{idkey=3183b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4319-booshi-wever-upp-e-comedia-cu-a-tuma-lugar-rond-di-nombramento-di-un-gobernador-nobo-pa-aruba-parce-mas-bien-un-smoke-screen-pa-otro-cosnan-cu-ta-sosode-of-lo-bay-sosode%3FItemid%3D101][title=Booshi+Wever+%28UPP%29%3A+E+comedia+cu+a+tuma+lugar+rond+di+nombramento+di+un+Gobernador+nobo+pa+Aruba+parce+mas+bien+un+%E2%80%9Csmoke+screen%E2%80%9D+pa+otro+cosnan+cu+ta+sosode+of+lo+bay+sosode][desc=Siman+pasa+UPP+a+duna+su+opinion+caba+tocante+e+nombramento+di+sr.+Alphonso+Boekhoudt+como+nos+proximo+Gobernador+di+Aruba.+UPP+a+yega+na+e+conclusion+cu+un+biaha+mas+nos+por+mira+con+Hulanda%2C+apesar+cu+Minister+Presidente+Mike+Eman+ta+e+culpabel+mayor%2C+ta+pasa+Aruba+un+fast+ball+dor+di+nombra+un+persona+cu+no+a+wordo+presenta+pa+Aruba.+Apesar+cu+nos+sa+cu+segun+Statuut+di+Reino+y+tambe+Reglamento+di+Gobernador%2C+Gobierno+di+Reino+ta+esun+cu+ta+nombra+un+Gobernador%2C+semper+tabata+haci+esaki+den+c]}
Siman pasa UPP a duna su opinion caba tocante e nombramento di sr. Alphonso Boekhoudt como nos proximo Gobernador di Aruba. UPP a yega na e conclusion cu un biaha mas nos por mira con Hulanda, apesar cu Minister Presidente Mike Eman ta e culpabel mayor, ta pasa Aruba un fast ball dor di nombra un persona cu no a wordo presenta pa Aruba. Apesar cu nos sa cu segun Statuut di Reino y tambe Reglamento di Gobernador, Gobierno di Reino ta esun cu ta nombra un Gobernador, semper tabata haci esaki den consulta cu Aruba. Aki ta unda cu nos ta bisa cu autonomia di Aruba, den su forma informal, tambe ta wordo atacha dor cu a kibra cu un costumber unilateralmente door di Hulanda ya cu den pasado a combini y palabra riba e procedura cu lo wordo hiba. Un custumber cu indirectamente ta duna Aruba e respet di su status autonomo, pero parce e respet cu hustamente ta bini di e status autonomo a bay perdi. E consecuencia directo di esaki ta tambe, cu nos autonomia bou di gabinete Mike Eman poco a bin ta wordo minimalisa.

Sea cu of sin consentimento sr. Mike Eman a bay di acuerdo pa laga Hulanda formalmente tuma e decision cu kizas e tabata tin problema pa tuma, dor di promesanan cu el a bin ta haci na hendenan, cu awor e no por cumpli cu nan. Ta incomprendibel pa UPP, cu dia 7 di oktober Gobierno di Reino ta tuma un decision, 11 di oktober Rey Willem ta firma e Decreto Real (KB) y gobierno di Mike Eman ta warda te diaranzon 12 di oktober pa manda un señal pa Hulanda pa protesta y exigi un reunion cu Premier Rutte. Sr. Eman no a pidi un “intern appèl” manera cu reglamento y statuut ta prescribi y mescos cu a sosode tempo di e caso Jonckheer/Leito como Gobernador di Antiyas na 1970. En bez di hasi esaki el a scohe pa manda un carta alo macho exigiendo pa papia cu sr. Rutte, pero a dobla rabo y manera un mucha chikito sr. Rutte a lague papia cu Plasterk. Awe nos por mira con a baha cabez atrobe y ta bin cu un declaracion conhunto cu ta papia di e.o. atrobe fortalese e lasonan den reino y yega na un cooperacion mas estrecho y intensivo na beneficio di ambos pais di Reino. E ultimo aki lo nifica cu UPP ta bolbe mira mas metemento Hulandes, ya cu e actitud di sr. Eman ta haci hustamente cu nos parce mucha chikito y ta duna gobierno di Hulanda bin pone ordo. Sin un biaha ta transparente dor di bisa kiko lo ta e cooperacion cu nan ta referi na dje.

Henter e asunto aki ta muestra con leu e degenaracion a bay den gobernacion y den nos politica aki na Aruba. Tambe nos por mira cu mientras cu Hulanda ta falta respet pa gobierno di Aruba, sr. Mike Eman como un supuesto lider di e pais aki, tambe ta falta respet pa Parlamento di Aruba. Ningun momento nos ta mira cu a acerca Parlamento y asina purba na yega na un “politiek draagvlak” prome cu e bay Hulanda. NO a informa Parlamento riba kico ta pasando, mientras cu ta hustamente e “politiek draagvlak” cu e no a regla di antemano a haci cu el a keda stanca cu e nombracion di un gobernador nobo pa Aruba.
Nos por a ripara cu despues di a mustra di ta un “tiger” den fin di siman, unda el a bay asina leu di retira sr. Boekhoudt for di puesto di GevMin na Hulanda, awe ta resulta den “gatito” cu kier a salba Reino Hulandes. Pues UPP ta considera cu loke a bin ta pasando un comedia completo, pero cu nos ta adverti cu lo tin mas cos su tras.

Loke UPP ta spera si tambe ta cu sr. Eman, den nomber di tur minister cu a retira sr.Boekhoudt, manda un disculpa publicamente pa e trato cu el a ricibi, particularmente ora el a wordo tilda di ta un traidor. En todo caso e decision ta cla. Nos tin un Gobernador nobo den persona di sr. Alphonso Boekhoudt, cual nombracion lo no ricibi un “schoonheidsprijs”, mientras cu den e reaccion ningun di dos gobierno no ta indica kico y na unda cada uno a comete fout. Aki atrobe ta peca cu un regla importante di Good Governance, esta TRANSPARENCIA. No ta keda nada otro, mescos nos a haci den reaccion anterior, pa desea sr. Boekhoudt tur clase di forsa, sabiduria, firmesa y exito pa e posicion cu e ta bay carga awor. Y nos ta ripiti cu nos ta spera cu e demonstra e caracter, manera di nos Gobernador saliente, sr. Freddis Refunjol y no permiti wordo usa ni dor gobierno di Aruba, ni dor di esun di Hulanda.

UPP ta pidi nos pueblo un biaha mas pa keda alerto riba e loke a keda combini na Hulanda atrobe pa loke ta concerni e lasonan estrecho di cooperacion cu mester wordo mehora na beneficio di Hulanda.
Pasobra loke ta resalta den henter e asunto aki, ta e division enorme cu tin den nos pueblo. A yega e momento pa yega na un UNION pa asina yega na e Compromiso Nacional cu UPP for di un principio ta boga pe pa nos por frenta Hulanda pa demonstra Hulanda y mundo henter cu nos ta merecedor di tin nos Status Aparte y cu nos lo no tolera pa Hulanda sigui cu su politica di "verdeel en heers" cu no ta yuda nos na nada. Al contrario esaki ta hiba nos na e situacion na unda politiek Den Haag ta kere cu nan por dump nos for di Reino Hulandes. Ta keda na nos pa salba nos autonomia, y e unico manera pa por salba esaki ta dor di caba cu loke Hulanda ta tilda nos di dje, esta "Onbehoorlijk en Ondeugdelijk bestuur". Y con nos por logra esaki? Por medio di introduccion di reglanan estricto di Good Governance.

Siman pasa UPP a duna su opinion caba tocante e nombramento di sr. Alphonso Boekhoudt como nos proximo Gobernador di Aruba. Nos a bisa tambe cu esaki ta cu, ya a prima vista pasobra un biaha mas nos por mira con Hulanda, apesar cu Minister Presidente Mike Eman ta e culpabel mayor, ta pasa Aruba un fast ball dor di nombra un persona cu no a wordo presenta pa Aruba. Apesar cu nos sa cu segun Statuut di Reino y tambe Reglamento di Gobernador, Gobierno di Reino ta esun cu nombra un Gobernador, semper tabata haci esaki den consulta cu Aruba. Aki ta unda cu nos ta bisa, cu autonomia di Aruba, den su forma informal, tambe ta wordo atacha, dor cu tabata costumber y cu combini cu esaki ta un proceso cu lo wordo hiba. Un custumber cu indirectamente ta duna Aruba e respet di su status autonomo. Pero parce e respet cu hustamente ta bini di e status autonomo, a wordo perdi. Implicando tambe cu nos autonomia bou di gabinete Mike Eman poco a bin ta wordo minimalisa.
Sea cu of sin consentimento sr. Mike Eman a bay di acuerdo pa laga Hulanda formalmente tuma e decision cu kizas e tabata tin problema pa tuma, dor di promesanan cu el a bin ta haci na hendenan cu awor e no por cumpli cu nan.
Ta incomprendibel pa UPP, cu dia 7 di oktober Gobierno di Reino ta tuma un decision. 11 di oktober Rey Willem ta firma e Decreto Real (KB), y gobierno di Mike Eman ta warda te diaranzon 12 di oktober pa manda un señal pa Hulanda, pa protesta y exigi un reunion cu Premier Rutte. Sr. Eman no a pidi un “intern appèl” manera cu reglamento y statuut ta prescribi, y mescos cu a sosode tempo di caso Jonckheer/Leito como Gobernador di Antiyas na 1970. Sr. Eman a scohe djis pa bay papia cu sr. Rutte, pero a keda contento di papia tambe cu Plasterk. Y awe, nos por mira con a baha cabez atrobe y ta bin cu un declaracion conhunto cu ta papia di e.o. atrobe fortaleze e lazonan den reino y yega na un cooperacion mas estecho y intensivo na beneficio di ambos pais di Reino. Pa e ultimo aki sigur UPP ta bolbe mira mas metemento Hulandes, ya cu e actitud di sr. Eman ta haci hustamente cu nos parce mucha chikito y ta duna gobierno di Hulanda bin pone ordo.

Den henter e asunto aki nos por mira yen di acontesimentonan cu ta pone nos pensa con leu e degenaracion a bay den gobernaciona y den nos politica aki na Aruba. Tambe nos por mira cu mientras cu Hulanda ta falta respet pa gobierno di Aruba, sr. Mike Eman como un supuesto lider di e pais aki, tambe ta falta respet pa Parlamento di Aruba. Ningun momento nos ta mira cu a acerca Parlamento y asina purba na yega na un “politiek draagvlak” prome cu e bay Hulanda. NO a informa Parlamento riba kico ta pasando, mientras cu ta hustamente e “politiek draagvlak” cu e no a regla di antemano a haci cu el a keda stanca cu e nombracion di un gobernador nobo pa Aruba.
Nos por a ripara cu despues di a mustra di ta un “tiger” den fin di siman, unda el a bay asina leu di retira sr. Boekhoudt for di puesto di GevMin na Hulanda, awe ta resulta den “gatito” cu kier a salba Reino Hulandes. Pues UPP ta considera cu loke a bin ta pasando un comedia completo, pero cu nos ta adverti cu lo tin mas cos su tras. Loke UPP ta spera si tambe ta cu sr. Eman, den nomber di tur minister cu a retira sr. Boekhoudt, nan manda un disculpa publicamente pa e trato cu el a ricibi, particularmente ora el a wordo tilda di ta un traidor.
En todo caso e decision ta cla. Nos tin un Gobernador nobo den persona di sr. Alphonso Boekhoudt, cual nombracion lo no ricibi un “schoonheidsprijs”, mientras cu den e reaccion ningun di dos gobierno no ta indica kico y na unda cada uno a comete fout. No ta keda nada otro, mescos nos a haci den reaccion anterior, pa desea sr. Boekhoudt clase di forza, sabiduria, firmeza y exito pa e posicion cu e ta bay carga awor. Y nos ta ripiti, cu nos ta spera cu e demonstra e caracter, manera di nos Gobernador saliente, sr. Freddis Refunjol y no permitie wordo uza ni dor gobierno di Aruba, ni dor di esun di Hulanda.

UPP ta pidi nos pueblo un biaha mas pa keda alerto riba e loke a keda combini na Hulanda atrobe pa loke ta conserni e lazonan estrecho di cooperacion cu mester wordo mehora na beneficio di Hulanda.


Partido UPP
Booshi Wever
18 oktober 2016

Expresionnan haci den e articulo aki no necesariamente ta refleha opinion di ArenaPoliti.co