{idkey=6489b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4221-parlamentario-marlon-sneek-avp-27-di-september-un-dia-historico-pa-aruba%3FItemid%3D101][title=Parlamentario+Marlon+Sneek+%28AVP%29%3A+27+di+September+un+dia+Historico+pa+Aruba%21][desc=Parlamentario+Marlon+Sneek%3B+Ta+felisita+henter+pueblo+di+Aruba.%26amp%3Bnbsp%3B27+di+september+ta+un+fecha+cu+lo+bay+den+historia+di+nos+pa%C3%ADs%2C+un+dia+hopi+grandi+pa+nos+pais+y+sigur+pa+partido+A.V.P+mi+no+sa+si+ta+pa+casualidad+of+ta+cos+di+destino%2C+pero+ta+net+3+a%C3%B1a+pasa+ariba+un+27+di+september+cu+e+pueblo+di+Aruba+a+duna+A.V.P+e+confianza+di+mas+grandi+den+historia+di+e+partido+te+cu+awor%2C+resultado+di+eleccion+tabata+cu+A.V.P+a+keda+reeligi+y+partdio+a+gana+eleccion+cu+13+asiento+di+e+forma+aki+duna]}
Parlamentario Marlon Sneek; Ta felisita henter pueblo di Aruba. 

27 di september ta un fecha cu lo bay den historia di nos país, un dia hopi grandi pa nos pais y sigur pa partido A.V.P mi no sa si ta pa casualidad of ta cos di destino, pero ta net 3 aña pasa ariba un 27 di september cu e pueblo di Aruba a duna A.V.P e confianza di mas grandi den historia di e partido te cu awor, resultado di eleccion tabata cu A.V.P a keda reeligi y partdio a gana eleccion cu 13 asiento di e forma aki duna partido AVP e mandato pa continua cu e gobernacion di nos país.
Un mandato asina aki ta duna reconosemento na e trabou grandinan cu a wordo ehecuta pa Gabinete Mike Eman I y sigur aprobacion total pa e bon trabou cu a wordo hasi di 2009 pa 2013 e expresion cu 'bon trabou' tabata confirma esaki. Pero e mandato tambe tabata bisa 'ainda falta'. 27 di september 2016 anochi tabata un anochi caminda, un otro di e metanan cu ainda tabata falta a wordo logra, despues di a salva e fondo di Penshun di nos grandinan, despues di a salva e fondo di penshun di APFA, despues di a atende e retonan di AZV, despues cu a hasi nos turismo uno solido, e reapretura di e refineria ta otro di e logro nan cu ainda tabata falta. Parlamento cu 19 voto na fabor a bisa un si contundente na e reapertura di e refineria. Un anochi colma di alegria, tanto den sala di Parlamento como riba tribuna cual menster bisa cu tabata jen jen, e emocionnan tabata halto, cu un aplauso grandi e publico a celebr, e echo cu e ley a wordo aproba pa Parlamento di Aruba. Mester bisa cu tabata un momento hopi bunita y cu lo bay den historia como e momento cu Aruba a tuma e miho decision pa loke ta su futuro. Cu e ley aki Aruba a drenta un era nobo, na 2009 cu gabinete Mike Eman a drenta gobernacion a haya Aruba riba un solo pia y riba dje un pia manca. Turismo tabata afecta y Aruba henter tabata den un sufrimento. Un situacion sumamente precario. Gabinete Mike Eman a traha duro, dia y anochi cambiando asina e perspectiva amargo di Aruba den uno prometedor. Pero tabata falta un parti esencial di e pilar economico cu semper a carga nos economia cu tabata e refineria. Awor cu e aprobacion di Parlamento pa realisa reapertura di e refineria. Nos por gradici y felicita henter pueblo Arubano, pabien, un pabien bon mereci na Boso tur. Boso a duna nos e sosten pa ta aki awe pa por realisa apertura di e refineria."
Un bes mas mi kier a manda palabranan di gratitud na tur e expertonan cu a yuda den e proceso y un palabra special di elogia na Minister de Meza cu a haci un gran trabou durante henter e procedura tras di lomba y su tremendo resultado.

Expresionnan haci den e articulo aki no necesariamente ta refleha opinion di ArenaPoliti.co