{idkey=5101b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4003-gabinete-me-ii-mr-drs-richard-arends-contrario-na-pasado-aruba-ta-beneficia-riba-tereno-di-medio-ambiente%3FItemid%3D101][title=Gabinete+ME+II%3A+Mr.+drs.+Richard+Arends+%26quot%3BContrario+na+pasado+Aruba+ta+beneficia+riba+tereno+di+medio+ambiente%26quot%3B][desc=Deal+cu+CITGO.%26amp%3Bnbsp%3BORANJESTAD-+Un+di+e+bentahanan+mas+grandi+cu+Aruba+a+logra+den+e+deal+cu+CITGO+ta+sin+duda+riba+tereno+di+medio+ambiente.+Den+un+entrevista+cu+Antilliaans+Dagblad+a+haci+cu+lider+di+e+team+cu+a+negosha+e+deal+cu+CITGO%2C+mr.+drs.+Richard+Arends%2C+e+punto+esencial+aki+a+bin+dilanti.+Contrario+na+pasado+e+refineria+ta+bay+opera+riba+gas.+Arends%3A+%26quot%3BPa+Aruba+esaki+por+ta+algo+nobo%2C+pero+tur+caminda+na+mundo+refinerianan+ta+draai+caba+riba+gas.+Esaki+ta+masha+importante+pa+cuido+di+me]}
Deal cu CITGO. 

ORANJESTAD- Un di e bentahanan mas grandi cu Aruba a logra den e deal cu CITGO ta sin duda riba tereno di medio ambiente. Den un entrevista cu Antilliaans Dagblad a haci cu lider di e team cu a negosha e deal cu CITGO, mr. drs. Richard Arends, e punto esencial aki a bin dilanti. Contrario na pasado e refineria ta bay opera riba gas. Arends: "Pa Aruba esaki por ta algo nobo, pero tur caminda na mundo refinerianan ta draai caba riba gas. Esaki ta masha importante pa cuido di medio ambiente, pasobra gas ta kima casi full y no tin emision di cosnan dañino. Ta bay tin emision di CO2, pero esey den su mayoria ta bay wordo recogi y uza como fuente di alimentacion pa e cultivo di algen cu ta bin eybanda."

E cultivo di algen ta un colaboracion entre TNO y Universidad di Wageningen. CITGO no ta un partner den e proyecto aki y ta pesey mes cu e cultivo aki ta pafo di e murayanan di e refineria. CITGO ta bay contribui si cu 5 miyon na e proyecto aki y ta mara pa medio di e contract pa contribui na e recogemento di e CO2.

E problematica pa loke ta polucion di e suelo por wordo reparti den tres parti.  "Te cu aña 1989 casi no tabatin leynan di medio ambiente y e desperdicio tabata wordo tira den bisindario di e refineria. E doño di e tempo ey 'Exxon', na momento di e traspaso a haya dispensacion di pais Aruba y no tabata responsabel pa haci e luga limpi. Claro cu Valero tin e obligacion solamente di entrega e tereno manera el a hay'e.  Nos sa cu en principio a exporta e retaso di petroleo, asina ta cu no a bin hopi desperdicio acerca", Arends a splica. Tin un fondo di medio ambiente den cual tin 12 miyon dollar. "E placa ey ta pa ora surgi situacionnan na unda di biaha mester actua, pero cu te despues ta haya sa ken ta responsabel pa e daño cometi". No ta na su luga pa laga CITGO paga pa e desperdicio cu e no a causa y ta pesey cu pais Aruba ta haci un investigacion riba medio ambiente di e suelo eynan. Arends a bisa cu e ultimo estudio haci di loke tin den e suelo ta data for di 1983. "Awor mester documenta hopi bon kico tin den e suelo pa despues por constata kico a bin acerca". Den e contract di lease Aruba a pone cu pais Aruba ta responsabel pa ehecucion di e investigacion, pero cu e gastonan ta wordo comparti cu CITGO.   

Arends: "Nos ta cuminsa mas lihe posibel cu e investigacion aki pa den dos aña tin documenta kico tur tin den e suelo di e tereno." Arends a remarca cu mayoria di e desperdicio ta na e instalacionnan unda e petroleo ta wordo refina. Tanten cu nan ta den uzo, e no ta un problema. Ta ora cu kier uza e tereno pa otro meta, mester tuma accion."

Expresionnan haci den e articulo aki no necesariamente ta refleha opinion di ArenaPoliti.co