{idkey=8047b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4184-evelyn-wever-croes-mep-mep-ta-kere-den-e-pilar-industrial-como-pilar-economico%3FItemid%3D101][title=Evelyn+Wever-Croes+%28MEP%29%3A+MEP+ta+kere+den+e+pilar+industrial+como+pilar+economico][desc=Bienestar+di+pueblo+di+Aruba+SEMPER+tabata+na+prome+lugar.+%E2%80%9CNos+fraccion+lo+tuma+un+decision+na+bienestar+di+Aruba%2C+na+bienestar+di+e+centenares+di+mama+y+tatanan+cu+lo+bay+haya+trabou.+Y+e+prome+cos+cu+bay+malo%2C+nos+lo+tene+Mike+Eman+y+Mike+de+Meza+personalmente+responsabel.+Y+ta+hopi+importante+pa+nos+tene+na+cuenta+cu+si+e+ley+no+pasa%2C+AVP+ta+bai+desmantela+e+refineria+mesora.+Den+seno+di+AVP+semper+nan+tabata+realmente+contra+e+refineria.+Na+anja+1989+nan+a+cuminsa+corta+e+tubo+nan+caba.+N]}
Bienestar di pueblo di Aruba SEMPER tabata na prome lugar.

“Nos fraccion lo tuma un decision na bienestar di Aruba, na bienestar di e centenares di mama y tatanan cu lo bay haya trabou.
Y e prome cos cu bay malo, nos lo tene Mike Eman y Mike de Meza personalmente responsabel. Y ta hopi importante pa nos tene na cuenta cu si e ley no pasa, AVP ta bai desmantela e refineria mesora. Den seno di AVP semper nan tabata realmente contra e refineria. Na anja 1989 nan a cuminsa corta e tubo nan caba. Na anja 2016 nos ta den e mesun situacion. AVP a cuminsa desmantela caba. Nan a anuncia esey. Si e ley no pasa Parlamento e siman aki, Mike Eman y AVP lo cuminsa desmantela mesora. Y e ora si nos lo no tin refineria nunca mas na Aruba!

MEP su vision pa termino largo ta pa crea pilarnan economico estable, y e pilar industrial ta uno cu a demostra di ta estable. Nos pais a bira grandi cu e pilar aki. Y pesey nos ta kere den un refineria, pero no a costo di tur cos! Pesey nos tin cu hasi tur lo posible pa nan no destruye, pasobra si nan cuminsa desmantele, nos por wel di lubida e industria aki pa semper. Den e vision di MEP riba termino largo ta pa upgrade e refineria pa e por produci productonan mas competitivo pa garantisa un operacion duradero y mas limpi. Sin un refineria, ta medida so gobierno lo bin cune. Nos no kier medida, nos kier alternativa.

Finalmente mi a dirigi mi mes na prome minister Mike Eman cu no tabata den sala. Si awe e parlamento aki pone e bandera geel, cora of berde un banda, y nos haya otro riba un linea, no ta pasobra Mike Eman a logra esey. MEP semper a lucha cu e bandera di Aruba padilanti. Dia nos a bai accion Ora Cero na gate di Valero, ta cu bandera di Aruba nos a bai.

Si nos pone e banderanan politico un banda, ta pasobra nos ta pone ARUBA na prome lugar. Y pasobra tur e esfuersonan di AVP pa causa mas desunion den nos pueblo, y mas desunion den e parlamento aki, a fracasa.

Si di berdad Mike Eman kier papia di un logro hunto, lo Eman a cana e caminda di dialogo, y cu respet pa parlamento, lo ela duna parlamento tempo suficiente pa studia e documentonan, lo ela duna parlamento e documentonan cu ta parti integral di e ley.

Pero Mike Eman no a hasi esey. Y nos di MEP a mira e wega di Eman pa crea mas desunion. Pero nos no ta cai den wega di AVP. Ya cu Mike Eman a papia di esaki awor, si di berdad e kier logra union, scucha e dolornan di pueblo. E ansha cu ta biba den pueblo pa insiguridad y criminalidad. Si Mike Eman ta honesto, e mester pone su bandera berde un banda, y ban uni pa hasi nos pais mas sigur. Ban uni den e marcha contra criminalidad, pa mas siguridad" Lider di MEP Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co