{idkey=4434b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4357-benny-nisbet-ppa-avp-mep-ta-ofrece-pueblo-un-upgrader-ppa-ta-ofrece-un-vision-y-maneho-economico-pa-logra-un-di-tres-y-of-cuatro-pilar-economico%3FItemid%3D101][title=Benny+Nisbet+%28PPA%29%3A+%E2%80%9CAVP%2FMEP+ta+ofrece+pueblo+%E2%80%98un+upgrader%E2%80%99%E2%80%A6.PPA+ta+ofrece+un+vision+y+maneho+economico+pa+logra+un+di+tres+y%2Fof+cuatro+pilar+economico%21%21%E2%80%9D][desc=Despues+cu+gobierno+di+Aruba+a+hasi+un+di+tres+jamada+pa+celebra+e+resultado+di+e+negosacion+cu+CITGO+Petroleum+Corportation%2FPDVSA+e+pregunta+ta+keda+%E2%80%A6..ki+dia+lo+nos+por+tende+cu+%24+683+million+dollar+necesario+pa+e+transformacion+di+e+refineria+den+un+UPGRADER+a+worde+deposita+riba+un+cuenta+local%2Finternacional+of+a+lo+menos+un+parti+di+djele+%21Mientras+tanto+despues+di+3+decada+di+nos+Status+Aparte+%E2%80%A6%E2%80%A6.Aruba+ta+bek+na+locual+por+considera+%E2%80%98homeplate%E2%80%99+of+hasta+menos+cu+esaki.+Aki+PPA+ki]}
Despues cu gobierno di Aruba a hasi un di tres jamada pa celebra e resultado di e negosacion cu CITGO Petroleum Corportation/PDVSA e pregunta ta keda …..ki dia lo nos por tende cu $ 683 million dollar necesario pa e transformacion di e refineria den un UPGRADER a worde deposita riba un cuenta local/internacional of a lo menos un parti di djele !

Mientras tanto despues di 3 decada di nos Status Aparte …….Aruba ta bek na locual por considera ‘homeplate’ of hasta menos cu esaki. Aki PPA kier anota cu Aruba tin un refineria desde 1927 cual refineria a worde sera na 1985 !! Habri na 1990 y sera atrobe na 2009 !! Habri atrobe na 2010 y sera atrobe na 20012 bao di un ‘show’ di otro mundo esta cu nos gobierno/nos ministro di Energia viahando riba bao rond mundo…pero e refineria a worde sera !

Cu tempo e propio ministro di Energia sr. Mike de Meza alias The Mess a bira vocero di e noticia cu Aruba lo mester custumbra cu e idea cu lo ‘desmantela e refineria’ dentro di poco ! Cu tempo esaki a cambia. No kabe duda cu e cambio aki tin di haber cu e hecho cu AVP ( y otro) jamas tabatatin un vision economico pa kiko mas e haf di San Nicolas lo por a worde usa pele den futuro. PPA su vision tabata e.o. Shipbuilding y Shipservices, Containerhaven International, Bunkerservices, steelbuilding y mucho mas. Ta pesey AVP a guli manda abao pa pone un final na nos refineria y accepta un transformacion pa un upgrader pa crudo pisa venezolano y awor a jega na un acuerdo unda Aruba su pueblo ta carga un gran parti di e ‘investorsrisk’ door di duna un garantia cu si Aruba of cualkier instancia no cumpli cu locual Aruba segun contract lo mester cumpli cunele….CITGO lo tin derecho di hasi uso di garantia aki !!!

Entodo caso e meta di nos articulo aki ta pa accentua con durante inicio di ultimo siglo (1927) Aruba a logra pa un compania habri un bunkerstation cual pa 1927 a worde expande den un refineria cual a bira e prome pilar economico di nos pais. Durante decada 50 partido PPA a logra bin na mando cu un sosten amplio (15) asiento y PPA su fundador sr. Juan E. Yrausquin q.e.p.d. a anuncia un programa di inversion amplio pa cumpli cu nos pueblo su necesidadnan pero tambe na mes momento e meta sagrado pa prepara Aruba como un destinacion pa Turismo. Inversion den nos Compania di Awa y Eletricidad, Inversion den modernisacion di nos Aeropuerto…..Inversion den modernisacion di nos Infrastructura y planificacion pa construccion di varios hotel riba nos Isla. Esaki a crea e di ‘dos’ pilar economico cu den curso di tempo a tuma over como e prome pilar economico di pais Aruba.

Awor despues di 30 anja di nos Status Aparte di gobernacionan cu signatura MEP y AVP Aruba a logra un acuerdo pa habri e fascilidad cu un tempo tabata un refineria pero awor lo worde transforma den un UPGRADER pa upgrade e crudo di mas pisa venezolano cu ta trece mucho mas problema cune ora e proceso realmente cuminsa realmente.

E ponencia di PPA sinembargo ta ……..cu Aruba ta bek na ‘homeplate’….un vez mas Aruba ta sigui depende di locual NO ta un refineria pero un upgrader …..anto Aruba lo sigui depende di turismo crea pa partido PPA. E pregunta ta ….Unda e progreso ta ? Unda e diversificacion di e diferente sector ta ..despues di 30 anja di gobernacion di AVP/MEP of MEP/AVP?

Esaki ta clarifica pakiko tanto di nos studiantenan ta keda biba den exterior despues cu nan termina nan estudo…….dos pilar economico no ta ofrece un diversificacion di cupo di trabao na nos generacionan cu ta sigui nos.

PPA como partido cu a demonstra nos vision na varios momento crucial den historia di nos pais …ta demonstrele un vez mas cu nos vision pa Aruba bira un HUB esta un player crucial den Caribe! Pa Aruba diversifica tanto nos producto turistico den futuro cercano como e mercadonan for di unda Aruba ta busca su turismo.

PPA ta e unico partido cu nos vision ta indica: “Aruba como HUB den Caribe”

1. Un Aruba World Trade Center combina cu un Universidad cu lo tin e fascultadnan Idioma y I.T. y dos ‘business hotels’.
2. Stimula inversion den un compania di Television regional cu e meta di transmiti ‘noticia y informacion’ di tur isla den Caribe y paisnan den region’ for di nos Isla di Aruba !!
3. Stimula inversion den un compania di Container International !
4. Stimula inversion den Telecomunicacion cu e meta pa sirbi como HUB di Telecomunicacion den Caribe !!
5. Hiba un maneho cu lo stimular inversion den I.T. y E commerce etc..!
6. Stimula inversion den e ‘Free Zone di Aruba’ !
7. Crea un maneho fiscal pa stimula inversion den compania ‘chikito’ di pais Aruba. 

PPA ta convenci cu mirando desaroyo den Caribe cu e.o. Cuba cu Aruba mester moderniza nos maneho riba tereno di turismo locual e gobierno di AVP despues di 7 anja no a hasi y expande nos producto turistico.

1. Atencion pa MCI tourism (Convencion) etc.
2. Stimula inversion den un otro ‘golfersdestination’.
3. Crea un sector di ‘Health & Wellness’ tourism.
4. Stimula, inverti y mercadea ‘San Nicolas, Our Caribbean Town’.
5. Bende Aruba como un ‘shoppingdestination’.
6. Atencion pa e asina niche di ‘Yacht tourism’
7. Dedica mas atencon pa stimula y diversifica ‘cruise tourism’.

Tur esaki lo bai junto cu un maneho cual ta ensera …inversion den nos trajadornan pa nan por cumpli cu nos producto su bon nomber na tur momento ‘Aruba One Happy Island’.

PPA ta kere cu awor cu AVP y MEP a demonstra nan atencion pa un Upgrader ….cu tur respet…..PPA ta demonstra cu nos ta prepara pa ofrece pueblo un di tres y posiblemente un di cuatro pilar economico cu cuponan di trabao di valor y diversifica.

PPA lo bin bek riba e topico aki.

Aruba, 24 oktober 2016.
BENNY NISBET,
Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co