki+y+awo+accionan+a+wordo+anuncia+pa+otro+siman.+Andin+Bikker+ta+haya+cu+Orden+di+Abogado+tin+razon+pa+pidi+ahustacion+ja+cu+e+tarifanan+ta+data+di+15+pa+20+a%C3%B1a+pasa+y+nunca+a+wordo+ahusta.+Andin+Bikker+ta+haya+cu+%E2%80%9Cobviamente+un+abogado+no+por+keda+presta+e+mesun+servicionan+pa+un+tarifa+cu+ta+data+di+como+binti+a%C3%B1a+pasa+y+cu]}
Por a tuma nota cu Orden di Abogado a pidi Gobierno pa medio di Minister di Husticia pa ahusta e tarifanan pa abogado liber, pero ta parce cu Gobierno no tin oido pa esaki y awo accionan a wordo anuncia pa otro siman. Andin Bikker ta haya cu Orden di Abogado tin razon pa pidi ahustacion ja cu e tarifanan ta data di 15 pa 20 aña pasa y nunca a wordo ahusta. Andin Bikker ta haya cu “obviamente un abogado no por keda presta e mesun servicionan pa un tarifa cu ta data di como binti aña pasa y cu den e region, por ehemplo na nos isla ruman Curacao, a wordo redobla pasobra e tarifanan ta hopi anticua”. Ademas tin un dimension nobo ja cu awor tin un decision di Corte Europeo di Derechonan Humano cu ta bisa cu ora un sospechoso wordo deteni e mester haya asistencia di abogado ora cu e wordo interoga. Antes tabata cu despues di interogacion e ta haya asistencia di abogado. Awor ora cu e ta wordo interoga tambe e ta haya derecho riba esaki, y esey ta pone cu e trabaonan cu mester wordo desplega door di abogadonan cu ta duna e servicio di asistencia den casonan penal a bira mas grandi.

Andin Bikker ta recorda su punto di bista cu riba e tereno di asistencia huridico mester bin un reforma den su totalidad, pasobra aworaki nos Constitushon ta prescribi cu ciudadanonan tin derecho pa haya asistencia pa loke ta trata casonan administrativo tambe, pero Gobierno no ta cumpliendo cu nos Constitucion, ja cu te dia di awe no a amplia e Ordenansa di abogado liber cu e dimenshon aki. Actualmente Gobierno ironicamente ta uza fondonan publico pa bringa e ciudadano humilde den caso referente decisionnan cu Gobierno mes a tuma! Por ehempel, si un persona pidi un vergunning y e wordo nenga e mes mester busca un abogado pa bringa su caso pasobra e no tin manera pa haya asistencia a base di e Ordenanza di abogado liber. Pero e mes un Minister cu a nenga e permiso no tin nodi di saca un florin for di su saco: e por keda bringa e persona pa añanan largo cu e propio placa di belasting cu e persona ta paga. Andin Bikker ta mira esaki como un inhusticia y pues e dimension aki mester wordo adresa den e reforma di e systema nobo di abogado liber cu PDR ta desea di introduci.

Expresionnan haci den e articulo aki no necesariamente ta refleha opinion di ArenaPoliti.co