{idkey=339b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4222-parlamentario-marlon-sneek-avp-aruba-su-economia-back-ariba-2-pia%3FItemid%3D101][title=Parlamentario+Marlon+Sneek+%28AVP%29%3A+Aruba+su+economia+back+ariba+2+pia%21][desc=Danki+na+e+echo+cu+minister+Mike+de+Meza+nunca+a+perde+e+speranza+cu+lo+por+a+habri+e+refiner%C3%ADa+back%2C+awe+nos+ta+celebra+e+echo+cu+Aruba+tin+su+propio+refiner%C3%ADa.+E+apertura+di+refineria+no+ta+nada+otro+cu+e+resultado+di+confiansa+den+nos+propio+hendenan+y+insistencia+di+gabinete+Mike+Eman+II+pa+habri+e+refineria+y+garantisa+trabou+pa+nos+hendenan%21+Y+mas+cu+tur+cos+garantisa+e+di+dos+pilar+econ%C3%B3mico+di+nos+pa%C3%ADs+back%2C+aki+nos+ta+papia+di+no+menos+cu+10+pa+12+%25+di+nos+GDP%2C+cu+ta+representa+ente]}
Danki na e echo cu minister Mike de Meza nunca a perde e speranza cu lo por a habri e refinería back, awe nos ta celebra e echo cu Aruba tin su propio refinería. E apertura di refineria no ta nada otro cu e resultado di confiansa den nos propio hendenan y insistencia di gabinete Mike Eman II pa habri e refineria y garantisa trabou pa nos hendenan! Y mas cu tur cos garantisa e di dos pilar económico di nos país back, aki nos ta papia di no menos cu 10 pa 12 % di nos GDP, cu ta representa enter 100 pa 120 miyon florin den caha di gobierno, tambe ta importante pa bisa cu ora bnos ta papia di trabou nos ta papia di 1000 cupo di trabou directo y 4000 indirecto, aki nos ta papia di prosperidad pa Aruba henter.

Mi ta conteto di mira cu Oposicion a reacciona nan tempo y a vota pro e ley, despues cu nan a papia hopi, y grita hopi toch nan a bin realisa Kiko ta bon pa Aruba, ainda ta fresco den nos mente cu nan a laga sa cu nan tin shete compania cu kier habri e refineria, pero ora “puntje komt bij paaltje” ni un di e companianan a presenta, es mas parlamentario Andine Bikker di partido Democracia Real a jama reunion dos biaha pa compaña nan cu lo tabata interesa pa habri e refinería pero e compaña nan aki a meldziek te awe no a tende nada mas di nan.

Minister Mike de Meza si a persevera, no cu palabra y grito, pero cu trabou duro y confiansa den nos propio expertonan cu a negocia e apertura. Awe e integrantenan di M.E.P kier bin usa dichonan manera “si tin di 1% posibilidad pa habri e refineria mester sondia esaki” e mes un intergrantenan aki a haña e mesun 1% aki dia 29 di mei 2010 y nan a vota contra e reapertura di e refineria esey ta e realida, e lider Evelyne Wever Croes e tempo ey a prefera di bay fiesta y keda sin vota pa e ley aki. Tristo pa Bo mira e tipo di hendenan aki kier bin hunga salvado di mundo pero ora nan tabata tin e oportunidad pa salva e refineria a keda sin vota y otro nana riba su partido a vota contra, nan lo bay den historia pa esaki, y sigur e fracción di A.V.P lo bay den historia pa e echo cu na dos occacion a mustra determinación y a hasi tur loke tabata den nan alcance pa garantisa e reapertura di e refineria.

Expresionnan haci den e articulo aki no necesariamente ta refleha opinion di ArenaPoliti.co